دھۆک و زاخۆ سوباھی د دەلیڤەیا دووماھیێ دا
ئەڤرۆ نیوز:
فوتو،قەیس وەیسی:
بریارە سوباھی ھەردو نوونەرێن پارێزگەھا دھۆکێ د قوناغا چار گوشا زێرینا خولا کوردستانێ یا تەپا پێ یاریێن خوە ل یاریگەھێن خوە بکەن کو ئەڤ یاریا ھەتا رادەکی دێ بیتە یاریێن دەلیڤەیا دووماھیێ بۆ ھەڤرکیا ناسناڤێ خولا کوردستانێ یا ئەڤ سالە و ھەر ئەنجامەکێ نە چاڤەرێکری یێ ھەردو تیمان تایبەت تیما دھۆک ھەتا رادەکی دێ دەلیڤەیا دەستدانا ناسناڤێ ژی دەست دەن.
د یاریا ئێکێ دا ل دەمژمێر سێ پشتی نیڤرو بریارە بھێتەکرن تیما تەپا پێ یا زاخۆ بریارە یاریا خوە ل یاریگەھا خوە نیڤدەولی ل گەل یانا پێشمەرگا ھەولێر بکەت کو تیما پێشمەرگە چار خال ھەنە و زاخۆ خودانا سێ خالانە و تیما زاخۆ بۆ ڤێ یاریێ دی بزاڤێ کەت سێ خالێن یاریێ ب دەستخوڤە بینت داکو جارەکا دی ھیڤێن خوە گەش بکەت بۆ ھەڤرکیا ناسناڤێ خولا کوردستانێ بەرامبەر تیما پێشمەرگە دێ بزاڤێ کەت یا بەردەوام بیت ل سەر ھەڤرکیا ناسناڤێ خولێ و دێ بزاڤێ کەت بێ خوسارەتی ژ پارێزگەھا دھۆکێ ب ڤەگەریت پشتی د یاریا بوری دا ل یاریگەھا دھۆکێ شیای سەرکەفتنێ ل سەر یانا دھۆک توماربکەت و دێ بزاڤێ کەت ب شەش خالان ڤەگەریت و ھیڤێن خوە گەش بکەت بۆ ھەڤرکیا ناسناڤێ خولێ.
ژلایەکێ دیڤە د یاریا کلاسیکو یا کوردستانێ دا بریارە ھەردو یانێن دھۆک و ھەولێر ھەمبەری ئێک بەن ل یاریگەھا یانا دھۆک یا وەرزشی بریارە ئەڤ یاریا ل دەمژمێر شەش ئیڤاری بھێتەکرن .
دڤێ یاریێ دا دێ شەرەکێ مەزن ل سەر خالێن یاریێ ھێتەکرن ژبەرکو ئەڤ یاریا ھەتا رادەیەکێ مەزن دێ بیتە دەلیڤەیا دووماھیێ یا یانا دھۆک ھەر ئەنجامەکێ نە چاڤەرێکری دێ ژ ھەڤرکیا ناسناڤێ خولێ و رێزا دوێ د خولێ دا دورکەفیت ژبەرکو نوکە چو خال نین ژ دو یاریێن بوری بەرامبەر ھەڤرکا وێ تیما ھەولێر خودانا چار خالانە و سەرکەفتنا وێ دڤێ یاریێ دا دێ ھەڤرکەکێ ژ خوە ڤەکەت ئەوژی یانا دھۆک ھەردیسان دێ ھیڤێن خوە گەش کەت بۆ برنا ناسناڤێ خولێ .
