نهێنيه‌كا مه‌ترسيدارا ئايفۆنێ به‌لاڤ بوو
ئه‌ڤرۆ نيوز، فاتما مزوورى:
كۆمپانيا ئه‌پل بۆ جارا ئێكێ نهێنيه‌ك سه‌باره‌ت به‌رهه‌مێن ئايفۆنێ ئاشكه‌را كر و ئه‌ڤه ژى ب ديتنا چاڤدێران نه‌يا چاڤه‌رێكرى بوو.
ئه‌پل راگه‌هاند، مۆبايلا ئايفۆنێ ژيه‌كێ دياركرى يێ هه‌ى و بۆ ده‌مه‌كێ درێژ كار ناكه‌ت و ئه‌ڤه ژى بۆ جارا ئێكێ يه نهێنيه‌كا ژ ڤى جۆرى به‌لاڤ دبيت.
ئه‌پل راگه‌هاند ژى كو مۆبايلا ئايفۆن زێده‌ترى سێ سالان كار ناكه‌ت و دڤێت جۆرێن نووتر به‌رهه‌م بينن و ئه‌ڤ كاره ژى ب تنێ بۆ وێ چه‌ندێ يه كۆمپانيا بشێت داهاته‌كێ باشتر ب ده‌ست خوه ڤه بينيت.
هه‌ڤده‌م به‌حس ل وێ چه‌ندێ ژى كر كو ده‌مژمێرێن زيره‌ك يێن ده‌ستى ژى ژيێ وان ب تنێ سێ ساله و لاپتۆپێن جۆڕ ئه‌پل ژى ژيێ وان ساله‌كێ درێژتره، ئه‌ڤه ژى دبيته ئه‌گه‌رێ وێ چه‌ندێ كو پشتى سێ سالان يان چاران بكارئينه‌رێن ئه‌پل ب نه‌چارى ده‌ست ژ به‌رهه‌مێن وێ به‌رده‌ن و روو بكه‌نه به‌رهه‌مێن نووتر.
ئه‌ڤى نووچه‌يێ كۆمپانيا ئه‌پل كارتێكرنه‌كا نه‌رێنى كريه سه‌ر به‌رهه‌مێن وێ و بوويه ئه‌گه‌ر كو فرۆتنا به‌رهه‌مێن وێ به‌ر ب كێميێ ڤه بچيت و بكارئينه‌رێن وێ به‌رێ خوه بده‌نه كۆمپانيا هه‌ڤركێن وێ ژ به‌ر كو به‌رهه‌مێن وان زێده‌تر كار دكه‌ن.
