نەشێم بێ وی ب قەتینم
ئه‌ڤرۆ نيوز:
ژنەکا 27 سالی دلێ خوە بۆ رۆژناما ئەڤرۆ ڤەدکەت و دبێژیت: ئەڤە دوو سالە من شووکری و خودان ھەڤژینم و زارۆیەک مە ھەیە، بەری ھینگێ گەنجەکێ حەزژێ من دکر، ژیێ وی نھا 29 سالن ئەو ژی خێزاندارە ھەر چەوا بیت ژبەر ھندەک ئەگەرا ئەم نەگەھشتینە ئێک .. لێ ئەڤە ماوەیەکە بەردەوام ناما بۆ من دھنێریت و پەیوەندیا وی ب من زێدە بوویە و نھا حەزژێکرنا وی یا وەل من کری نەشێم بێ وی بقەتینم ھەکە روژەکێ ب رێیا تەلەفونێ یان ناما ل گەل نەئاخڤم بێھنا من ناھێت و ئەو ژی ھەر حەزژێ من دکەت، ترسا من ئەوە جارەکێ ھەڤژینێ من ب ڤی َچەندێ ب حەسیێت، ئەڤجا ھوون بو ڤێ ئاریشا من چ دبێژن و ئەز چ بکەم ؟
خانما ھێژا :
یاباش ئەوە بزانی تو یا بەرپرسی ژ خێزانەکێ و دڤێت تو پروژێ پیروزێ ھەڤژینیێ ب پارێزی و نەخاسمە خودان زارۆیەکی و پەروەردەکرنا وی یا د ستویێ تەدا، ئەڤجا دڤێت ب عەقلانە تەماشای ژیانی بکەی و ب عەقلانە پێنگاڤێن خوە پاڤێژی دا ب خۆشی دناڤ پێلێن ژیانێ دا ببوری، بزانە ژن دجڤاکێ مەدا تووشی گەلەک فشارا دبیت و نەخاسمە ھەکە یا جوان بیت و ئەو ئازادیا زەلامی ھەی ئەوێ نینە ئەڤجا دڤێت یا ھشیار بیت و یا ورد بیت د وەرگرتنا بریارا دا و ھەکە وەرگرت دڤێت ب پارێزیت دا سەرکەفتنێ بینیت و ئەگەر نە دێ تووشی نەخۆشیا و ئاریشا بیت، لەوا گەلەک جاران مە ئاماژە ب وێ چەندێ دایە دەمێ موبایلێ بکار دئینن بۆ مژوولیا و بەردەوامی دان پێ بیاڤەکی پەیدا دکەت کو ئیدمانێ چێ دکەت و پاشی دبیتە نەخۆشیەک لنک وی کەسی و دا مرۆڤ دوور کەڤیت دڤێت خودان ئیرادە بیت، ئەڤجا یا باش ئەوە خوە دوور بێخی ژ ڤێ رەفتارێ و دوێ باوەریێ دابە ئەگەر بەردەوام بی دێ پەشیمان بی ژبەرکو ھەکە ھەڤژینێ تە بزانیت دێ کێشێن مەزن بو تە دروست بن.