ترێله‌ك و تانكه‌ره‌كى لێكدا
ئه‌ڤرۆ نيوز:
رێڤه‌به‌ريا به‌ره‌ڤانيا باژێرى راگه‌هاند ئه‌ڤرۆ رۆژا شه‌مبى ل سه‌رجادا سه‌ره‌كى يا دێربوونێ دو ترۆمبێلان لێكدا.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى رێكه‌فتى 30ى نيسانا 2016ێ و ل ده‌مژمێر 10:00ى سپێدێ روودانه‌كا لێكدانێ د ناڤبه‌را دو ترۆمبێلێن ترێل و تانكه‌ر دا دروست بوو”.
زێده‌تر گۆت: “د ئه‌نجاما ڤێ روودانێ دا شوفێرێن هه‌ردو ترۆمبێلان بريندار بوون و بۆ نه‌خۆشخانا ته‌نگاڤيان ل زاخۆ هاتنه ره‌وانه كرن”.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ دا زانين ژى كو زيانێن مه‌زن ب هه‌ردو ترۆمبێلان كه‌فتن.
