وه‌زیرا به‌ره‌ڤانیا ئیتالیا: پێشمه‌رگه‌ى ب پشكه‌كێ ژ خوه دزانین
ئه‌ڤرۆ نیوز:
سه‌رۆك بارزانى ئه‌ڤرۆ پێشوازیا خانم روبێرتا پینتونى وه‌زیرا به‌ره‌ڤانیا ئیتالیا كر، د دیداره‌كێ دا وه‌زیرا به‌ره‌ڤانیا ئیتالیا خوه‌شحالیا خوه ب دیدارا سه‌رۆك بارزانى راگه‌هاند كو ل نێزیك به‌رۆكێن شه‌رى دیدار ئه‌نجام دایه و ئه‌ڤ چه‌نده ب خوه رامانه‌كا بلند هه‌یه و دیاركر كو وه‌لاتێ وان شانازیێ ب وێ یه‌كێ به‌شداریێ دكه‌ت كو ل گه‌ل هێزێن پێشمه‌رگه‌ى هه‌یه د شه‌رێ به‌رامبه‌ر تیرورستان دا كو دوژمنێ مروڤایه‌تیێ نه و گۆت ” پێشمه‌رگه ب پشكه‌كێ ژ خوه دزانینن و خوه‌ژى ب پشكه‌ك ژ پێشمه‌رگه‌ى ددانین”.
وه‌زیرا به‌ره‌ڤانیا ئیتالیا سوپاسیا سه‌رۆك بارزانى و گه‌لێ كوردستانێ كر كو سه‌ره‌راى هه‌بوونا شه‌ر و ته‌حه‌دایێن مه‌زنێن ئابوورى، ب سه‌دان هزار ئاواره و په‌نابه‌ر حه‌واندینه و پابه‌ندبوونا وه‌لاتێ خوه بۆ پێشكێشكرنا هه‌ڤكاریێن سه‌ربازى و مروڤى بۆ پێشمه‌رگه و گه‌لێ كوردستانێ دووپات كر و سوپاسیا وێ هه‌ماهه‌نگى و هاریكاریا هێزا پێشمه‌رگێ كوردستانێ كر ل گه‌ل تیمێن سه‌ربازیێن ئیتالیا ل به‌نداڤا مووسل.
د هه‌مبه‌ر دا سه‌رۆك بارزانى ب خێرهاتنا وه‌زیرا به‌ره‌ڤانیا ئیتالیا كر و سوپاسیا گه‌ل و حوكمه‌تا ئیتالیا كر بۆ وێ هه‌ڤكارى و پشته‌ڤانیكرنا گه‌لێ كوردستانێ .
سه‌باره‌ت هاریكاریكرنا ئاواران، سه‌رۆك بارزانى سه‌ره‌راى ئاماژه دان ب خه‌مساریا حوكمه‌تا عیراقێ د هاریكاریكرنا په‌نابه‌ران دا، رژدى ل سه‌ر وێ یه‌كێ كر كو یا دشیاندا بیت بۆ ئاواره و په‌نابه‌ران پێشكێش كریه.
