ئهرێ كورد مللهتهكێ موسلمانه یان موسلمانێ مللهتهكی یه ؟
دڤێت ههر تاكهكێ كورد هزرا ههندێ د مێشكی خو دا بكهت كا ئهو مللهتهكێ موسلمانه یان موسلمانێ مللهتهكی یه. ل پشتی بهرسڤ دانێ بلا عهرهب و ئایینا ئیسلامێ ژێك جوودا بكهت ب وێ ڕامانی كو عهرهب نه پهیام بهرا ئیسلامێ یه و نه ئهوا ههموو عهرهب دبێژن ڕاستن.
بهری پهیدابوونا ئایینێ پیرۆزێ ئیسلامێ كورد ههبوون و خودێ وان دانایی بی وهك مللهت.
جهێ داخێ یه گهلهك جاران گاڤا دچینه گهنگهشهیان دگهل هندهك تاكێن كوردان دیار دبیت كو هیشتا هندهك كهسا خوه ئێكلایی نهكریه كا ئهرێ ئهو كوردهكێ موسلمانه یان موسلمانهكا كورده یان میللهتهكێ موسلمانه یان موسلمانا مللهتهكی یه. ل ڤێره ئهڤ دهستهواژهیه نه وهكی دهستهواژهیا حهسهن كهچهلی و كهچهل حهسهنی یه. ئهز دبینم دهما تاكهكێ كورد گۆته خوه ئهم مللهتهكێ موسلمانین ڕامان ئهوه كو تاكهكێ نیشتیمان پهروهر و خودان رهوشتهكاجوانائایینی یه و ئهو پێگیره ب نهتهوه و ئایینا خوه، یادی ب بهروڤاژی.
شاشیهكا مهزنه كو گهلهك جاران هندهك كهس ل ژێر ئایدۆلۆژیا ئایینی بهرگریێ ل عهرهب و كهسانێن توندڕهو دكهن. جهێ داخێ یه هێشتا بیر و باوهڕهكا كوردایهتیا پتهو ل دهف خهلكێ مه پهیدا نهبووه كو حهش نهتهوهو خاكا خوه بكهت و ل بن پالهپهستۆیا ئایدۆلۆژیا عهرهبان وهسا تێگههشتی یه كو ههكه ئهو حهش مللهت و دۆزا خوه بكهت گونهههكا مهزنه ژلایێ ئایینی ڤه، چنكو د ئایینێ ئیسلامێ دا نهتهوهیا سهرهكی عهرهبه. چێ نابیت كهس ب خراپی بهعسێ عهرهبان بكهت و ههموو عهرهب موسلمانێن عیار 24رن.
ل بن پهردهیا ئایینێ ئیسلامێ ل باشوورێ كوردستانێ ئهوا عهرهبان ب سهر سهرێ كوردان ئینایه ل جهێن دونیایی ب سهر كهسێ دا نههاتیه. باشترین نموونه ئهنفال و كیمیا باران كرن و زینده ب چال كرن و تهعریب و جینۆساید كرنا كوردان بوو. شاشیا مهزن ئهوبوو ل وی سهردهمی هندهك كوردان دگۆتن ئهنفال كارهكێ پیرۆزه و ل قورئانا پیرۆز دا هاتیه ل سهر ئهوان بنهمایان كوردهكێ سهرۆك جاش رابوو قوتابخانهیهك ل سهر كیستێ خوه ئاڤا كر و ناڤێ قوتابخانێ كره ئهنفال و ل سالا 1988 ل رۆژناما سهورهیا بهعسیان ب شانازی دیدارهك ساز دابوو دگۆت ئهنفال ههند پیرۆزه لهورا من پشتگیریا ئهنفالا كوردان كریه و من قوتابخانهیهك ل سهر كیستێ بهریكا خوه چێكریه و ناڤێ وی كریه ئهنفال!!!
ههر كهسهك بڤێت قوتابخانا ئهنفال نیشا وی بدهم بلا بهێت نووكه ئهو قوتابخانه مایه لێ ناڤێ وێ هاتیه گوهۆڕین. ب دیتنا من نووكه دهمێ ههندێ هاتیه كو ههر تاكهكێ كورد ریسێرچهكی ل مێشكێ خوه بدهت، دهربارهی جێوازی كرن د ناڤبهرا عهرهب و ئیسلامێ دا. دڤێت ئهم ههموو بزانین عهرهب مرۆڤن و پشكهش ژ وانا هزرا توندڕهوی و دڕندایهتیی دناڤ ناخێ واندا ههیه ل بهرامبهردا ئیسلام ئایینهكێ ئاسمانی و رۆحانی یه ل تهرهف خودێ بۆ مرۆڤایهتیی هاتیه لێ بزمانێ عهرهبی هاتیه چنكو عهرهب ل ههموو مللهتێن دی سهر رهقتر بوون حهتاكو باش تێبگههن. فهره ههموو كوردێن موسلمان بزانن ئهو مللهتهكێ موسلمانن نهك موسلمانێن مللهتهكینه و جهێ داخێ یه نووكه گهلهك كهس ههنه موسلمانێن میللهتهكینه ئهو مللهت ژی عهرهبه.
