ته‌یموور شێخكی: داخوازا راستڤه‌كرنا نه‌خشه‌یێ رۆژهه‌لاتا ناڤین دكه‌ین
هه‌ولێر، قائید میرۆ
بهه‌لكه‌فتا بۆرینا سه‌دسالیا رێكه‌فتناما سایكس بیكۆ چوار رێكخراوێن لاوێن كوردستانێ د به‌یاننامه‌یه‌كێ دا رادگه‌هینن، رێكه‌فتنا سایكس بیكۆ گورزه‌كا كوژه‌كبوو ل ئێكه‌تیا نه‌ته‌وه‌ییا كورد هاتیه وه‌شاندن.
ته‌یمور شێخكی، سكرتێرێ ئێكه‌تیا لاوێن كوردستانێ ب ئه‌ڤرۆ نیۆز راگه‌هاند: سه‌دسال بۆرین لسه‌ر رێكه‌فتنا سایكس بیكۆ مه وه‌كی رێكخراوێن لاوان هه‌لویستێ خوه لدۆر ئه‌ڤێ رێكه‌فتنێ دیاركریه ، كو وی سه‌رده‌می ب ئه‌گه‌رێ رێكه‌فتنا سایكس بیكۆ كوردستان لبه‌ر چاڤێن جڤاكێ نێڤده‌وله‌تی بۆسه‌ر چوار پارچا هاتیه به‌لافكرن و بڤێ ئه‌گه‌رێ د سه‌د سالێن بۆری دا ملله‌تێ مه توشی چه‌ندین كاره‌سات و نه‌هامه‌تیا بوویه و سه‌ره‌رای ڤێ چه‌ندێ د خه‌باتا خوه یێ به‌رده‌وام بوویه.
شێخكی گۆتژی” ئه‌م وه‌كی رێكخراوێ، لاوان داخواز دكه‌ین دوباره نه‌خشه‌یێ رۆژهه‌لاتا ناڤین بهێته كێشان و سنورێن بده‌ست هاتینه كێشان نه‌مینن، چونكو كورد نها فاكته‌ریێ ته‌ناهیا ده‌ڤه‌را رۆژهه‌لاتا ناڤینه و پێشمه‌رگه یێ به‌ڕه‌ڤانیێ ل هه‌موو جیهانێ دكه‌ت.
