ئاگرێ شۆرهشا 26 گـۆلانێ نههێلا پیلانێن دوژمنان سهربگرن
بێگومان پشتی كارهساتا ل سهر گهلێ مه هاتی سهبارهت وێ پێلانا دوژمنكاریا ههڤپشك ژلایێ وهلاتێن بهرژهوهندكار و دهولهتێن دهرهكی ل سهر شۆرهشا ئیلۆنێ ئهكید كاودانهكێ نهخۆش و نالهبار ب سهر گهلێ كورد دا هات و دیار بوو لرسهر ڤێ چهندێ خهلك ب شێوهیهكێ گشتی كهته بهر وان پێلێن نهمرۆڤایهتیا كۆمهكا دوژمنان، چونكی وهسا دهاته نیشادان هێزا شۆرهشا ئیلۆنێ ههمی پارچێن كوردستانێ ل بن چادرا شۆرهشێ كۆم كربوون و بهرهیهكێ بهرفرهه دانابوو، ههتا وی رادهی رژێما بهغدا بوو كو ئیعترافێ ب گهلێ كورد بكهت و رێكهفتنا 11ئادارێ ب نهچاری ئیمزا بكهت، لهورا دهست ب پلاندانانا پیلانان كر و رۆژ بۆ رۆژی گڤاشتن و مهترسیێن وان بهردهوام بوون، بهلێ راگههاندنا شۆرهشا گۆلانێ هیڤیێن گهلێ مه گهۆرین و چاڤهرێ رۆژهكا نوو بوون و گهلێ مه هاته هشیاركرن چرایێ شۆرهشا 26گولانا پێشكهفتنخواز هاته ههلكرن و بوو بهرسڤهك بۆ پیلانگێرێن ریكهفتنا خیانهتكارا جهزائیرێ
ژ ئالیهكێ دیڤه خهلكێ كوردستانێ گهلهك كهیفخۆش بوون كو جارهكا دی بیروكا پارتی و رێبازا پیرۆزا بارزانی رێبهر و سهركێشیا شۆرهشا گۆلانێ دكهت، لهورا د پهیاما راگههاندنا شۆرهشا گولانێ دا كهدخوار و سهرداچوویێن رژێما بهغدا گێژ بوون و هاته زانین گهلێ كورد چ جاران ژ نهخشه و پێلانێن وان ناترسیت و شۆرهشا گولانێ ل سهر دهستێن ئهمین و باوهرپێكری هاته مهیدانا كوردستانێ ژبهرهندێ ڤێ سهربلندیێ وێنهو راستیا سهنگا گهلێ كورد ژدهرڤه و ناڤخۆ دیار كر، ههروهسا كره ئاماژهكا تۆلڤهكرنێ بۆ وان ئالیێن پشكداری د پێلانگیریا جهزائیرێ دا كری، چونكی گهلێ مه مێژوویهكا درێژ دگهل ڤێ نهیاریا بهردهوام ههیه و هێشتا وێ كهربا ژ ناڤبرنا شۆرهشا ئیلۆنێ خهلكێ مه بهرنهدابوو، لهورا ههر ل دهسپێكا بانگهوازیا شۆرهشا گولانێ ههمی خهلكێ كوردستانێ هشیار بوو كو رۆژهكا نوو و مسوگهر بۆ گهلێ مه برێڤهیه، نهخاسمه شێوازێن ڤێ شۆرهشێ ئاراسته و سیاسهتهكا جودا یا بهرچاڤ ههبوو، لهورا كارتێكرنا خوه ل سهر دهروونێ خهلكێ كوردستانێ كر و ڤێ شۆرهشێ ب پراكتیك خوه دایه ناسین، ل ههمان دهمی شۆرهشا گولانێ ترس و لهرزهكا مهزن ئێخسته د ناڤ دلێ دار و دهستێن رژێما بهغدا دا و دیار بوو سهرێ رێكا ل رژێمێ بهرزه بوویه و دێ ئهو رۆژ هێت كاربدهست و دیڤهلانكێن رژێمێ بكهڤنه داڤێن شۆرهشێ و بگههنه سزایێن خوه، لهورا ههمی گاڤهكێ چاڤهرێی مرنا خوه دكرن.
ئهكید پشتی شۆرهشا گولانێ ب وێ گهرم گۆریا هاتیه د گۆڕهپانا كوردستانێ دا و دهست ب هێلێن نهێنی كری بۆ بهێزكرنا رۆلێ رێكخستنا شۆرهشا گولانێ د ناڤ جهرگێ رژێمێ دا و بێگومان ڤان بیر و باوهران كوردایهتیا دروست د سهرێ خهلكێ مه دا چاند، لهوا كۆر و كچێن گهلێ مه ل دۆر ئالایێ شۆرهشا گولانێ خرڤهبوون و راستیا پهیاما شۆرهشێ ل سهرانسهری كوردستانێ دهنگ ڤهدا و تێكهلی خوین و دلێ ههر كوردهكی بوو و شهرێ مان و نهمانێ بۆ گهلێ كورد هاتهكرن و ل سهر ڤێ رێبازێ گهلهك كۆر و كچێن گهلێ مه بۆ گههشتنا پهیاما شۆرهش و ئازادیا كوردستانێ خلفا سێدارێ ماچی كرن و كونجێن زیندانێن تاڕیێن بهعسیا كرنه مالا خوه و بۆ سهركهتنێ و ئازادیێ چهكێ كهرامهت و فیداكاریێ ب ملێ خوه ڤهكرن و مرن ههلبژارت و ل سهر ڤێ رێكێ گهلهك قارهمانێن ڤی مللهتی گیانێ خوه گوری كورد و كوردستانێ كرن و هێزا شۆرهشێ گههشته وی ئاستی شیا گهلهك دهڤهرێن ستراتیژی ل ژێر دهستێ رژێمێ كونترۆل بكهن و ژ بهر شهڕێ ههشت سالیێ دگهل ئیرانێ رژێمێ ئهو هێزا سهربازی نهمابوو كو بشێت بهرهڤانیێ ژ سهروهریا خوه بكهت، لهورا زۆربهیا دهڤهرێن كوردستانێ هاتنه ئازادكرن.
بهلێ پشتی رێكهفتنا شهڕ راوهستاندنێ دگهل ئیرانێ ئیمزاكری و رژێما بهغدا جارهكادی چوویه دهستێ ئیرانێ و لهشكرێ خوه ژ بهروكێ شهڕی ڤهكێشا و بهرێ وی دایه كوردستانێ و شۆرهشا گولانێ و ههمی كهرب و كینا خوه ل سهر كوردستانێ دارێشت و پهنا بره چهكێ كۆمكوژ و ب ناڤێ ئهنفالان كوردستان كێمیاباران كر و ب هزاران خهلكێ بێ دهستههلات ل سالا 1988 شههید كرن و ب ساخی بن ئاخ كرن و ئهڤێن ماین بهرهڤ سنوورێن توركیا و ئیرانێ ڤه چوون، بێگومان شكهستنا شۆرهشا گولانێ ژ ئهنجامێ وێ ل ههڤهاتنا عیراق و ئیرانێ بوویه، بهلێ ئیراده و خۆراگریا مللهتی ژ پیلانگێر و كێمیابارانا دوژمنان مهزنتر بوو و هیچ رۆژهكێ گهلێ كورد چوك بۆ دوژمنان نهدانایه، لهورا جارهكا دی ل سالا1991ێ سهرهلدان كر و ههمی تهخ و چوینێن ڤی مللهتی ب یهك دهنگ و یهك دل هێرش كرنه سهر بنگهه و بارهگههێن رژێما بهعس و رهڤ كهته دار و دهستێن وێ و كوردستان ههمی هاته پاقژكرن و ئازاد بوو.
ل دووماهیێ دبێژم شۆرهشا ئیلۆن و گۆلان و سهرهلدان بوونه تهمام كهرێن ئێك بۆ گههشتنا وان ئارمانجێن دیاركری و ههلبهت ئهڤرۆ ژی بهرههمێ وێ خهباتا بێ راوهستیان جڤاكێ نیڤدهولهتی پشتهڤانیا گهلێ كورد دكهت و پێشبینی دیارن كو دانا دهولهتا كوردی نێزیك بوویه.
