هنگو خوه بزداند!!!
ل وهلاتێ نهرویج مرۆڤ ب 2 دۆلاران دچیته دهستنڤێژا ستویر! و ب 68 دۆلاران جزای ددهت ئهگهر مرۆڤی میزته ب دیوارهكی ڤه!. ل پایتهختێ نهرویجێ حوكمهت پارهی ژ وهلاتی دستینیت تا بكاریت گوهێ خوه بدهته ڕادیویێ، ب 100 دۆلاران ههیڤانه دڤێت پارهی بدهی دا بكاریت تهماشهی تهلهڤزیونێ بكهت!. دڤێت وهلاتی 63. 3 دۆلاران بدهت دا بكاریت ب ترۆمبێلا خوه بچیته ناڤ باژێری بۆ ههر جارهكێ د ماوێ ئێك دهمژمێر دا! وهلاتی دڤێت سالانه 398 دۆلاران بدهت دا بكاریت ل سهر جادا ترۆمبێلێ بهاژووت! ههر مالهك ههتا 280 دۆلاران ههیڤانه ههقێ گلێش هاڤێتنێ و سهخبێریكرنێ ددهت!. ههكه هات و ته تف كره ب ئهردی ڤه ئهو ته تف كره ب وهلاتی ڤه و جزایێ خوه دێ دهی! هوین ب خودێ ڕۆژێ چهند جارا هوین تف دكهنه زارۆكێن خوه؟ یان بهر دهروكێ خوه یان ههر كهسهكێ بیت؟؟؟ هوسا و ل دویڤ یاسا دهولهتێ دێ گران ل سهر ته ڕاوهستیت وهلاتیێ خوشتڤی. خهلك هوسا د دهولهتبوونێ دا دژیت!. گهلو هنگو دڤێت بنه دهولهت؟؟؟ یان ژی گلێشێ خوه پاڤێژیه پشت دیواری؟ وهكی عهرهبان بژین دكهڤزێ و چیفێدا؟ هنگو خوه بزداند! ما ههما دێ پارێ گلێش هاڤێتنێ دهن؟ ئهڤه حوكمهتا مه یا رێنمایێن دهولهتبوونێ بجه دئینیت مالا هنگو!. حوكمهتا ههرێمێ یا گلێشێ ته دسۆژیت و دكهته كاهرهب و د فرۆشیته ته ! ما كێ گۆتیه دهولهتبوون ژ بلی شههیدان؟! دهولهتبوون نهیا بهلاشه، دهولهتبوون دهمێ نێزیكی راستیێ دبیت ب دلێ ڕیڤهبهرا ژی نینه، دهولهتبوون ئانكو دووماهیك بوونا بازارێ گازا ڕهش و پارێ ڕهشه. بابهت نه دانا ههقێ گلێشی یه، بهرپرسێن وهلاتی ئێدی نكارن دزیا بكهن دهمی دكهڤنه بن بهند و قانوونێن نیڤ نهتهوهیی ڤه، مه چ دهولهت نهڤێن كو تێدا ههقێ گلێشی بدهین! یان دزیا تێدا نهكهین، و واستهیی و گهندهلی تێدا نهبیت. مانێ ژبهر هندێ ئهم نهبووینێ! ئهو ب خوه ئهڤه ئهم ژ سالا 1991 وهره دهولهتین، ما دهولهت یا ب شاخه؟ یان ئهم یێن ب شاخین. بهرپرسێن وهلاتێ مه نیڤهكا ستۆكهولمێ كڕی و سێ چارێكێن توركی و یونانێ كڕین و مللهت مژویلی ههقێ گلێشی كرن !! ما گوهێن مه چهندیتر درێژ بن دا دهنگ بگههیت گهلو؟ هنگو خوه بزداند! كو كامیرێن ترافیكێ هاتنه دانان! ئهڤه یا ل ههمی دهولهتان ! هنگو خوه بزداند! كو گلێشێ ههوه ب پاره بكهنه پاره دا ئهو بخۆن! پرسیار ئهوه ئهڤه هنده ساله ڤان بهرپرسان هنگ داقوتان و هوون نه بزدیان! هوون برنه سهرێ فرعی و پارێ موهلیدا كاهرهبێ ژ وهستاند و هوون نهبزدیان! ههقێ سێ دهولهتا ڕهڤاندنه ژ دهرڤهی وهلاتی و كهس ژمه نه بزدیا! حوكمهتا مه مفا ژ بوهارا خودێ ژی كر كو ئهڤه سێ ههیڤه مللهت گیایی دخۆن! حوكمهتا ههرێمێ حیلا خوه ل ڤێ دونیایێ ههمیێ كر! و ئهم ب گێشی ڤه موژیلكرین.
