ئهرێ ئیرانێ چ ژ كوردستانێ دڤێت؟!
رژێما ئیرانێ دهست ب بهلاڤكرنا مهزنترین بنكێ مووشهكا و سهربازگهههكا پاسهوانێن شۆرهشا ئیرانی (الحرس الپوری) ل نێزیكی ناوچا سهید سادق سهر ب پارێزگهها سلێمانیێ ڤه كریه و هندهك سهركرده و ئهفسهرێن پله بهرز بهردهوام سهرهدانا وان بنكان دكهن و سهرپهرشتیا ئاڤاكرنا وان دكهن. و هندهك هێزا یهكهیا (400) یا بسهر فهیلهقا قودس یا تایبهت ب دووڤچوونا پارتێن كوردێن رۆژهلاتی دكهت كو ئۆپۆزسیۆنا وانن،. و ل دووڤ پێزانینان كو ل خهفتی ئهیارێ دهست ب ئاڤاكرنا بنكهكێ مهزن ل دهڤهرا چیایێن سۆرین كریه ئهوا نێزیكی ناوچا سهید سادق و فرۆكێن وانێن ههلیكۆپتهر بهردهوام ل سهر وێ دهڤهرێ دفڕن. ل دهمێ سهربازێن وان بنكان ئاڤا دكهن وسا دیاره فهرماندێ لهشكهرێ وانێ پهیاده (محهمهد باكیور) سهرهدانا وێ دهڤهرێ كریه و دو جاران بۆ دیتنا رێڤهچوونا كارێ ئاڤاكرنا بنكێن لهشكری و فهرماندێ پاسهوانێن شۆرهشێ ل باژارێ مهریوان كو ناڤێ وی (عیسی حهبیب زادهیه) بۆ ماوێ سێ رۆژان ل دهڤهرێ بوو ژ بۆ ههمان كاری، ههر وهسا فهرماندێ پاسهوانان ل ئۆرمیێ (عابد خرم ) دو جاران سهرهدانا بنكێ مووشهكان كریه ژ بهر كو ئهو بنكه یێ گرنگه بۆ ئیرانێ! و ژبلی ئاڤاكرنا بنكێن مووشهكان لهشكرێ ئیرانێ یێ بهردهوامه د ڤهكرنا تونێلهكێ دا (نهفهقهكێ) كو ل دهمێ شهرێ عیراقێ و ئیرانێ كار تێدا دهاته كرن ل بنێ چیای، داكو هاتنوچوونێ ئاسان بكهن ل سهر سنوورێ خوه و ژ بۆ ڤهگوهاستنا چهكی و تهقهمهنی و سهربازان ههر چهنده دهستههلاتا سلێمانیێ ڤێ چهندێ رهت دكهت و دبێژیت ئهڤ چهنده نینه ل دهڤهرێ لێ ئامادهبوونا (قاسمی سلیمانی) ل رێكهفتنا ئێكهتی و گۆرانێ دهێلیت مرۆڤ باوهر بكهت كو دوور نینه ئیران وان كریاران ل سهر سنووری بكهت و بهرههڤیێ بۆ كریارهگێ دكهت؟ و ژ بۆ تێكڤهدانا بارێ كوردستانێ د ڤان قووناغێن نازك و مهترسیدار دا و ب هایكاریا ههڤالبهندێن خوه ل دهڤهرێ و پشتی وان ڤهلڤینان و ب فهرمانا ئیرانێ پارتا كۆمهلا كوردستانێ یا ئیرانی نهچار بوویه دهڤهرێ بهێلیت ل دووڤ فهرمانا حكوومهتا سلێمانیێ؟ و ل دووڤ شرۆڤهكارێن رامیاری ئیرانێ دڤێت دهڤهرێن –سلێمانیێ –و ههلهبجا شههید –كۆنترۆل بكهت و ببیته ب سهر خوهڤه، چونكی ترسا ئیرانێ ژ دهولهتبوونا كوردستانێ یه و مافێ چارهنڤیس و مافێ مرۆڤی د فهرههنگا ئیرانا ئیسلامی دا نینه و بهلكی یا حهرامه؟ و ژبهر ڤان ئهگهران ئیرانێ رهشهك و سیخۆر و ئیتلاعاتێن خوه یێن دهرڤه و ناڤخۆیی كارا كرینه ل دهڤهرێ كو ب دهڤهرا سلێمانیێ دئێنه ناسین.
و ل دۆر دیاركرنا پیلان و ههولێن ئیرانێ ل گۆر پێزانینان نوكه بنكێ (رهمهزان) یێ پاسهوانێن شۆرهشا وان ل تاخێ (بهختیاری نوو) ل سلێمانیێ یه و سهرپهرشتیا لڤینێن رهشهكێن خوه دكهت ل دهڤهرێ و زۆر كۆمپانیێن ئیرانی ههر ب كارێ سیخۆریێ رادبن ل ژێر ناڤێن جۆراروجۆر و یهكا (400) یا پاسهوانێن وان ژ فهیلهقا قودس یا جێگیر كریه ل سنوورێن پارێزگهها سلێمانیێ و ئهو یهكه یا تایبهته ب ژ بۆ ئهنجامدانا كریارێن تایبهت یێن لهشكری و مخابراتی دهرڤهی سنوورێ ئیرانێ و ب تایبهت بۆ پارتێن ئۆپۆزسیۆنا ئیرانێ و ژ ناڤبرنا ههر كهسێ دژی ئیرانێ راوهستیت و ژناڤبرنا رۆژنامهڤانان و نڤیسهران ئهوێن ل دژی ئیرانێ و پیلانێن وێ دیار دكهت و ئهڤێ چهندێ وهسا كریه ئازادیهكا رهها بۆ وان رهشهكان دابین ببیت و هیج هێزهك نكاریت وان رهشهكان راوهستینیت و ل دووڤ پێزانینان پاسهوانێن وان (9) سهربازگهه ل دهڤهرا پیران شهر –و شنۆ ل نێزیكی كێلهشین ل سهر سنوورێ باشورێ كوردستانێ ڤهكرینه و نوكه (200) سهرباز دئامادهنه بۆ لێدانا ههر لڤینهكێ پهیدا ببیت ژلایێ پارتێن رۆژهلاتێ كوردستانێ و ههر وهسا نێزیكی (450) سهرباز ل سهر سنوورینه ل دهڤهرا جوانرۆ ل كوردستانا ئیرانێ و دارستانێن دهڤهرێ دبهربهلاڤن. ژێدهرهكی پێزانینا وهسا رادگههینن كو هێزێن ئیرانی ڤهگهریاینه بارهگایێن خوه یێن كهڤن ل چیایێن سۆرین دگهل چهك و تهقهمهنیهكێ زۆر و ل گوندێ (سیناوا )كو دهڤهرهكا ستراتیجی یه ل چیایێن سۆرین و هندهك تۆپێن (120)ملم ل وان دهڤهران بهلاڤ كرینه و دهست ب گرتنا خالێن سنووری كرینه و هندهك رێكێن نوو ل دهڤهرێن سلێمانیێ و شارهزور وههلهبجه و عهربهد و دهربهندیخان ڤهدكهن داكو ههر دهمێ بڤێت ژبلی فرینا بهردهواما ههلیكۆپتهرێن وان ل سهر دهڤهرێن دیاركری ب ئازادی هاتنوچوونی بكهت و جهێ حهیبهتێ و داخێ یه دهستههلاتا دهڤهرێ ئینكار دكهت ههر وهكی چ نهبووی و مهترسیهكا مهزن ل سهر پێگهه و رهوشا ههرێما كوردستانێ پهیدا دكهت!.
