پهندێن ههیڤا رهمهزانێ (پێغهمبهر د ههیڤا رهمهزانێ دا)
مهلا ئهنهس
پێغهمبهر سلاڤ ل سهری بهری نڤێژا سپێدێ پاشیڤ دخار و د ناڤبهرا پاشیڤا وی و نڤێژا سپێدا دا وهختهكێ زۆر نهبوو، ئانكو نێزیكی وهختێ خواندنا پێنجی ئایهتان و رادبوو نڤێژ بهری موسلمانان دكر و ههروهكو عادهتێ بوو پشتی نڤێژێ دروونشته خاری ههتا رۆژ ههلات با دا رابیت دو ركاعهت دكرن و دفهرمودا سهحیح دا هاتیه كو ب گشتی پێغهمبهری وهدكر و ب تایبهتی د ههیڤا رهمهزانێ دا.
ههروهسا د ههیڤا رهمهزانێ دا سلاڤ ل سهر بن گهلهك خواندنا قورئانێ زێده دكر و هاریكاریا ههژاران دكر و شهڤێن رهمهزانا جبریل سلاڤ ل سهربن د هاته شهڤبێریا پێغهمبهری سلاڤ ل سهر بن و پێكڤه قورئان دخواند، ب ئاوایهكی ل دووماهی رهمهزانا پێغهمبهری سلاڤ ل سهر بن گرتی دو جاران جبریلی سلاڤ ل سهر بن وهحی یا بۆ پێغهمبهری ئینای، ئانكو دو جاران قورئانا بۆ پێغهمبهری ئینای، ههروهكی فاتیما كچا پێغهمبهری خودێ ژێ رازی بیت د فهرمودهكا سهحیح دا دبێژیت (د رهمهزانێ دا قورئان گهلهك دخواند، خێر ددان، ههڤالێن خوه بهرههڤ دكرن، كێم دنڤست، و ل دههێن دووماهیێ نڤینێن خوه ددانه لایهكی و ب ئێكجار نڤستنا وی نهبوو).
ئهڤه حالێ پێغهمبهری بوو سلاڤ ل سهر بن، كو وهختێ وی یێ گرنگ بوو و ههمی گاڤا یێ هشیار مالا خوه بوو، لێ مخابن تشتێ ل دهف مه ئهرزان و بێ بها وهخته، پشتی تهراویحا ههتا وهختێ پاشیڤێ دی روونینه خارێ و ب هندهك تشتێن بێ مفا ڤه مژوول كهین، ههتا هندهك جاران دگههیته رادێ حهرامیێ.
ڤێجا شیرهتێن مه بۆ خووشك و برایێن موسلمان ئهوه بزانن خودێ چاڤدێرێ مه ههمیانه و پێدڤیه ئهم دهشیار بین و ژ خودێ بترسین و بێ ئهمریا وی نهكهین، دیسان پێدڤیه د شهڤێن رهمهزانێ دا ههر چ نهبیت مرۆڤ پیچهكێ بنڤیت، چونكی خهوا شهڤێ ب رۆژێ ناهێته بهدهل ڤهكرن، ههروهسا دا مرۆڤ ب رۆژ رابیت یێ سرۆشتی و بشێت نڤێژێن خوه د وهختێ وان دا بكهت، ههروهسا دهمێ مرۆڤ دچیته سهر كارێ خوه یێ چالاك بیت، و ل دهمێ شهڤێ ههمیێ یێ هشیار بیت نهڤێت رابیته نڤێژێ و نهڤێت بچیته كارێ خوه، ههتا وهختی دچیته سهر كارێ خوه ژی حهز دكهت زوو بچیت و زوو بزڤریت دا بنڤیت، چونكی نهیێ سرۆشتی و چالاكه، لهورا دبێژین ئهڤ كار و كریاره نه ژ ههژی مرۆڤێن موسلمان و خودان ئیمانن.
تشتێ گرنگ ل ڤێرێ پێدڤیه مرۆڤ ب شهڤێ بنڤیت خوه ههكه پیچهك ژی بیت، دڤێت ههر مرۆڤ بنڤیت و ب شهڤێ نهمینته هشیار، ههروهكو دهێته زانین كو حهیراندنا شهڤێ بێ كار مهكروهه، ل ڤێرێ نه ب تنێ بهحسێ ههیڤا رهمهزانێ یه، بهلكو ههمی گاڤا حهیراندنا شهڤێ بێ كار مهكروهه، ههتا پێغهمبهری سلاڤ ل سهر بن (حهژ نڤستنا بهری نڤێژا عهیشا و ئاخفتنا پشتی وێ نهدكر) و دگۆت {لا سمر -یعنی سهر- إلا لمصلٍ أو ژاكر أو مسافر}، وهكو داخوازكارێ زانستی، یان ئهڤێ ل گهل مێڤانێن خوه، یان ل گهل مالا خوه بمینته هشیار بۆ كارێن تایبهت دروسته و بهرۆڤاژی شهڤ حهیراندن د ههیڤا رهمهزانێ و غهیری رهمهزانێ دا نابیت و مهكروهه.
خووشك و برایێن هێژا ههیڤا رهمهزانێ دهلیڤهكه باشا خێرێ یه كو مرۆڤ سۆز و پهیمانان بدهته خودایێ خوه و توبه بكهت و دلێن خوه سافی بكهت و دهست پێ بكهت ئهو تشتێن خراب كرین چاره و دروست بكهت، و یێ خوسارهت ئهوه یێ ژ رهمهزانێ دهركهڤیت، كا چهوا هاتی و وهسا بچیت. دوعا ژ خودایێ دلوڤان دكهین رۆژی و نڤێژێن مه قهبوول بكهت و گونههێن مه ب غهفرینیت و چ گونههان ل سهر مه نههێلیت، ئهوه خودانێ رهحم و دلوڤانیێ و غهفراندنا گونههان، ههروهسا دوعا دكهین خودایێ مهزن خۆراگریێ بدهته مه ل دونیایێ و ئاخرهتێ سهركهفتی بین، یا رهبی ئهم بمرین موسلمان.
