هه‌مان سێلڤى.. پشتى دو سالان و ئه‌نجام نه‌يێ چاڤه‌رێكرى بوو
ئه‌ڤرۆ نيوز، فاتما مزوورى:
ژنه‌كا بريتانى دو وێنه ل گه‌ل هه‌ڤالێن خوه گرتينه كو مێژوويا يێ ئێكێ بۆ پشتى دو سالان ژ يێ ئێكێ ڤه‌دگه‌ريت و ئه‌نجامه‌كێ نه‌يێ چاڤه‌رێكرى بوو.
شارۆن سه‌رسومان ما ده‌ما تێبينى كرى كو ئه‌و زه‌لامه‌ك هه‌ردو جاران ل پشت وى وێنه‌ى راوه‌ستيايه و ئه‌ڤه بوو ئه‌گه‌ر كو ده‌نگڤه‌دانه‌كا مه‌زن ل سه‌ر تۆڕێن جڤاكى ل دووڤ خوه ب هێليت ب تايبه‌ت راگه‌هاندنا بريتانى ژى گرنگيه‌كا مه‌زن دايه بابه‌تى.
شارۆن دبێژيت: “من ته‌ماشه‌ى هه‌ردو مێنان دكر، من ديت كو وێنه هه‌تا راده‌مێ مه‌زن وه‌كو ئێكن، پشتى من تێبينى كرى من تشته‌كێ دى يێ نه‌چاڤه‌رێ كرى ديت”.
زێده‌تر گۆت: “من وێنه ل سه‌ر تۆڕا جڤاكيا فه‌يسبۆكى ژى به‌لاڤ كر، چونكو من هزر دكر ب تنێ ئه‌ز وه‌سان هزر دكه‌م، به‌لێ گه‌له‌ك ژى ژ كۆمێنتان ئه‌ڤ چه‌نده ته‌كست كريه كو هه‌مان كه‌سه ل پشت مه يێ روونشتى”.
