هزر د سزادانا وى دا دهێته كرن
ئەڤرۆ:
ئێکەتیا تەپا پێ یا ئوروپی یا ھزر د سزاکرنا کاپتنێ ھەلبژارتیێ پرتوگال و یاریکەرێ ریال مەدرید کریستیانو رونالدوی دا دکەت ب ئەگەرا رەفتارێن وی د یاریا دووماھیا قارەمانیا کاسا نەتەوێن ئوروپا یورو 2016 ێ.
زێدەتر راپورتێن روژنامەڤانی وەسا دەنە ئاشکەراکرن کو رەفتارا کریستیانوی د یاریا دووماھیێ دا یا سەیر بوو لەورا چاڤەرێ سزاکرنا وی دھێتە کرن و د یاریێن پاشەروژێ یێن ڤاڤارتنێن کێشوەرێ ئوروپا دا پشکداریێ نەکەت.
کریستیانو رونالدو د یاریا دووماھیێ دا و پشتی بورینا 25 دەقیقان ژ یاریگەھێ دوورکەفت ب ئەگەرا ھنگافتنێ و سەرەرای ھنگافتنێ ل رەخێ یاریگەھێ راوەستیا و ئاموژکاری ل یاریکەران کرن د ھەردو نیڤێن زێدەکری دا و ھەر چەندە گەلەک کەسان وەسا ھزرکریە کو کارەکێ باشبوو رونالدوی کری بو ھاریکاریا ھەلبژارتیێ خوە لێ ئێکەتیا تەپا پێ یا ئوروپا بەروڤاژی دبینت.