چاوا دێ 1000 پلێن گەرماتیێ ل لەشێ خوە کێم کەی؟
ئه‌ڤرۆ نيوز:
گەلەک کەس وەسا ھزردکەن کو ب تنێ ب رێیا وەرزشێ دشێن پلێن گەرماتیێ ژ لەشێ خوە کێم بکەن، بەلێ ڤەکولینا ھندەک کارێن ناڤمالێ دیارکرینە کو دشێن رۆژانە پتر ژ 1000 کالوریان کێم بکەن ئەوژی ل دووڤ رۆژناما دیلی میل یل بریتانی.
• پاقژکرنا مالێ ب فرچا:
فرچەی بدانە ل سەر عەردی و بلا یێ دوور بیت ژ لەشێ تە و پشتا تە یا نیڤ چەمیای بیت، جارەکێ ب دەستەکی و جارەکێ ب ھەردو دەستا پال بدە، پاشی بۆ پشتێ بینە، ب ڤێ رێکێ دێ 200 کالوریان د نیڤ دەمژمێرێ دا سۆژی.
• پاقژکرنا پەنجەرا:
ئیسفەنجێ پاقژکرنێ ب شێوێ بازنەی گەلەک جارا بلڤینە، ئەڤ راھێنانە ی ب مفایە بۆ مللێن تە، ل قوناغا دوێ پاچەکا بچووک یا ئیسفەنجی بۆ سلال و خارێ ب کاربینە، ب ڤێ رێکێ دماوێ نیڤ دەمژمیرێ دا دێ 125 کالوریان ژی سۆژی.
• کولانا باخچێ مالێ:
تشتەکێ بەرچاڤە کو کرێکارێن کولانێ زەڤلەکێن وان ب ھێزن، ب تایبەت یێن دەستێن وان، مەربێلێ ب شێوێ خوار بدانە ل سەر عەردی و ب رێکا دەستی و پێی فشارێ ل سەر بکەن، و ھندەک ئاخێ دەربێخە،و بۆ دوور بھاڤێژە، ئەڤ راھێنانە یا گرنگ و ب مفایە و ھاریکارە بۆ سۆتنا 315 پلێن گەرماتیێ دماوێ نیڤ دەمژمێرێ دا.
• راکرنا گیایێن ب زیان:
مەربێلکا تایبەت ب راکرنا گیایا ل ناڤ باخچەی ب کاربینە، دەمێ تو بۆ سینگی پال ددەی، پاشی بۆ سلال و خوارێ، دێ ھاریکاربیت بۆ دەستێن تە و مللێن تە و دۆرێن 185 کارلوریان دێ دنیڤ دەمژمێرێ دا سۆژی.
• راکرن و پێچانا مەحفیرا:
بۆ راکرنا مەحفیرا ل سەر چوکێن خوە بە و لایەکێ وێ راکە، پاشی راببەڤە و بۆ پشتێ بکێشە، بۆ پێچانێ بەروڤاژی وێ کریارێ ب کاربینە، تو دشێی ددەمەکێ کێم دا 180 پلێن گەرماتیێ ب سۆژی.
• بۆیاغکرنا دیوارا:
بۆ بۆیاغکرنا دیوارا گەلەک ماندیبوون دڤێت، فرچەی بدانە ل سەر دیواری و بۆ خوارێ و سلال پال بدە ھەتا کار ب دووماھی دھێت، دماوێ نیڤ دەژمێرێ دا دێ 210 پلێن گەرماتیێ سۆژی.