پەیوەندیا چمکێ بلند ب پەنجەشێرێ ڤە
ئەڤرۆ نیوز:
زێدەباری ئێشاندنا گەھان، چمکێ بلند دشێت تووشبوونا ب ھندەک جۆرێن پەنجەشێرێ ب ھێز بێخیت، ل گۆری گۆتنا زانایەکێ زانکۆیا ویلایەتا کارولینا باشوور، پێلاڤا چمک بلند دشێت بەژنا ژنێ بالکێش و جوان بکەت، لێ زیانێ دگەھینیتە ساخلەمیا ژنێ ب تایبەت ھەکە بۆ دەمەکێ درێژ کرە پێ خوە، دێ تووشی وەستاندنا زەپلەکان، تلێن گڤاشتی، ھەودانا گەھان بیت.
د. دیڤید ئاگۆس، مامۆستایێ پزیشکی ل زانکۆیا کارۆلینا باشوور ئاشکرا کر، چمکێ بلند مەترسیا تووشبوونا ب پەنجەشێرێ زێدە دکەت ژبەرکو دبیتە ئەگەرێ ھەودانا پێی (تلێن گڤاشتی، شینبوونا گرێکان ل پشتا پێی و خوریان).
ھەودان کارڤەدانەکا سروشتیە د لەشی دا بۆ بەرنگاریا بەکتریا، ھندەک جۆرێن ھەودانان گرێدای نەخۆشیێن دلی و زھایمەرێ و نەخۆشیێن بەرھنگاریا خویەتی و دبیت مەزن بیت ھەتا دگەھیتە مەترسیا تووشبوونا ب پەنجەشێرێ.
یا زانە کو پەنجەشێر دبیت ئەگەرێ جیناتێن پووچن د تۆڤى دا، ئانکو زیانەک دگەھیتێ و دبیتە ئاستەنگ د رێیا چاککرنا سروشتی دا و دبیتە ئەگەرێ ب ھێزبوونا پەنجەشێرێ.
بەلێ ھەکە پێدڤی بوو لەش بەرگریێ ژ ھەودانان بکەت ێن گرێدای پێلاڤا چمک بلند، دبیت ژ چاککرنا تۆڤى راوەستیت. ھەکە وۆرکشۆپا چاککرنا تۆڤى د لەشی دا یا داخشتی بیت، ژن دێ پتر تووشی پەنجەشێرێ و ھندەک نەخۆشیێن دی بیت، ل گۆری گۆتنا دیڤید ئاگۆسی، ھەکە د شیان دا نەبیت بلنداھیا چمکی و دەمێ ل بەرکرنا وی بھێتە دەستنیشان کرن، و ھەکە چمکێ بلند ژنێ بێشینیت و لڤینا وێ سنۆردار بکەت، ل داویا رۆژێ دێ کولبوونێ بۆ دروست کەت، پێدڤیە ئێدی نەکەتە پێ خوە، یا باشتر ژی ئەوە پێلاڤەکا فلات بکەتە پێ خوە.