بۆچی ھندەک چ جار قەلەو نابن؟

ئه‌ڤرۆ نيوز:

ھەلبەت قەلەوی جوانی و بەژن زراڤیا ژنێ تێک ددەت و وەل ژنێ دکەت کو ژ ژیێ خۆ مەزنتر دیاربکەت، ھەروەسان ژن حەز ژ زەعیفیێ ژی ناکەن و حەتا زەلامێن رۆژھەلات ژی حەز ژ ژنێن ناڤنجی دکەن و زەعیفیا زێدە گەلەک جاران جوانیا ژنێ بەرچاڤ ناکەت و بۆ ھندەک جھان ھەبوونا قاتێن روینی یا گرنگە وەک دێم و سینگ و کوسکێ ژنی و گەلەک کارتێکرنێن دیتر ژی ھەنە ژوانژی:
1- کارتێرنەکا مەزن ل دەمێ تایێ و زکچوونێ لێ دبیت: لەشێ زەعیف پتر لەشێ سروشتی ب کارتێکرن دکەڤیت ب زکچوون و تایێ و ل وی دەمی لەش پتر یێ بەرھەڤە تووشی ھشکبوون و بێھوشیێ ببیت.گ
2- کارتێکرن ب سەقایێ سار: ھەبوونا ھندەک قاتێن روینی دگرنگن بۆ پاراستنا لەشێ مرۆڤی ژ سەقایێ سار، لەورا لەشێ زەعیف پتر ب کارتێکرن دکەڤیت ب سەقایێ سار و ب تایبەت ل وەرزێ زڤستانێ.
3- شکەستن ل دەمێ روودانان: ل دەمێ پەیدابوونا ھەر روودانەکێ لەشێ زەعیف پتر ژ لەشێ سروشتی تووشی شکەستنان دبیت.
4- زیانێن دەروونی: مرۆڤێ زەعیف پتر ب کارتێکرن دکەڤیت ژلایێ دەروونی ڤە و ئەڤ تشتە ب تایبەت دناڤ کچان دا یێ بەرچاڤە.
ئەگەرێن زەعیفیێ ژی گەلەکن ژوانژی:
1- ئەگەرێن بێ نەخۆشی( چ نەخوشی نینن):ئەڤە دھێنە دابەشکرن بۆ دو پشکان:
1- ئەگەرێن بەروەخت ( بۆ دەمەکێ دەستنیشانکری): ل ڤێرێ دێ بینین ژنشکەکێڤە سەنگێ کەسەکی کێم بوو و ئەو کەس دساخلەمیەکا باش دایە و گازندێ ژ چ نەخوشیان یان نیشانێن نەسروشتی ناکەت و وەکو بەرێ خوارنێ دخوت و ئەڤ چەندە پتر پەیدادبیت دەمێ مرۆڤ کارەکێ زەڤلەکان ئەنجام ددەت یان ھزرا خۆ پتر بدەتە کاری وەکو دڤان دەمان دا:
• ل دەمێ تاقیکرنا.
• ل دەمێ چوونا خیڤەتگەھێن ھاڤینێ.
• ھەیڤێن دەستپێکێ ژ ھەڤژینیێ: ھەڤژینی دگەلەک دەمان دا کێم سەنگیێ چارەدکەت ل دەڤ کور و کچان، بەلێ ل دەڤ ھندەک کەسان و ژ ئەگەرێ دەروونی دبیت زەعیفیێ پەیدابکەت.
• گەلەک ئەنجامدانا کریارا سێکسی: ئەڤجا چ برێکا ژن و مێران بیت یانژی ب رێکا دەستپەریێ بیت.
• ئەنجامدانا کارەکێ زەڤلەکان یان گەلەک ھزرکرنێ ب تایبەت ئەگەر ئەو کەسێ ب وی کاری رادبیت کێم خوارنێ بخوت.
2- ئەگەرێن بەردەوام:ئەو حالەتە ل دەمێ ژن یا زەلام گازندەیان ژ زەعیفیا خۆ ھەر ژ زاروکینێ دکەت و سەرەرای وێ چەندێ خوارنا خۆ دروست دخوت و دبیت ژ مرۆڤێن قەلەو پتر خوارنێ ژی بخوت، ھەردەم نوشدار دووڤچوونا مێژویا خێزانێ یا پزیشکی دکەن، ژبەرکو ھندەک جاران ئەگەرێن زکماکی ل دووڤ ڤێ چەندێ ھەنە و یا باشتر ئەوە پشکنینەکا گشتی بھێتە کرن ژبەرکو ھندەک جاران ئەڤە ژ ئەگەرێ ھەستداریا کوئەندامێ ھەرسکرنێ پەیدادبن یانژی ھندەک کەرستێن خوارنێ ب دروستی ناھێنە مێتن، یا ل سەر نوشداری پێدڤیە دووڤچوونا سیستەمێ خوارنێ یێ وی کەسی دگەل بوارێ وی یێ دەروونی بکەت.

کۆمێنتا تە