پشتى ئاگر به‌ربوويه مالا وى گيانێ خوه ژ ده‌ست دا
ئه‌ڤرۆ نيوز:
رائيدێ مافپه‌روه‌ر بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: ئه‌ڤرۆ سپێدێ ل ده‌مژمێر 6:45 ده‌قيقه بنگه‌هێ سێمێلێ يێ به‌ره‌ڤانيا باژێرى هاته ئاگه‌هداكرن كو روودانه‌كا ئاگربه‌ربوونێ ل تاخێ دوبان ل سه‌نته‌رێ قه‌زا سێمێلێ، “پشتى گه‌هشتينا تيمێن مه گه‌هشتينه جهێ روودانێ دياربوو كو ژ ئه‌گه‌رێ شورته‌كێ كاره‌بێ ئاگر به‌ربوويه شوقێ و ب مخابنى ڤه خودانێ مالێ گيانێ خوه ژ ده‌ست دايه”.
رائيدێ مافپه‌روه‌ر زێده‌تر گۆت: “ئه‌گه‌رێ گيان ژ ده‌ست دانا خودانێ مالێ بۆ وێ چه‌ندێ دزڤريت كو ده‌ما ئاگر به‌ربوويه مالا وى دوكێله‌كا زۆر په‌يدا بوويه و ژ ئه‌نجامێ وێ چه‌ندێ بێهنا وى ته‌نگ بوويه”.