ل پارێزگه‌ها دهوكێ 6 خیڤه‌تگه‌هێن ئاوه‌ران دێ هێنه ڤه‌كرن
ئه‌ڤرۆ نیۆز:
وه‌زیرێ مشه‌خت و مشختبوونێ یێ حوكمه‌تا عیراقا فیدرال جاسم محه‌مه‌د راگه‌هاند، وه‌زره‌تا ناڤبرى ل به‌ره دده‌مێ دو حه‌قتیێن بهێت دا 6 خیڤه‌تگه‌هێن دى ل پارێزگه‌ها دهوكێ ڤه‌كه‌ت كو نێزیكى 20 هه‌زار خیڤه‌تان بخوه ڤه بگریت ل ڤه‌ل هه‌موو پێدڤیێن خزموتگۆزارى.
جاسم محه‌مه‌د د چارچۆڤێ پێشوازیكرنا شاندێ جڤاتا پارێزگه‌ها نه‌ینه‌وا ب سه‌رۆكاتیا بشار كیكى دوپاتكر، ره‌وشا پارێزگه‌ها نه‌ینه‌وا كاره‌ساته، وه‌زاره‌تا وانا كه‌فتینه د ره‌وشا ئاماده‌باشیێ دا و هه‌موو فه‌رمانبه‌رێن وان بۆ قورتالكرنا هژماره‌كا مه‌زن یا ئاوه‌رێن نه‌ینه‌وا و ب هه‌موو شیانێن خوه‌ڤه دێ كه‌ڤنه كارى.
هه‌روه‌سا خوه‌یاكر، قورتالكرنا ئاوه‌ریان ئه‌ركێ هه‌موو وه‌زاره‌تێن حوكمه‌تێ یه بۆ نموونه وه‌زاره‌تا سامانێن سرۆشتى دڤێت ب زوورتین ده‌م سۆته‌مه‌نیێ په‌ترۆل و غازێ بۆ ئاوه‌ریان دابین بكه‌ت.
