ئامان و زەرفێن نایلونی ئه‌ڤ زيانا ب مه‌ترسى يا هه‌ى
ئه‌ڤرۆ نيوز:
ئامان و زەرفێن نایلونی بەردەوام د بازاری دا دھێنە فروتن و خودانێن نانپێژیا و خارنگەھان ژی کار پێ دکەن. رێڤەبەرێ پشکا چاڤدێری و سلامەتیا خوارنێ ئاشکەرادکەت، کەرەستێن نالیونی دگەل تشتێن گەرم کارلێ دکەت و نەخوەشیا پەنجەشێرێ پەیدا دبیت، لەورا مە بریار دا زەرفێن نایلونێ و ئامانێن فلینەی بھێنە قەدەغەکرن. ژئالیەکی دی ڤە دوکاندارەک دبێژیت: زەرفێن کاغەزی 75 پارچەنە و ئەگەر وەسا بیت پێدڤیە خودانێن فرنان نانێ خوە گران کەن، یان ژی قەبارێ نانێ خوە کێم بکەن.
ئوسامە سەلاحەدین خودانێ جھێ سیپان یێ فرۆتنا ھەموو کەل و پەلێن پلاستیکی ل بازاری گۆت: پتریا وان کەسان یێن دھێن کەل و پەلێن پلاستیکی دکرن خودانێن خارنگەە و تەزیاتیانن، ھەروەسا فرنێن نانی ژی دھێن زەرفێن لایلۆنی دکرن و ئەڤ کەل و پەلێن پلاستیکی ژێدەرێ وان ژ وەلاتێ تورکیا و ئیرانێ و ئیماراتێ دھێن.
گۆت ژی: ئەرزان و گران بوونا کەل و پەلێن لایلونی ل گەل گران بوون و ئەرزانبوونا نەفتێ یە، چونکو ئەو کارگەھێن ئامان و کەل و پەلێن پلاستیکی چێ دکەن، ب نەفتێ کاردکەن ھاتنا کەرەستێن پلاستیکی ل دووڤ پێدڤیانە و ئەگەر داخوازی ھەبیت گەلەک کەل و پەل خوەش دھێن، چونکو قەیرانە و خەلک گەلەک خوەش ناچیتە خارنگەھا و ئاھەنگان و دەواتان ناکەن ھەتا بچن.
ناڤھاتی گۆت: ب تنێ ئامانێ فلینێ ھاتیە قەدەغەکرن دبێژن دەمێ خارنا گەرم بکەنە د ناڤ دا ئەو ئامانە تێک دچیت، لێ ب تنێ ئەڤ بریارە ل دھۆکێ دەرکەتیە ل ھەولێرێ و سلێمانیێ جیبەجێ نەبوویە.
ھەر ل ھەمان بازار دوکاندارەکێ دی ب ناڤێ حەسەن حسێن گۆت: بەری دو ھەیڤان قانوونەک دەرکەتیە کو نە ب تنێ ئامانێن فلینەی بھێنە قەدەغەکرن، بەلکو عەلاگێن لایلونی ژی بھێنە قەدەغەکرن و ل شوونا وان زەرفێن کاغەزێ بھێنە فرۆتن و ھەموو خودانێن نانی زەرفێن کاغەزێ ب کاربین و ئەڤ زەرڤە گەلەک دبچیکن بزۆری کێم نان بچیتە تێدا و ھەروەسا دەستێ ڤان زەرفێن کاغەزێ 75 پارچەنە و ئەز ب پێنچ ھزارا دفرۆشم و ئەگەر وەسا بیت خودانێن فرنان دڤێت نانێ خوە گران کەن، یان ژی قەبارێ نانێ خوە کێم بکەن.
عسمەت سەلمان رێڤەبەرێ پشکا چاڤدێریێ و سلامەتیا خوارنێ ل پارێزگەھا دھۆکێ خوەیاکر، پشتی مە دووڤچوون دگەل رێکخراوا ساخلەمیا جیھانی کری دیار بوو کەرەستێن نالیونی دگەل تشتێن گەرم (تفاعلی) کارلێکێ دکەت و دەمێ کارلێکێ دگەل وێ خارنا گەرم حەلیێت نان بیت، یان خارنەکا گەرم بیت نەخوەشیا پەنجەشێرێ پەیدا دکەت و پشتی چەند کومبوونەکا و مە بریار وەسا دا کو زەرفێن نایلونێ و ئامانێن فلینەی بھێنە قەدەغەکرن و ھەر ژ مەھا شەش ھەتا ئێکی ھەیڤا نەە مە دەم دایە خودانێن فرنێن نانی و خارنگەھان، لێ ھەتا نوکە ب شێوەکێ بەرچاڤ زەرفێن کاغەزێ نەکەتینە د بازاری دا.
خویاژی کر، دووڤچوونەکا بەردەوام ژلایێ تیمێن مە یێن خوە پاراستنا خوارنێ دھێتە کرن و تیمێن مە رۆژانە سەرەدانا نان خارنا و خارنگەھان دکەن و دووماھیک دەم مە دایە خودانێن فرنەیان ھەتا ھەیڤا یازدەیە، چونکو ئەو کارگەھێن چێکرنا زەرفێن کاغەزی پێدڤیە تشتەکی دا جھێ ئامانێن فلینی و زەرفێن نالیونی کو خارنگەە ئافکێ، یان سوپێ بکەنێ و پشتی مە دووڤچوونەکا باش کری مە ھندە کەرەستە ب دەست خوە ڤە ئینان کو ژ کارتونێ ھاتبنە چێکرن، چونکو زانست دبێژیت ئامانێن کارتونی و زەرفێن کاغەزێ چو کارتێکرن نینە و گۆت: ئەو دوکاندارێن ئامان و زەرفێن وان یێن نایلونی د کوگەھێن وان ڤە ماین دشێن بزڤرینە ڤە بۆ وان جھێن ژێ ئیناین، چونکو ئەم نە بەرپرسیارین و ب تنێ مە ساخلەمیا خەلکەکی دڤێت.