ب وێنە: ل سوران دژی برینا دارێن تەر خوپێشاندانەک ھاتە ئەنجامدان
سۆران، نەوزاد زادە ھلۆری:
ب مەرەما رێگریکرن ل برینا دارێن تەر ئەڤرۆ رۆژا چوار شەمبی بەرابمەر ئاڤاھیێ قایمقامیا سوران خونیشاندانەکا نەرازیبوونێ دژی برینا دارێن تەر ھێتە ئەنجامدان و تێدا داخواز ل لایەنێن شولەێ کر کو ئەو کەسانێن دارێن تەر دبرن بھێنە سزادان و دبەرامبەر دا ب زوترین دەم نەفتا سپی ب سەر وەلاتیان دا بھێتە دابەشکرن.
دڤی واریدا ھەژار ئێدلبی بەرپرسێ رێکخراوا وار بو پاراستنا ژینگەھی و رێکخەرێ خوپێشاندانێ بو ئەڤرۆ نیوز گۆت: (پشتی کو ھێزێن پێشمەرگەیان بەر ب سەنگەران ڤە چوین داکو سەرو مالێ وەلاتیان بپارێزن ھندەک کەسان ئەڤ یەک بخوە ب دەلیڤە دیتیە کو دارێن تەر ببرن و نھا برینا داران ژ حالەتان بویە دیاردە و ب 50% بەرامبەر سالێن بوری زێدەبوویە ، ژبەرڤێ مە وەکو رێکخراوا وار ب ھەڤکاریا کومەکا وەلاتیێن دەڤەرێ دەستپێشخەری کریە کو بریندارا دار بھێتە قەدەغەکرن و راوەستاند ژبەرکو مەترسیەکا زور بو سەر ژینگەھێ ھەیە و دڤێـ حکومەت ژی ب زوترین دەم نەفتا سپی ب سەر وەلاتیان دا دابەش بکەت داکو وەلاتی ژی ب نەچاری دارا نەبرن).
