خوە ژ نەخۆشیێن زڤستانێ بپارێزە

ئه‌ڤرۆ نيوز:

دبێژن خوە پاراستن ژ نەخۆشیان باشترە ژ چارەسەریێ، لێ ل زڤستانێ ھندەک نەخۆشیێن ڤەگر بەلاڤ دبن وەکو پیرسیڤێ و کوخکێ کو دبنیات دا ئەگەرێ وان ڤایرۆسە و چە چارە بۆ نینن، بۆ خوە پاراستنێ ژ وان نەخۆشیان ل دووڤ ڤان شیرەتان ھەرە:
– پاقژیا گشتی بپارێزە و دەستێن خوە ب سابوونێ بشۆ دا میکرۆپ نەمیننە پێڤە.
– دەستێ خوە نەکەیە چاڤ و گوە و دفنان ھەکە دەستێن تە دپیس بن، دا میکرۆپ نەچنە ناڤ لەشێ تە ب رێیا وان.
– خوارنەکا ساخلەم بخۆ و بتیابەت فێقیێ شووشتی و زەرزەواتێ گەلەک پاقژ.
– ئاڤێ ل دووڤ پێدڤیاتیێ ڤەخۆ.
– کەلوپەلێن کەسێ بکار نەئینە وەکو خاولیک و دەڤکیچن ریھان و فرچێ دانان، دا بەکتریا نەھێنە ڤەگۆھاستن.
– نەچە جھێن قەرەبالغ ھەکە نەخۆشیێن ڤەگر ل وێرێ ھەبن.
– دەمێ تو دکوخی یان دبێھنژی دەڤێ خوە بگرە دا میکرۆپ بەلاڤە نەبن.
بەردەوام گوھداریا نووچەیان بکە دا بزانی ھەکە نەخۆشیەکا ڤەگر ھەبیت.
زێدەباری وێ چەندێ تێر بنڤە، جگاران بھێلە، قەھوێ ڤەخۆ دا ژ پەنجەشێرا ھناڤان و فالنجیبوونا لەرزووک دوور بکەڤی.
پێدڤیە سەنگێ خوە راگری و نەھێلی قەلەو بی. ھەروەسا زەیتێن رووەکی ل شوونا روونێن گیانەوەران بۆ خوارنێ بکاربینە، دا ژ جەلتێن دلی و بلندبوونا کولیسترۆلی دوور بکەڤی، گوشت و مریشکان ژی باش بشۆ و کێررا ھوورکرنا گوشتی بلا جودا بیت ژ یا زەرزەواتی.
راھێنانێن وەرزشی رۆژانە بکە وەکو پیاسە و راھێنێن مرۆڤ خە بدەن و لێدانێن دلی بلەز دئێخن دا نەخۆشیێن دلی نەھێنە تە و ھەستیێن تە ب ھێز بکەڤن.

کۆمێنتا تە