حسنا مه‌ته‌ر: بۆ شانازى من سترانا بۆ پێشمه‌رگه‌ى گۆتى نه پاره‌ى
ئه‌ڤرۆ نيوز:
سترانبێژا لوبنانى حسنا مه‌ته‌ر كو د ماوێ بۆرى دا سترانه‌ك ب پێشمه‌رگه‌ى به‌لاڤكريه، ره‌ت دكه‌ت كو چو پاره‌ك به‌رامبه‌ر ئه‌وێ سترانێ وه‌رگرت بيت.
مه‌ته‌ر بۆ رۆژناما رووداو دبێژيت: “گه‌له‌ك ب شانازى ڤه من ئه‌و ستران بۆ پێشمه‌رگه‌ى گۆتيه و شانازيێ ب له‌ركرنا جلكێن كوردى ژى دكه‌م، دبێژيت ژى: “وژدانا من يا رحه‌ت نابيت ل هه‌ولێر بژيم و سترانا بۆ پێشمه‌رگه‌ى نه‌بێژم.
ده‌رباره‌ى ده‌نگۆيێ وه‌رگرتنا پاره‌ى به‌رامبه‌ر گۆتنا سترانا ب پێشمه‌رگه‌ى، حسنا مه‌ته‌ر دبێژيت: “ئه‌ڤ ئاخفتنه گه‌له‌ك د سه‌يرن، هۆنه‌رمه‌نده‌ك چاوان دشێت ب پاره بۆچوونا خوه ب گوهۆڕيت و سترانان ب بێژيت، من چ پاره به‌رامبه‌ر وێ سترانێ وه‌رنه‌گرتينه و ئه‌و ئاخفتن يا دووره ژ راستيێ، شانازيێ ب وێ سترانا من گۆتى دبه‌م”.
