بزانه ئه‌ڤرۆ نێچیرڤان بارزانى ل ده‌ڤه‌را ئامێدیێ چ پرۆژه ڤه‌كرينه
ئامێدیێ، مه‌حمود نهێلى
درێ و ره‌سمه‌كى دا ب به‌رهه‌ڤبوونا نێچیرڤان بارزانى سه‌روكى حكومه‌تا هه‌رێما كوردستانێ ، ب كوژمێ 150 ملیار دیناران سێ پرۆژه‌ێن مه‌زن و ستراتیژیێن گرنگێن ده‌ڤه‌را هاتنه ڤه‌كرن.
ل ده‌سپێكا رێ و ره‌سمێ ڤه‌كرنا پرۆژێ ئاڤا دێره‌لۆك، فه‌رهاد ئه‌مین پارێزگه‌رێ دهوكێ به‌حسێ گرنگیا پرۆژه‌ى كر و هیڤى خوه‌ستن كو گرنگیه‌كا پتر ب ڤێ ده‌ڤه‌رێ بهێته كرن ژ به‌ر كو مه‌زنترین قه‌زایه ل پارێزگه‌ها دهوكێ ژلایێ ئیدارى ڤه و هیڤى خوه‌ستن كو ده‌ڤه‌را ئامێدیێ ببیته پایته‌ختێ گه‌شت و گۆزارى ل كوردستانێ.
ل دووڤ دا نه‌وروز مه‌ولود وه‌زیرا باژێرڤانیا و گه‌شت و گوزارێ دیاركر، كو ئه‌و ئه‌ڤرۆ یێن ڤێرێ بۆ ڤه‌كرنا سێ پرۆژه‌یێن گرنگ ل ده‌ڤه‌ێ ژ وانا ژى پرۆژه‌یێ ستراتیژى یێ ئاڤێ ب كوژمێ 96 ملیون دولاران و پرۆژه‌یێ تونێلا ئامێدیێ و جاده‌یا سه‌ره‌كى یا ئامێدیێ ب كوژمێ 25 ملیار و 500 ملیون دیناران و هه‌روه‌سا پرۆژه‌یێ جوتسایدێ شێلادزێ _ سیریێ ب كوژمێ 13 ملیار و 500 ملیون دیناران.
هه‌روه‌سا درێ و ره‌سمێ ڤه‌كرنا پرۆژه‌یێ ستراتیژى یێ ئاڤا ئامێدیێ ل دێره‌لۆك نێچیرڤان بارزانى سه‌روكێ حكومه‌تا هه‌رێما كوردستانێ زێده‌بارى ده‌ست خوه‌شى و سوپاسیا كومپانیا جێ به‌جێ كارا پرۆژه‌ى ئاماژه كره گرنگیا ڤان پرۆژه‌یان و بتایبه‌تى ژى پرۆژه‌یێ ستراتیژى یێ ئاڤێ و گۆت: دابینكرنا ئاڤا ڤه‌خوارنێ ژ ئه‌وله‌ویاتێن حكومه‌تا هه‌رێمێ نه و بێگومان ئه‌ڤ پرۆژه‌یه دێ شێت ئاریشه‌یا ئاڤێ یا 175 هزار كه‌سان بۆ ماوێ 25 سالێن داهاتى چاره‌سه‌ركه‌ت.
