817 کەسێن بێ دەستووری دهێنه دەستەسەرکرن
ئەڤرۆ نیوز:
بەرپرسێ پشکا پەیوەندی و راگەھاندنێ ل رێڤەبەریا ھاتنوچوونا پارێزگەھا دھۆکێ ئاشکرا کر کو د پێنج ڕۆژێن بۆری دا 34 کەس ل دھۆکێ یین بووینە قوربانی یێن روودانێن ھاتنوچوونێ و گۆت: “ب شێوەکێ گشتی ژ دەستپێکا سالا 2017ێ و ھەتا نوکە 77 کەس یێن بووینە قوربانێن روودانێن ھاتنوچوونێ”.
رائیدێ مافپەروەر ئازاد تەھا، بەرپرسێ پشکا پەیوەندی و راگەھاندنێ ل رێڤەبەریا ھاتنوچوونا پارێزگەھا دھۆکێ دیار کر کو د پێنج ڕۆژێن بۆری دا 14 روودانێن ھاتنوچوونێ ل دھۆکێ رووداینە و د ئەنجامدا 29 کەس برینداربووینە و پێنج کەسان ژی گیانێ خوە ژ دەست دایە کو سێ ژ وان ئەندامێن خێزانەکێ بوون و گۆت: “د ھەیڤێن بۆری یێن ئەڤ سالە دا 243 روودانێن ھاتنوچوونێ ل پارێزگەھا دھۆکێ رووداینە و د ئەنجام دا 38 کەس برینداربووینە و 39 کەسێن دی گیانێ خوە ژ دەست دایە”.
ناڤھاتی ئاماژە دا وێ چەندێ کو د دو ھەیڤێن بۆری دا 817 کەس ژ ئەگەرێ نەبوونا دەستووریا ھاژووتنا ترۆمبێلێ ھاتینە دەستەسەرکرن و بوو دادگەھێ ھاتینە رەوانەکرن.
