ب وێنە – ھونەرێ ریسایکلین لسەر پاشماوەیان
ئەڤرو نیوز ، نەوزاد ھلوری:
رێکخراوەکا ژینگەی ل قەزا سۆران ب مەرەما مفا وەرگرتن ژ کەرستەیێن بکارھاتی ، رابویە ب ھونەرێ ریسایکلینکرنێ لسەر وان پاشماوەیان ب تایبەتی تایرێن ترومبێلان.
ھەژار ئیدلیبی سەرۆکێ رێخکراوا وار بو پاراستنا ژینگەھێ ل قەزا سۆران بۆ ئەڤرو نیوز گۆت: (ب مەرەما مفا وەرگرتن ژ کەرستەیێن بکارھاتی مە وەکو رێکخراوا وار بۆ پاراستنا ژینگەھێ ب فەر زانی چەند جورەکێن ھونەری بناڤێ ھونەرێ ریسایکلین لسەر وان پاشماوە و کەرستەیێن بکارھاتی بکەین و وەکو جوانیەک لسەر دیوار و جھێن گشتی و باخچەیان بدانین )
زێدەتر گۆت: (پرانیا ئەو کەرستەیێن بکارھاتیێن کومە بکارئینایی وەکو ھونەرێ ریسایکلین تایرێن ترومبیڵ و ماددەیێن پلاستیکی و بلوک و ھندەک ماددێن رەقبوون کو ھندەک ژ وان کەرستەیان نێزیکێ ٤٠٠ سالان کارتێکرنێ ل ژینگەھێ دکەن ، ژلایەکێ دنڤە ھوشیاریێ لسەر کارتێکرنا ئەڤان کەرستەیان لسەر ژینگەھێ بدەینە وەلاتیان کو شوونا تێکدانا ژینگەھێ ئەوان کەرستەیان وەکو جوانترکرنا ژینگەھێ دووبارە بکاربینین ڤە)
