ڤیدیو – جورە گیانەوەرەکێ نو و سەرنجراکێش ل دھوکێ ھاتە دیتن
ئەڤرو نیوز ، نەوزاد زادە ھلوری:
ئەو وێنێ ل خوارێ وێنەیێ جورەکێ نوو یێ گیانەوەرەکێ یە کو ل سەنتەرێ باژێرێ دھوکێ ھاتیە دیتن.
یوسف موحسن ئەو کەسەیە کو ئەو گیانەوەرە دیتی بۆ ئەڤرو نیوز گۆت: (ل نێزیک نڤێژا عەیشا شەڤا بووری ئەڤ جورە گیانەوەرە مە دناڤا حەوشا مالا خوە دا دیت ، وەکو دیارە گیانەوەرەکێ زور جوان و سەرنجراکێشە ، ئەڤ جورە گیانەوەرە وەکو تاوسی یە و رەنگاو رەنگە و دفریت ، بەلێ ب فریکەکا نزم ، و دیسان ب پیان ژی دچیت و گەلەک ژی ژ روناھیێ د ترسیت)
زێدەتر گۆت: (ئەم نوزانین ناڤێ وی چی یە و ل کیڤە دژیت و ل کیرێ ھاتیە ، بەلێ زور جوانە و پەرێن وێ ھەموو د نەخشاندینە و سەرێ وێ ژی وەکو کولیایە ، ھەتا نھا ئەڤ گیانەوەرە ل جھێ خوەیە و دخوازم کو جھێن شولەژێ ڤەکوینەکێ لسەر بکەن ژبەرکو گیانەوەرەک زێدە جوانە)
