95% زاروکێن پەککەفتی دەرچووێن قوتابخانا لاندکێ نە
ئەڤرو نیوز، سالار دۆسکی:
تایبەتمەندەکێ نەخوشیێن ھەستی و گەھان ل بارا چەوانیا پەککەفتنا زاروکان دیارکر کو زاروکێ ئێکانە پتر نێزیکێ پێکەفتنێ یە و ئەگەر زاروکی نیشانێن پەککەفتنێ لسەر دیاربوون ھەکە زویکا چارەسەریا وی بھێتەکرن ٩٠% دێ چێبیت ڤە ، ٩٥% ژی ژ زاروکێن پەککەفتی دەرچووێن لاندکانە.
فەرھاد تاھر ھەمزانی دکتورێ تایبەتمەندێ نەخوەشیێن ھەستی و گەھان بۆ ئەڤرو نیوز گۆت: (زارۆکێن پەککەفتی پشتی ژدایکبوونی بۆ نوشداران و دایک و بابان دیاردبن ، ئەگەر زاروکان ل حەفتیا ئێکێ نیشانێن پەککەفتنێ لسەر دیاربوون چارەسەری بۆ دھێتە دیتن ٩٠% و ١٠% دێ مینت ل سەر دایک و بابان کە چەوا دکارن چاڤدێریا وان بکەن ، ئەگەر ھەیڤا ئێکێ ژ دایکبوونێ دەربازبوو ئەو زارۆک دێ پێدڤی ب نشتگەریان بیت و ئەنجام وەکی حەفتیا ئێکێ ژ دایکبوونێ دبیت یێ باشە نەبیت، ئەو دایکا زاروکێ خوە دایبی دکەت ئەگەر لڤینکە دکەڤیتە (حەوزا) وی دڤێت ئێکسەر نوشداران ھایدار بکەت ئەگەر دی َکارتێکرن سەر پەککەفتکرنا وی ھێتەکرن)
زێدەتر گۆت: (زارۆکێ ئێکانە ژ پەیدابوونێ پتر نێزیکی پەکەفتبوونێ یە ژ زارۆکێن دن کچ حەفت جاران پتر نێزیکی پەککەفتبوونێ یە ژ کوری چونکە ھارموناتێن وێ و دایکێ وەکو ئێکن ، بەلێ یێن کوری و دایکێ ھەڤدژی ئێکن ، دیسان گرێدانا ھەردوو پیان ٩٥% زارۆکێن پەککەفتی دەرچووێن لاندکانە ٥% ئەون یێن کو نەچووبوونە دلاندکان دا، رامان نە ئەوە ھەر کەسەکێ بچیتە لاندکێ دا دێ یێ پەککەفتی بیت و یێ نە چیت دێ یێ دروست بیت ، دیسان نەمەرجە کو دایک و باب مرۆڤێن ئێک بن زارۆ پەککەفتی دەربکەڤیت،
تایبەتمەندێ نەخوشیێن ھەستی و گەھان د ددرێژاھیا ئاخفتنێن خودا دیارکر ژی کو ڤان سالێن دووماھیێ خەلکێ مە رەوشەنبیریەک دروست بوویە بەلێ ئاریشا بکارئینانا لاندکێ ھەر مایە و گۆت: (نەخوشخانا تایبەت ب زارۆیێن پەککەفتی ھاتینە ڤەکرن و نوشدارێن تایبەتمەند ژی ھەنە دایک و باب دەما دبین نکو زاروکێ وی توشی پەککەفتی بوونێ دبیت دڤێت ھەر زوو سەرەدانا نەخۆشخانان بکەن داکو زاروکێ خوە ژ دەست نەدەن)
