دکتۆر مه‌حمود ئۆسمان:ئه‌مریكا چو جارا ل گه‌ل كوردان دوست نه‌بوویه و هەردەم پشتا خۆ دایه كوردان
ئەڤرۆ نیۆز،سەباح زۆهێر:
پشتى 16 ڤێ مه‌هێ حه‌شدا شه‌عبى و هێزێن عێراقێ هێرش كریه سه‌ر دەڤەرێن ناكوكی ل سەر یێن دناڤبه‌را به‌غدا و هه‌رێما كوردستانێ ب شێوه‌كێ گشتى ره‌وشا هه‌رێمێ ئالوزبوو و په‌یوه‌ندیێن به‌غدا و هه‌رێمێ ئالۆزتر لێ هاتن،پشتى ڤێ چه‌ندێ حكومه‌تا هه‌رێمێ بریارا سركرنا ئه‌نجامێ ریفراندومێ ده‌ركر دبه‌رامبه‌ر دا به‌غدا داخوازا هه‌لوه‌شاندنا ئه‌نجامێ ریفراندومێ كر ب ڤێ چه‌ندێ هێشتا ده‌رگه‌هێ بۆ دیالوگێ دناڤبه‌را حكومه‌تا هه‌رێمێ به‌غدا ڤه نه‌بوویه،سیاسه‌تمه‌داره‌كێ كورد ژى رۆلێ ئه‌مریكا و به‌رژوه‌ندیا حوکمه‌تا عێراقێ دا دبینیت و ئه‌مریكا ب دوستێ كوردان قه‌له‌م ناده‌ت.
دکتۆر مه‌حمود عوسمان سیاسه‌تمه‌دارێ كورد ل دوور په‌یوه‌ندیێن دناڤبه‌را عێراقێ و هه‌رێمێ بۆ ئه‌ڤرۆ نیۆز دبێژیت: بریارێن حوکمه‌تا ناڤه‌ندى ل به‌رامبه‌ر هه‌رێما كوردستانێ و ب كارئینا هێزێ یا ده‌ستورى نینه و ژ ده‌ستورى هاتیه لادان ژبه‌ر ڤێ چه‌ندێ ره‌وش ئالوزبوو،له‌وما یاگرنگه دیالوگ دناڤبه‌را هه‌رێمێ به‌غدا بهێته‌كرن ل سه‌ر وان ئاریشێن هه‌ى و هه‌موو تشت ب رێیا دان و ستاندنێ و دستورى بهێنه چاره‌سه‌ركرن،چونكى چ رێكێن دى نینه بۆ چاره‌سه‌ریێ،حكومه‌تا هه‌رێمێ به‌یاننامه‌یه‌ك ده‌ر ئێخستى یه كو گفتوگویێ بكه‌ت ئه‌ڤە پێنگاڤه‌ك باشه.
گۆت ژى دڤێت هه‌موو ئالیێن سیاسێن كوردى دناڤبه‌را خودا دانوستاندنێ بكه‌ن و به‌رهه‌ڤیێ بكه‌ن بۆ به‌رامبه‌ر عێراقێ و ئێگرتى و ئێك رێزى هه‌بیت گۆت ئه‌ڤ ره‌وشا دروست بووى و شه‌ر په‌یدابووین ئه‌گه‌ر ریفراندوم نه‌هاتبا كرن ب ڤى شێوه‌ى ره‌وش ئالوز نه‌دبوو،لێ دا ب شێوه‌كێ دى بیت،چونكى حكومه‌تا عێراقێ هه‌ر داخازا وان جهان دكر خۆ ئه‌گه‌ر ریفراندوم ژى نه‌هاتبا كرن ،ل ێ ب ڤى شێوى نه‌دبوو كو توركیا و ئیران و هه‌مى دونیا هاروكاریا حكومه‌تا عێراقێ بكه‌ت و گلوپا سه‌وز بۆ هه‌لكر.
ناڤبرى ئاماژه دا وێ چه‌ندێ ژى كو سركرنا ئه‌نجامێ ریفراندومێ بۆ هندێ یه دیالوگ دروست ببیت و شه‌ر نه‌هێته رویدان،حكومه‌تا هه‌رێمێ نه‌شێت ئه‌نجامێ ریفراندومێ ب هه‌لوه‌شینیت،چونكى ئه‌ڤه بریارا خه‌لكى یه،لێ حكومه‌تا عێراقێ دبێژیت دڤێت ئه‌نجام بهێته هه‌لوه‌شاندن و رازی نینه ب سركرنێ، لێ جڤاكێن نێڤده‌ولى ب سركرنێ درازى نه.
سه‌باره‌ت رولێ ئه‌مریكا بۆ ڤان روودانێن پشتى ئه‌نجامێ ریفراندومێ گۆت :كو ئه‌مریكا رۆله‌ك خراب گێرا و پشته‌ڤانێ عه‌بادى یه چ وه‌خته‌كێ ئه‌مریكا ل گه‌ل كوردان دوست نه‌بوویه،كێشا كوردى ل سه‌ر ئه‌جندایا ئه‌مریكا نینه،ل به‌ر هندێ رولێ وێ دگه‌ل حكومه‌تا عێراقێ بوویه ب ره‌زامه‌ندیا ئه‌مریكا ئه‌ڤ كاره كریه و ئه‌مریكا دژى مه‌بوویه وپشتا خودایه‌مه،ئه‌وسلاڤائه‌مریكا به‌رى نوکە ل مه‌دكر ژى ل به‌ر رولێ پێشمه‌رگه‌ى بوویه ل هه‌مبه‌ر شه‌رێ داعش ، لێ نها ژ رویێ سیاسى ڤه سلاڤێ ل مه‌ناكه‌ت.