چاوا دلێ مرۆڤی ناچیتە خوارنێ؟
ئەڤرۆ نيوز:
ڤەکولینەکا نوو دیارکر کو ڤی ھرمونەکی شیانێن کێمکرنا شەھیەتا مرۆڤی بۆ خوارنێ ھەنە و دناڤ رووڤیکادایە، دێ ھاریکاریا کەسانێن قەلەو کەت کو سەنگێ خۆ کێم بکەن و رێژا کولیسترولی و فشارا خوینێ ژی کێم دکەت، ئەڤ ھرمونە دناڤ رووڤیکان دا دھێتە بەرھەمئینان و دبێژنێ (گلوکاگون لایک بیتید) یان ( جی ئێل بی).
نوشداران ژی ل ڤێ دووماھیێ دەستپێکر بۆ چارەکرنا نەخۆشێن ژ جورێ دوێ یێن نەخوشیا شەکرێ، دەمێ کو بەنکریاسی شیانێن کونترولکرنل رێژا شەکرێ نەبن، نودشاران دیت کو ئەڤ ھورمونە دبیتە رێگر کو دلێ نەخوشان نەچیتە خوارنێ و ڤەکولین ل سەر کرن کو نەخوشێن قەلەو بۆ کێمکرنا سەنگێ خۆ ب کاربینن.
تیمەکێ ڤەکولەران ب وێ ڤەکولینێ رابوون ب پێداچوونا فایلێن وان یێن ساخلەمیێ و شروڤەکرنا ئەنجامێن 24 تێستێن بالگەھی یێن شەش ھزار نەخوشان کو رادبوون ب خوارنا ھورموونێ ناڤبری، تێدا دیاربوو ئەوێن کێمترین چارەسەری وەرگرتی ئەڤجا ژ نەخوشیا شەکرێ ھەبیت یان نە، دماوێ 20 حەفتیان دا شیان سەنگێ خۆ کێم بکەن.
ھەروەسان فشارا وان یا خوینێ ژی کێم بوو و شیان کونترولێ ل سەر کولسترولی و شەکرێ ژی بکەن، ئەڤ ئەنجامە نیشانێ ب وێ چەندێ ددەن کو ڤی ھورموونی شیانێن کێمکرنا سەنگێ قەلەوان ھەنە، بەلێ ڤی جورێ چارەسەریێ ھندەک سەربارک ل دووڤ ھەنە ژوانژی (دلرابوون، عێلنجی و زکچوون)، بەلێ ھەر وەکو دیار کو ئەوێن ھورموونێ ناڤبری ب کارئینای ژ ئەنجامێن وی د رازی بوون.