ژنان 596 حاله‌تێن توندوتيژيێ دژى زه‌لامان ئه‌نجامداينه
ئه‌ڤرۆنيۆز:
ل دووڤ ئاماره‌كا لژنا پێداچوون وتۆماركرنا باده‌كان ل ريكخراوا ئێكه‌تيا زه‌لامێن كوردستانێ، ل ده‌ستپێكا ئه‌ڤ ساله هه‌تا ناڤه‌راستا ڤێ مه‌هێ ، 596 حاله‌تێن توندوتيژيێ دژى زه‌لامان يێن هاتينه تۆماركرن ل گه‌ل 53 حاله‌تێن خوه‌كوشتنێ وشه‌ش حاله‌تێن كوشتنێ.
برهان عه‌لى سكرتێرێ ئێكه‌تيا زه‌لامێن كوردستانێ دداخۆيانيه‌كا رۆژنامه‌ڤانى دا راگه‌هاند، ژ 1/1/2017 هه‌تا 15/11/2017 جۆرێن سكالا وتوندوتيژيێ كو ژلايێ ژنان دژى زه‌لامان هاتينه ئه‌نجامدان يێن گه‌هشتينه 596 حاله‌تان.
برهانى گۆت ژى، 53 حاله‌تێن خوه‌كوشتنا زه‌لامان وشه‌ش حاله‌تێن كوشتنا زه‌لامان ژلايێ ژنان ڤه ب هاريكاريا كه‌سانێن دى، يێن هاتينه تۆماركرن، دياركر ژى كو پتريا سكالان وداوان ل سه‌ر بێرێزى وسڤكاتيێ وشكاندنا زه‌لامان ژلايێ خێزان وزارۆكان، يان كوسوكارێن هه‌ڤژينانن.
ئێكه‌تيا زه‌لامێن كوردستانێ، ل دووڤ خه‌ندان، ژئه‌گه‌رێ قه‌يرانا دارايى چالاكيێن وان يێن راوه‌ستياين، سكرتێرێ رێكخراوێ دبێژيت، رۆژانه باده‌ك دهێنه ده‌ف مه وقه‌يرانا دارايى يا گه‌هشتيه پتريا مالان وكاريگه‌رى هه‌بوو ل سه‌ر مشه‌بوونا ئامارا توندوتيژيێ، قه‌يرانا دارايى وتێنه‌گه‌هشتنا دناڤبه‌را خێزانان، ئه‌گه‌رێ سه‌ره‌كيێ توندوتيژيانه.
ئێكه‌تيا زه‌لامێن كوردستانێ ل سالا 2007 هاتيه دامه‌زراندن و ل سالا 2009 مۆلتا فه‌رمى وه‌رگرتيه، ئه‌ندامێن وێ ل سه‌رانسه‌رى هه‌رێما كوردستانێ 7500 كه‌سن.
رۆژا 19/11 ل هه‌موو ساله‌كێ رۆژا جيهانى يا زه‌لامايه.
