40 كه‌سان بۆ پۆستێ پارێزگه‌رێ نه‌ينه‌وا خوه به‌ربژار كريه
ئه‌ڤرۆنيۆز:
جڤاتا پارێزگه‌ها نه‌ينه‌وا راگه‌هاند، هژمارا كه‌سێن خوه به‌ربژاركرين بۆ پۆستێ پارێزگه‌رێ نه‌ينه‌وا يێن گه‌هشتينه 40كه‌سان.
حوسام ئه‌لعه‌بار ئه‌ندامێ جڤاتا پارێزگه‌ها نه‌ينه‌وا دياركر، دادگه‌هه‌كا ئيدارى پرسا سه‌حكرنا تانا پارێزگه‌رێ ژكار لاداى (نه‌وفه‌ل ئه‌لعاگۆب) بۆ رۆژا چار شه‌مبى 29/11/2017 پاشخستيه، دده‌مه‌كى دا هژمارا به‌ربژاران بۆ وى پۆستى يێن گه‌هشتينه 40 كه‌سان.
حوسامى زێده‌تر بۆ ئاژانسا ئه‌لمه‌علومه گۆت، جڤاتا پارێزگه‌هێ چاڤه‌رێ بريارا دادگه‌هێ يه ل دۆر تانا پارێزگه‌رێ به‌رێ وپاشى دێ دانوستاندنێ ل سه‌ر كه‌سێن خوه بۆ وى پۆستى به‌ربژاركرى كه‌ت.
ل دۆر وان كه‌سێن خوه به‌ربژاركرين، گۆت، هنده‌ك ژوان ئه‌ندامێن جڤاتا پارێزگه‌هێ نه وهنده‌ك ژى ئه‌ندامێن جزاتا نوونه‌رێن عيراقێ نه ژ پارێزگه‌ها نه‌ينه‌وا وهنده‌ك ژى به‌رپرسێن پۆستێن بجهئينانێ ئه‌فسه‌رێن له‌شكرى نه. زێده‌بارى چه‌ند كه‌سێن دى.
