100 بزمار و264 پارێن ئاسنى ژ زكێ كه‌سه‌كى هاتن ده‌رخستن
ئه‌ڤرۆنيۆز:
زه‌لامه‌كى ل باژێرێ ساتنا ل ويلايه‌تا ماديا براديش ل هندستانێ، پشتى هه‌ست ب ژه‌هراويێ دكه‌ت بله‌ز دچيته نه‌خوه‌شخانێ، به‌لێ ده‌مێ نوشداران پشكنين بۆ ئه‌نجامداين، دبينن 100 بزمار و263 پارێن ئاسنى وهنده‌ك گويزانێن ريهتراشينێ وچه‌ند پارچه شووشه‌ك يێن داعويراين.
رۆژناما (سه‌ن) يا بريتانى به‌لاڤكر كو ئه‌و زه‌لامه يێ ب ناڤێ (مه‌كسود خان) ژيێ وى 35 سالن، پشتى پشكنين بۆ هاتيه كرن وئه‌و تشت هه‌موو دزكێ وى دا هاتينه ديتن، نوشداران ئێكسه‌ر بريار دا نه‌شته‌رگه‌ريێ بۆ بكه‌ن بۆ ده‌رخستنا وان تشتان كو سه‌نگێ وان دگه‌هشته 7كيلۆيان وشيان ژمرنێ رزگار بكه‌ن.
نوشدار (بريانكا شارما) كو سه‌رپه‌رشتيا نه‌شته‌رگه‌ريێ كرى، راگه‌هاند، مه باوه‌رى يا هه‌ى كو مه‌كسودى گرفته‌كا ده‌روونى يا هه‌ى وبزمار وئه‌و هه‌موو تشتێن كانزايى داعويرابوون وئه‌ڤ كرياره ژهه‌ڤال وخێزانا خوه ڤه‌شارتبوو.
