ئاهه‌نگا ژ دایكبوونا سه‌روه‌رێ پێغه‌مبه‌ران، ل مزگه‌فتا حه‌جى ئه‌حمه‌د هاته گێران
ئه‌ڤرۆ نيوز:
ب هه‌لكه‌فتا ژدایك بونا محمد پێغه‌مبه‌ر سلاڤێن خودێ ل سه‌ر بن ئه‌ڤرو ئێڤاری 30-11-2017ل مزگه‌فتا حجی ابراهیم ماسیكی وب چاڤدێری و ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ و جه‌هوه‌ر علی قایمقامێ قه‌زا دهوكێ وچه‌ند به‌رپرسێن حزبی وئیداری و زانایێن ئاینی ئیسلامی وجه‌ماوه‌ركێ به‌رچاڤ ئاهه‌نگا ژدایك بونا پێغه‌مبه‌رێ مروڤایه‌تی و ئاشتی ولێبورینێ هاته گێران.
لبه‌راهیێ چه‌ند ئا یه‌تێن قورئانا پیروز ژلایێ یونس سعید هاتنه خاندن .
پاش جودا جودا هه‌ر ئێك (د.سمیان عبدالخالق رێڤه‌به‌رێ گشتی یێ ئه‌وقافا پارێزگه‌هێ و جهوه‌ر علی قایمقامێ قه‌زا دهوك وجیهاد بێسفكی رێڤه‌به‌رێ ئه‌وقافا دهوكێ ومه‌لا احسان رێكانی سه‌روكێ لقێ دهوك یێ ئێكه‌تیا زانایێن ئاینی ئیسلامی كوردستان) په‌یڤێن خو بڤێ هه‌لكه‌فتێ پێشكێشكرن وئه‌ڤ یاده ل هه‌موو بوسلمانێن پارێزگه‌هێ وكوردستانێ وجیهانێ پیروزكر وهیڤی خاستن كو ئه‌ڤ هه‌لكه‌فته ببیته هوكار كو گیانێ لێبورین وپێكڤه ژیانێ دناڤبه‌را هه‌موو مروڤان دا وهه‌موو پێك هاتاندا بهێته موكومكرن ، هه‌روه‌سا ئه‌ڤ هه‌لكه‌فته ببیته هوكار بو به‌رجه‌سته‌كرنا ئێك رێزی وئێك ده‌نگیا گه‌لێ كورد وهه‌موو چاڤ ل پێغه‌مبه‌رێ خودێ بكه‌ن بو په‌رستنا خودایێ مه‌زن وبو به‌لافكرنا ئاشتی وته‌باهی ومروڤایه‌تیێ دناڤا هه‌موو مروڤان دا.
پاش چه‌ند سرودێن ئاینی ژلایێ تیپا نور هاتنه پێشكێشكرن.
هه‌ژی گوتنێ یه ئاهه‌نگ ب چاڤدێریا پارێزگه‌رێ دهوكێ ورێڤه‌به‌ری یا گشتی یا ئه‌وقافێ وئه‌وقافا قه‌زا دهوك وئێكه‌تیا زانایێن ئاینی لقێ دهوك هاتبو به‌رهه‌ڤكرن.
