ئه‌و دادڤانێ گۆلا ميسى نه‌هژمارتى شاشيه‌كا مه‌زنتر كر
ئه‌ڤرۆ نيۆز:
دادڤانێ ئيسپانى ئيجليسياس فيلانويفا ئه‌وێ گۆلا ميسى نه‌هژمارتى ل به‌رامبه‌ر يانا ڤالنسيا دخۆلا ئيسپانى دا، شاشيه‌كا مه‌زنتر د جاما ئيسپانيا دا كر.
وى دادڤانى، دوهى پێنج شه‌مبى، ياريا دناڤبه‌را ئيسپانيۆل وتينيريفى دچارچۆڤێ گه‌را 32 ژ جاما ئيسپانيا ب رێڤه‌بر وتێدا سزايه‌كا په‌نه‌لتيێ بۆ يانائيسپانيۆل هژمارت ده‌مێ ياريكه‌رێ ئيسپانيۆل ئالفارۆ فاكێز پێ خوه ل ته‌پێ داى وب ده‌ستێ ياريكه‌ره‌كێ هێلا به‌ره‌ڤانيا يانا تينيريفى كه‌فتى به‌لێ ئه‌و ياريكه‌ر نه دناڤ ده‌ڤه‌را سزايێ دابوو، به‌لكو ل ده‌رڤه‌ى وێ ده‌ڤه‌رێ بوو وب شێوه‌كێ گه‌له‌ك ديار، به‌لێ دادڤانى بريارا په‌نه‌لتيێ بۆ ئيسپانيۆل دا.
ئه‌و يارى ب سه‌ركه‌فتنا ئيسپانيۆل ب ئه‌نجامێ 3-2 ب دووماهى هات و ڤى ئه‌نجامى هه‌تا راده‌كێ مه‌زن هاريكاريا ئيسپانيۆل كر كو بگه‌هيته قۆناغا چارێك دووماهيێ ژ جاما ئيسپانيا، پشتى كو ياريا ئێكێ ب وه‌كهه‌ڤيێ بێ گه‌ل ب دووماهى هاتى ل سه‌ر ئه‌ردێ تينيريفى.
