ژبيركر ترومبێلا خوه ل كيرێ راوه‌ستانديه وپشتى 20 سالان ديت
ئه‌ڤرۆ نيۆز:
دبيت هنده‌ك جاران مرۆڤ ژبير بكه‌ت كليلێن خوه يان به‌رچاڤك يان موبايلا خوه دانايه كيڤه، دبيت ژى مرۆڤ ژبير بكه‌ت كا ل كيرێ ترومبێلا خوه راوه‌ستانديه، به‌لێ پشتى چه‌ند خۆله‌كا دێ بيرا وى هێت.
به‌لێ ئه‌وا ل گه‌ل زه‌لامه‌كێ ئه‌لمانى كو دژيێ 76 ساليێ دايه رووداى ل باژێرێ فرانكفۆت ل ئه‌لمانيا، گه‌له‌ك يا سه‌ير بوو، ژبه‌ركو بۆ ده‌مێ 20 سالان بوو نه‌دزانى كا ترومبێلا خوه ل كيرێ راوه‌ستانديه وتنێ پۆليس ئاگه‌هداركرن كو ترومبێلا وى يا هاتيه دزين.
ئه‌ڤ چيرۆكه دزڤريت بۆ سالا 1997، ده‌مێ ژيێ وى زه‌لامى 56 سال، وپشتى ژبيركرى ترومبێلا خوه ل كيرێ راوه‌ستانديه، وه‌سا هزركر يا هاتيه دزين و كێشه‌كا دزينا تروميێلێ ل بنگه‌هه‌گێ پۆليسان تۆماركر.
پۆليسان به‌رى چه‌ند رۆژان پشتى 20 سالان ژنوو ئه‌و ترومبێل ديت كو ل گه‌راجه‌گێ دناڤ ئاڤاهيه‌كێ پيشه‌سازى دابوو، ئه‌وژى پشتى خودانێ وى ئاڤاهى پۆليس ب هه‌بوونا ترومبێله‌كێ دناڤ گه‌راجا ئاڤاهى دا ئاگه‌هداركرين ژبه‌ركو ل به‌ربوو وى ئاڤاهى خراب بكه‌ت.
رۆژنامه‌كا ئه‌لمانى ئاماژه دا كو ل دووڤ پێزانينێن خودانێ وى ئاڤاهى داينه پۆليسان، پۆليس گه‌هشتنه خودانێ ترومبێلێ ول گه‌ل خوه ئينا وى جهى، ده‌مێ ترومبێلا خوه ل وى جهى ديتى، ژنوو بيرا وى هات كو ل وى جهى راوه‌ستاندبوو.
ده‌ستهه‌لاتدارێن فرانكفۆرت دياركر كو ئه‌و ترومبێل ئێدى ب كێر بكارئينانا ناهێت ودێ هێته هنارتن بۆ جهێ ترومبێلێن سكراب وژكاركه‌فتى.
