پشتى کو ناسناما ٢٢ هزار چەکدارێن داعش ئاشکرابوو کو کو ل ٥١ وەڵاتێن جودا یێت چووینە ناڤ رێزێن داعشێ، ئێک ژ چەکداران کوردە و ب ناڤێ ئەبو ئەمین کوردى ناڤێ وى یێ هاتى و د فۆرمەکا ٢٣ خالیدا تەڤاهیا زانیاریێن پرۆفایلا وى یێت هاتینە تۆمارکرن.

د فۆرمێدا ئاماژە یا ب وێ ئێکێ هاتیە کرن کو ئەبو ئەمین کوردى د ناڤەڕاستا هەیڤا ١٢ یا ساڵا ٢٠١٣ پەیوەندیا ب چەکدارێن داعشێ کرى و خەلکێ کوردستانا عیراقێ یە و خودانێ باوەرناما زانینگەهێ یە، هەڤدەم ژ دایکبوویێ ساڵا ١٩٩٠ێ یە و پلا شەڕکەرى یا هەى و ژیان هەڤژینیێ پێکنەئینایە.

ئەڤەژى پشتى وێ چەندێ هات کوناسناما ٢٢ هزار چەکدارێن داعش هاتە ئاشکراکرن ژلایێ مالپەرێ سکاى نیوز ڤە کو ژلایێ کەسەکى کو د ناڤ داعشێ دا بوو پشترە ئەو رێکخراو هێلا و ئەڤ زانیاریە بەڵاڤکرن.

هەر لگۆرى زانیاریان ئەو فۆرم و پرۆفایلێت کو ئاشکرابووین ژ سەدێ ٧٢ ژێ ب ڕەگەز عەرەبن.

ئەوى مالپەرى یێ بەڵاڤکری وان بەلگەنامان زانیاریێن هورێن وەکى هژمارا تێلەفونێ و ناڤنیشان و زانیاری لسەر مالباتێن چەکدارێن داعش تێدا هاتیە تۆمارکرن کو ل دەمێ پەیوەندیکرنا وان ب داعشێ ڤە د بەرسڤا ٢٣ پرسیاراندا زانینارى یێت هاتینە وەرگرتن.

مالپەرێ ناڤبرى یێ ڕاگەهاندی پشکەک ژ وان ناڤان د دەمێ پەیوندیکرنا وان ب چەکدارێن داعشێ ڤە یێت هاتینە هەلبژاردن کو کەسێن بەرنیاسن.

د بەلگەناماندا ئاماژە ب وێ ئێکێ هاتیە کرن گەلەک ژ چەکدارێن داعش بەرێ چەند جارەکان سەرەدانا یەمەن و تونس و سودان و لیبیا و پاکستان و ئەفغانستانێ یا کرى و پشترە یێت چوینە سوریا و بەشداریا شەڕان یا کرى و هند ژ وان یێت ڤەگەڕیایە وەڵاتێن خو بێى هەبوونا چاڤدێریێ لسەر وان.

ئێک ژ بەلگەنامان کو د بن ناڤنیشانێ “شەهیدان” هاتیە نڤیسین زانیاریێن لسەر چەکدارێن داعش تێدابووى کو یێ لبەر بووی هێرشێن خوکوژى ئەنجامدەن لسەر ئەڤێ چەندێ ژى مەشق و راهێنانا پێ هاتیە کرن.

د پشکەکا دى یا بەلگەناماندا هژمارا تێلەفونا وان چەکداران یا هەى و هەتا نهاژى کاردکەن و ژلایێ چەکدارێن داعشێ و مالباتێن وان دهێتە بکارئینان.

مالپەرێ یێ ئاشکرا کرى کەسەکى ب ناڤێ ئەبو حەمید ب رێکا میمۆریەکێ بەلگەنامێن خۆ یێت گەهاندیە مالپەرێ کو ژ رێڤەبەرێ ئاسایشا ناڤخۆ یێ چەکدارێن داعشێ یێ دزى.

ئەبو حەمید د بەرێدا سەر ب لەشکرێ ئازادێ سوریا بوو هەتا پاشى چوویە ناڤ چەکدارێن داعش کو وەکى ب خۆ ڕاگەهاندبوو “ب سەدەمێ تێکشکاندنا یاسایێن داعشێ بریارا داى وێ رێکخراوێ بهێلیت”.

ناڤبرى ئاماژە ب وێ چەندێ ژى کر د نهادا سەربازەکێ حزبا بەعسا بەرێ وێ رێکخراوێ برێڤە دبەت.

ئەوى کەسى ئاشکراکر، هێزێن یەپەگێ و ڕژێما بەشار ئەسەدى ل دژى هێزێن ئۆپزسیۆنان هەڤئاهەنگیێ دکەن.

گۆت ژى “چەکدارێن داعشێ پشتا وانا ل ڕەقە ساربووى وان دڤێت بەرەف بیابانێن ناڤەندا سوریا و پشترە ل عیراقێ پێشڤە بچن”.

هەوەسا گۆت ژى “هیڤیدارم ب رێکا ئاشکرا کرنا بەلگەنامان چەکدارێن داعش ژ ناڤ بچن”.

ئەڤێن خارێ فایلا هژمارەک ژ چەکدارێن بیانی یێن ناڤ داعشێیە:

ژێده‌ر: NRT

جه‌نابێ وه‌‌ بڕیارێن وێره‌ك دان و دلۆڤانیێ ب گه‌نده‌لان نه‌بن! ‌

Facebook

14/02/2016 18:48

107

((تو ب خوه‌ ده‌روونا خوه‌ ناسبكه‌‌)) سقرات
ل ڤێ دوماهییێ، پشتی هه‌موو قه‌یرانێن هه‌رێمێ ماینه‌ نه‌چاره‌ كری و ره‌وش رۆژ بۆ رۆژێ به‌ره‌ڤ كه‌مباخ تر چوویی، جه‌نابێ سه‌رۆكێ هه‌رێما كوردستانێ مه‌سعوود بارزانی هاته‌ ده‌نگ و هنده‌ك بڕیارێن وێره‌ك دان كو ل ده‌ستپێكێ چاكسازیێن ره‌هوریشالی، د خزمه‌تا گشتی یا حوكمه‌تێ دا، د ناڤ خوه‌دیێ داموده‌زگیێن پارتی دیمۆكراتی كوردستان دا بهێن كرن، بڕیاره‌ لیژنه‌یه‌ك بهێته‌ پێكئینان كو ب ڤی ئه‌ركێ دیرۆكی راببت.
ئه‌ز باوه‌ردكم، هه‌كه‌ ئه‌ڤ بڕیارێن سه‌رۆكی داین‌ جددی بن و لیژنه‌ ژ هنده‌ك كه‌سانێن پاقژ و وێره‌ك بهێته‌ پێكئینان كو ده‌ستێن وان ب ملك و سامانێ گشتی پیس نه‌بیت، دێ كارن چاكسازیێن باش به‌رییا هه‌موویان د داموده‌زگه‌هێن پارتی دا كن و پاشی یێن حوكمه‌تێ دا، ئێدی حزبێن دی ژی نه‌چاربن ده‌مێ دبینن مه‌زنترین حزبا خوَدانا ده‌ستهه‌لاتێ دلۆڤانیێ ب چو گه‌نده‌لچی و دزیكه‌رێن مافێ خه‌لكێ هه‌رێمێ خوارین نابیت، هینگێ ئه‌و ژی نه‌چارن چاڤ لێبكه‌ن و ده‌ست ب چاكسازییان بكه‌ن.
به‌لێ، ده‌مێ ل ڤێره‌ ئیراده‌ و وێره‌كی هه‌بیت كو ئه‌ڤ بڕیاره‌ د ژیواری دا بوونه‌ كریا و هاتنه‌ پراكتیزه‌ كرن، هینگێ دێ كێشه‌یێن مووچه‌خوارێن بندیوار و ده‌ست بسه‌رداگرتنا ملكێ گشتی چاره‌ بن و دووڤ دا، دێ ده‌ستپێكا دانانا ژێرخانه‌یا ئابۆرییا هه‌رێما كوردستانێ شه‌رعی هێته‌ دانان، پاشی كار دێ بۆ رێكخستنا ناڤمالیا كوردی و هه‌ڤگرتنا پێشمه‌رگه‌یه‌ك كوردستانی و خوه‌دی ژێیاتییا نه‌ته‌وه‌یی و دووری هزرا حزبییاتییا به‌رته‌نگ هێته‌ كرن. پێنگاڤا دووماهیا نه‌دووماهی، كار دێ بۆ كرنا ریفراندۆما مافێ گه‌لێ مه‌ و پاشی راگه‌هاندنا ده‌وله‌تا كوردی هێته‌ كرن.
هێڤیه‌ وه‌سا نه‌بیت، لێ هه‌كه‌ هات و ئه‌ڤ لژنه‌یه‌ ژ هنده‌ك كه‌سانێن گومان ل سه‌ر هاته‌ پێكئینان و تنێ چاكسازیێن وان سه‌رڤه‌ سه‌رڤه‌ بن و ژ هنده‌ك كه‌سانێن بێ پشت و ژ گای گوه گه‌نده‌لی كری بگرت، دز و گه‌نده‌لێن مه‌زن هه‌ر بمینن، ئه‌ز دبێژم پێدڤی ناكت پێنگاڤه‌كا هۆسا بهێت هاڤێژتن. ژبه‌ر كو كارتێكرنا ڤان بڕیاران دێ گه‌له‌ك خرابتر بت و دبه‌رژه‌وه‌ندیا چو ئالیان دا نابیت، ره‌وشا هه‌رێمێ دێ به‌ره‌ڤ ئاقاره‌ك نه‌دیار چت و ئێدی خه‌لكه‌ك زێده‌تر نه‌شێن خوه‌ ل به‌ر ڤێ ره‌وشێ بگریت و دوور نینه‌ ئازادیا هه‌رێما كوردستانێ، پشتی 25 سالان بگه‌هته‌ كاروانێ 30 مێرنشینێن كوردی، ده‌مێ به‌ریییا جه‌نگا چالدیرانێ و پشتی هینگێ، گه‌له‌ك ژ وان نیمچه‌ ئازادیه‌ك د ناڤبرا هه‌ردو ئمبراتۆریێن ئۆسمانی و سه‌فه‌وی دا وه‌ر گرتین و دووماهیێ هه‌مان نه‌خوه‌شیێن نها هه‌رێما كوردستانێ ب تایبه‌تی و كوردستانا مه‌زن ب گشتی گرتین ژ ناڤبرین و تنێ ناڤ مایه‌ د دیرۆكێ دا.

ب تۆمه‌تا مه‌زاختنا گشتی ڤه‌كۆلین ل گه‌ل هه‌ڤژینا ڤی سه‌رۆكێ وه‌زیران دهێته‌ كرن

01/01/2016 14:44

151

ئه‌ڤرۆنیۆز، ئه‌یاد به‌رواری
پۆلیسێن ئیسرائیلێ ل بنگه‌هێ پۆلیسێن (له‌د)، ڤه‌كۆلین ل گه‌ل هه‌ڤژینا سه‌رۆك وه‌زیرێن ئیسرائیلێ كر ب گۆمانا پارێن گشتێ بۆ كاروبارێن كه‌سایه‌تی ژلایێ وی و هه‌ڤژینێ وێ ڤه‌.
ڤه‌كۆلین دهێته‌ كرن ل دۆر مه‌زاختنا پارێن گشتی ژلایێ بنیامین ناتانیاهۆ سه‌رۆك وه‌زیرێن ئیسرائیلێ و هه‌ڤژینا وی ڤه‌، بۆ كڕینا هنده‌ كه‌لوپه‌لان بۆ خانیێ خوه‌، پێزانین ل سه‌ر وێ مه‌زاختنێ ژی گه‌هشتنه‌ پۆلیسان ژلایێ خزمه‌تكارێ به‌رێ ل ئوفیسا سه‌رۆك وه‌زیرێن ئیسرائیلی (مانی نفتالی) كو هاتبوو لادان ژ كارێ وی، ل دووڤ ئاژانسا رۆژنامه‌ڤانیا فره‌نسی.
بابه‌تێ ڤه‌كۆلینێ ل دۆر ڤه‌گوهاستنا هنده‌ك موبیلیاتانه‌ كو ب پارێ گشتی هاتیه‌ كڕین و پاشی بۆ مالا ناتانیاهۆی هاتینه‌ ڤوگه‌هاستن.
دیسا گومان ل سه‌ر بكارئینانا (ئافی فهیمه‌) كو كاره‌بایی یه‌ و هه‌ڤالێ خێزانێ یه‌ و ئه‌ندامه‌كێ به‌رێ یه‌ د لژنا ناڤه‌ندی یا حزبا لیكود، حزبا سه‌رۆك وه‌زیران، بۆ ئه‌نجامدانا هنده‌ك كارێن نووژه‌نكرنێ ل مالا ناتانیاهوی ل سه‌ر كیستێ باج به‌خشێن ئیسرائیلی و گومان ل سه‌ر وی كاره‌بایی یا هه‌ی كو پارێن زێده‌ یێن د پسۆلێن خوه‌دا نڤیسین.

سوباهی پلا گه‌رمێ ل دهۆكێ دێ هێته‌ خوار

01/01/2016 14:20

1075

ئه‌ڤرۆنیۆز، ئه‌یاد به‌رواری

رێڤه‌به‌ریا گشتی یا گه‌شناسیێ ل هه‌رێما كوردستانێ ره‌وشا سه‌قای و پلێن گه‌رمێ ل باژێرێن هه‌رێما كوردستانێ بۆ ئه‌ڤرۆ ئه‌ینیێ و سوباهی شه‌مبیێ راگه‌هاند.
ئه‌ڤرۆ ل پارێزگه‌ها دهۆكێ پلا گه‌رمێ دێ 9 بیت و به‌رده‌وام باران دێ باریت و ل ده‌ڤه‌رێن چیایی به‌فر دێ باریت و ئه‌گه‌رێ په‌یدابوونا بریسیان ژی یا هه‌ی ل هنده‌ك ده‌ڤه‌ران و ل ده‌مه‌كێ دره‌نگ دێ سه‌قا جێگیر بیت.
سه‌باره‌ت ره‌وشا سه‌قایێ ل رۆژا شه‌مبی ل پارێزگه‌ها دهۆكێ، رێڤه‌به‌ریا گشتی یا گه‌شناسیێ دیاركریه‌ كو پلا گه‌رمێ دێ هێنه‌ خوار و بیته‌ 3 و ئه‌سمان دێ عه‌ور بیت و ئه‌گه‌رێ هه‌بوونا مژێ یا هه‌ی ب تایبه‌تی ل ده‌مێ سپێدێ كو ڕادا بینینێ دا دبن ئێك كیلۆمه‌ترێ دا بیت و پاشی كاریگه‌ریا وێ مژێ دێ كێم بیت.

ل 24 ده‌مژمێرێن بۆری ئه‌ڤ رێژێن بارانێ و به‌فرێ ل پارێزگه‌ها دهۆكێ یێن بارین

01/01/2016 13:49

1279

ئه‌ڤرۆنیۆز، ئه‌یاد به‌رواری

رێڤه‌به‌ریا گه‌شناسیێ ل پارێزگه‌ها دهۆكێ، ڕێژێن بارینا بارانێ و به‌فرێ ل هنده‌ك ده‌ڤه‌رێن پارێزگه‌ها دهۆكێ د 24 ده‌مژمێرێن بۆری دا، راگه‌هاندن.
ل دووڤ خشته‌كێ رێڤه‌به‌ریا گه‌شناسیێ ل پارێزگه‌ها دهۆكێ، كو دانه‌یه‌ك ژێ بۆ ئه‌ڤرۆ نیۆز هنارتی، ل دۆر ڕێژێن بارانێ و به‌فرێ ل هنده‌ك ده‌ڤه‌رێن پارێزگه‌هێ، ڕێژا بارینا به‌فرێ ب ڤی ڕه‌نگی بوو:
(كانی ماسێ 31 سم، سه‌رسنكێ 12 سم، ئامێدیێ 11 سم، دینارتێ 2 سم)
رێژێن بارانێ ژی ب ڤی ڕه‌نگی بوون:
(دینارتێ 124 ملم، بجیل 87 ملم، ئاكرێ 80 ملم، باتیفا 66 ملم، زاخۆ 46 ملم، دهۆك 44 ملم، سه‌رسنك 43 ملم، باتێلێ 42 ملم، مانگێش 35 ملم، گرده‌سین 30 ملم، زاخۆ 30 ملم، بامه‌رنێ 25 ملم، ئامێدیێ 25 ملم، به‌ردره‌ش 24 ملم).

رێڤه‌به‌ریا په‌روه‌ردا دهۆك تو ل كیڤه‌ى؟ شاشیێن مه‌زنن

Facebook

29/11/2015 12:13

105

ئه‌ڤرۆ نیوز:
هوزانڤان و نڤیسه‌ر هشیار رێكانى د یه‌یجێ خوه‌ یێ كومه‌لایه‌تى دا، چه‌ند شاشیێن رێنڤیسى د پرتوكێن بابه‌تێن كومه‌لایه‌تى یێن پۆلا پێنجێ بنه‌ره‌ت دا دیتى نه‌ و راستڤه‌كرن ب ڤى ئاوایى پێشنیاز كریه‌ كو بهێنه‌ چێكرن”
چه‌وتی ل گه‌ل راستڤه‌کرنێ ب ده‌ڤۆکا ئه‌م ل دهۆکێ پێ دنڤیسین:
دھۆک:
باژێرەکێ گرنگە و جھەکێ جوگرافیێ باش ھەی (جوگرافییێ باش ھەیە)، ژ بەرکو یا ل نێزیکی سنورێ تورکیا یه‌ (ژ بەرکو دھۆك نێزیکی سنۆرێ تورکیایە)، یا بۆیه‌ دەرگەھێ ھەرێمێ و یێ عێراقێ بۆ بازرگانیێ دگەل وەڵاتێت دەرڤە ، ب دەڤەرەکا گەشتیاریێ یا گرنگ تێ ھه‌ژمارتن (له‌ورا یا بوویە دەرگەھێ ھەرێما کوردستانێ و ته‌ڤایا عێراقێ ژ بۆ بازرگانیکرنێ ل گەل وەلاتێن دەرڤە، دھۆك ب دەڤەرەکا سه‌یرانگه‌ها پڕ گرنگ دھێته‌ ھژمار) و سالانە ژمارەیەکا زوور(زۆر) یا گەشتیاران سەرادانا وێ دکەن (و هه‌رسال گه‌له‌ك سه‌یرانی سەره‌دانا وێ دکەن) ، و ژ ئالیێ کشتوکالیێ ڤە ب بەرھەم ئینانا فێقیێ هه‌می جۆر (و ژ ئالیێ چاندنێڤه‌ژی ب به‌رهه‌مئینانا هه‌می ره‌نگێن میوه‌ی) یا ب ناڤ و دەنگە.
یا راستڤه‌کری:
دھۆك:
دهۆك باژێرەکێ گرنگە و جھەکێ جوگرافییێ باش ھەیە، ژ بەرکو دھۆك نێزیکی سنۆرێ تورکیایە، له‌ورا یا بوویە دەرگەھێ ھەرێما کوردستانێ و ته‌ڤایا عێراقێ ژ بۆ بازرگانیکرنێ ل گەل وەلاتێن دەرڤە، دھۆك ب دەڤەرەکا سه‌یرانگه‌ها پڕ گرنگ دھێته‌ ھژمار و هه‌رسال گه‌له‌ك سه‌یرانی سەره‌دانا وێ دکەن، و ژ ئالیێ چاندنێڤه‌ژی ب به‌رهه‌مئینانا هه‌می ره‌نگێن میوه‌ی یا ب ناڤ و دەنگە.

به‌ندۆشك كه‌فته‌ بازارى

21/10/2015 17:30

178

ئه‌ڤرۆ نيوز:

بەری دو رۆژان دووماھی پرتووکا ھەلبەستان یا ھەلبەستڤان ( عسمەت ئەلعوسمانی) ل ژێر ناڤێ (بەندۆشک) کەتە بازاری و 666 بەندۆشکان پێک دھێت، و ڤێ پرتووکێ دکەتە دیاری بۆ “ھەموو ئەڤینداران و جانفیدایێن خاک و وەلاتی، و بۆ خۆراگران و خودان بیروباوەران، بۆ ھەر کەسەکێ ئەز ڤیایم و حەزژ پەیڤێن من کری”.

پرتووکا ناڤبری ب تیراژێ 500 دانان ل چاپخانا ھاوار ل دھۆکێ ھاتیە چاپکرن، دیزاینا پرتووکێ ژلایێ دیزاینەر (ناجی بەدەل محەمەد سالح) و یا بەرگی ژ لایێ ھونەرمەند جەمیل محەمەد سەبری ڤە ھاتیە چێکرن.

هوون دشێن نوكه‌ به‌دندوشك ل ڤان جهان ب ده‌ست خوه‌ بێخن:

1- پرتووكخانا دهۆك به‌رامبه‌ر ئاماده‌يا كاوه‌

2- نڤيسينگه‌ها نزار به‌رامبه‌ر بورسا دهۆك – دادگه‌ها كه‌ڤن

3- فه‌وزى مۆل ل پشت رێڤه‌به‌ريا باژێرڤانيا دهۆكێ

بۆ په‌يوه‌نديكرنێ ب هه‌لبه‌ستڤانى ل سه‌ر تۆڕا جڤاكيا فه‌يسبۆكى ڤێره‌ كليك بكه‌:

به‌ندۆشكه‌ك ژ پرتووكا وى:

وه‌ره‌ دا ئه‌ز و تو

پشتا خوه‌ بده‌ينه‌ ڤێ رۆژێ

بلا سيتافكێن مه‌ سه‌مايێ بكه‌ن

ئه‌ز دێ سێڤێن ته‌ خۆم

تو پێكێ من ڤه‌خۆ

هه‌چيێ گۆت ئه‌ڤه‌ چيه‌؟