سه‌رۆكێ هه‌رێما كوردستانێ په‌یامه‌كێ ل دۆر ره‌وشا سیاسی یا هه‌رێما كوردستانێ به‌لاڤ دكه‌ت و تێدا هاتیه‌” وه‌ك یا دیار كو هێشتا ئالیێن سیاسی ل سه‌ر پرسا سه‌رۆكاتیا هه‌رێمێ نه‌گه‌هشتینه‌ سازانێ و هه‌نده‌ك ژی درژن ل سه‌ر شێوازێ كوده‌تا و پرۆژه‌ بۆ دروستكرنا قه‌یرانان یێن هه‌ین، لێ پرۆژه‌ بۆ چاره‌سه‌ركرن و پاراستنا كوردستانێ نینن، له‌ورا هه‌لویستێ خوه‌ ل دۆر قه‌یرانا سیاسی یا هه‌رێمێ بۆ هه‌وه‌ یێن خۆشتڤی رادگه‌هینم”
د پشكه‌كا دی یا په‌یاما سه‌رۆك بارزانی دا هاتیه‌” پشتی ل هه‌یڤا گۆلانا ئه‌ڤ ساله‌ مه‌ سه‌فه‌را ئه‌مریكا و ئه‌ورۆپا كری، ئاسۆیه‌كێ رۆهنتر ژ جاران ل هه‌مبه‌ر پرسا سه‌ربخوه‌یا گه‌لێ كوردستانێ هاته‌ د رۆژه‌ڤێ دا. لێ ب دروستكرنا ڤێ قه‌یرانێ ئه‌ڤ ئاسۆیه‌ دێ كه‌ڤیته‌ بن گه‌ف و مه‌ترسیێ، ئه‌و ئاسۆیێ كو گه‌لێ كوردستانێ چه‌ندین ساله‌ خه‌باتێ بۆ دكه‌ت خه‌لكه‌ك یێ هه‌ی وه‌سا بۆ دچن هه‌كه‌ ل سه‌ر ده‌ستێ مه‌سعود بارزانی ب ده‌ستڤه‌ بهێت مه‌نه‌ڤێت، لێ ئه‌ز دێ مه‌منوونی وی كه‌سی بم یێ وێ هیڤیا گه‌لێ كوردستانێ بجه بینیت و هه‌ر ئه‌وه‌ ژی جوداهیا د ناڤبه‌را من و وان دا”.
ل دووماهیا په‌یامێ سه‌رۆكێ هه‌رێما كوردستانێ بۆچوونا خوه‌ بۆ ده‌ربازبوونێ ژ ڤێ قه‌یرانێ د ڤان خالان دا ده‌ردبڕیت:
1. بۆ چاره‌كرنا كێشان خۆسه‌پاندن و شێوازێ كوده‌تا چو ئه‌نجام نابن و قابلی قه‌بوولكرنێ ژی نینه‌.
2. هه‌موو حزبێن ناڤ حوكمه‌ت و په‌رله‌مانی له‌زێ بكه‌ن ل رێككه‌فتنێ ل سه‌ر چاره‌سه‌ریه‌كێ ب سازانێ كو د به‌رژه‌وه‌ندیا گه‌ل و نیشتمانی دا بیت.
3. هه‌كه‌ نه‌گه‌هشتینه‌ سازانێ دڤێت به‌ره‌ڤ هه‌لبژارتنێن پێشوه‌خت ڤه‌ بچین.

ئه‌ڤرۆ نیوز: ئه‌كره‌م ئیبراهیم:

ل شه‌ڤا 11-12/ 6 /2015 كاره‌با كشتی یا پارێزگه‌ها دهوكێ ب ئێكجاری تێك چو و تا روژا باشتر به‌ری نیڤرو هاته‌ برین و خه‌لك گه‌له‌ك شه‌پرزه‌ بو ,ژبو هندێ داكو بزانین ئه‌گه‌رێن تێك چونا كاره‌بێ و بزاڤێن چاره‌سه‌ریێ ئه‌ندازیار كومال محه‌مه‌د سالح رێڤه‌به‌رێ گشتی یێ كاره‌با پارێزگه‌ها دهوكێ دداخویانیه‌كێ بو روژناما ئه‌ڤرو دیار كر كو ژبه‌ر كه‌تنا تێلا 132 KV دنافبه‌را دهوك و هه‌ڤلێرێ ل نێزیك باژێركێ خه‌بات سه‌رب پارێزگه‌ها هه‌ڤلێرێ ڤه‌ ژبه‌ر كو هه‌می هێلێن كوردستانێ پێكڤه‌ دگرێداینه‌ بو ئه‌گه‌رێ ژكار كه‌فتنا هه‌می یه‌كه‌یێن به‌رهه‌م ئینانا كاره‌بێ ل پارێزگه‌هێو پشتی بزاڤێن به‌رده‌وام ژلایێ كارمه‌ندێن وه‌زاره‌تا كاره‌با هه‌رێمێ شیان ل روژا 12-6 ل ده‌مژمێر 11 و نیڤی به‌ری نیڤرو جاره‌كا دێ كاره‌بێ وه‌كی به‌ری هینگێ بزڤرینن و كاره‌ب وه‌كو خو زڤریه‌ و دگه‌ل وه‌زاره‌تا كاره‌بێ مه‌ به‌حس كریه‌ كو قه‌ره‌بونا ڤان ده‌مژمێرین بوری بهێته‌ كرن و نوكه‌ نێزیكی 600 مێگاواتێن كاره‌بێ دناف تورا پارێزگه‌هێ دا هه‌نه‌ ,هه‌روه‌سا گوت :ژبه‌ر نه‌بونا گازێ ل كارگه‌ها به‌رهه‌مئینانا كاره‌بێ ل كواشێ ژ سه‌رجه‌مێ 8 یه‌كه‌یێن به‌ره‌هه‌م ئینانێ بتنێ 3 یه‌كه‌ كار دكه‌ن و ژبه‌ر كو هه‌ر یه‌كه‌یه‌ك ژوان 863 هزار لیترێن گازێ روژانه‌ دڤین و هه‌ر هه‌شت یه‌كه‌یا 6 ملیون و 500 هزار لێتر پێدڤی نه‌ و گازا وان ژ توركیا دهێت و ئه‌ڤه‌ چه‌ند روژ بون ژبه‌ر هه‌لبژارتنا گاز بو مه‌ نه‌دهات له‌وما ژكاری راوه‌ستاینه‌ ,, هه‌روه‌سا گوت : بزاڤێن مه‌ دگه‌ل پارێزگه‌رێ دهوكێ كو دگه‌ل ئه‌نجومه‌نێ وه‌زیران چه‌ند ئاخفتیه‌ بو چاره‌كرنا ڤێ بابه‌تی و برێكا وه‌زاره‌تێ ژی ئه‌م به‌رده‌وامین هه‌می پێكڤه‌ دمژیلین بو چاره‌كرنا ڤێ ئاریشێ و دابینكرنا سوته‌مه‌نیێ بو كارگه‌ها به‌رهه‌م ئینانا كاره‌بێ ل كواشێ ,

هه‌روه‌سا دیار كر كو روژانه‌ بو ده‌ڤه‌رێن وانكێ و زمار و ئه‌سكی میسل و تلسقف رێژا زێده‌تر ژ 25 مێگاواتا بو دهێته‌ ره‌وانه‌ كرن و به‌روكێن شه‌رێ دژی داعش ب شه‌ڤ ژ ره‌بیعه‌ تا دگه‌هیته‌ خازری 48 مێگاوات بو دهێنه‌ دابینكرن ب شه‌ڤێ و بو گومپێن ئاوارا ل پارێزگه‌هێ زێده‌تر ژ 50 مێگا واتا به‌رده‌وام دده‌ینێ زێده‌باری پروژێن ئاڤێ و خه‌سته‌خانا و ژسه‌رجه‌مێ 650 مێگا واتا 200 مێگا وات بو ڤان جها دچن روژانه‌
دده‌رباره‌ی ئه‌گه‌رێن برینا كاره‌با ژ توركیا ئه‌ندازیار كه‌مال محه‌مه‌د سالح گوت : گریبه‌سته‌ك دگه‌ل توركیا هه‌بو كو روژانه‌ 150 مێگا واتێن كاره‌بێ ددانه‌ پارێزگه‌هێ ل سالا بوری 27 /7/ 2014 وه‌ره‌ بو ماوێ ساله‌كێ ئه‌ف كاره‌به‌ ل 18 /5 / هاتیه‌ برین ژبه‌ر نه‌دانا پارێ وان كود بیته‌ 56 ملیون دولار نمه‌ گه‌ل سه‌روكێ حكومه‌تێ به‌حس كرن درێكا پارێزگه‌رێ دهوك را كو هه‌ر چ نه‌بیت ڤان دوو هه‌یڤا جاره‌كا دی ڤێ كاره‌بێ بزڤرینن وان ژی سوز دایه‌ ڤی بابه‌تی چاره‌كه‌ت ,
دده‌رباره‌ی رێژا روژانه‌ یا كاره‌بێ ئه‌وا دده‌نه‌ وه‌لاتیان رێڤه‌به‌رێ گشتی یێ كاره‌بێ گوت: وه‌كو وه‌زاره‌تێ دیار كری كو روژانه‌ 18 سعه‌تا كاره‌ بدێ هه‌بیت بو وه‌لاتیان لێ نوكه‌ ل پارێزگه‌هێ ئه‌م 19 سعه‌تا كاره‌بێ دابین دكه‌ین ل ڤان 11 روژێن هه‌یڤا 6