NO IORG
نووترين نووچه
Authors Posts by جه‌میل محه‌مه‌د سه‌بری

جه‌میل محه‌مه‌د سه‌بری

جه‌میل محه‌مه‌د سه‌بری
2 POSTS 0 COMMENTS

222

ب مخابنیڤه‌ دێ بێژم هه‌تا نوكه‌ زۆر كه‌س ژ چینێن جودا جودا ژ ره‌وشه‌نبیر و سیاسى و رێڤه‌به‌رێن ئیدارى نزانن نه‌خشه‌یێ كوردستانێ یان باشۆرێ كوردستانێ ب چ شێوه‌یه‌ و بۆ من دیاربوو د ڤێ هه‌وا هنده‌ یا مه‌زنا پشته‌ڤانیكرنێ ل ریفراندۆما سه‌ربخوه‌یا كوردستانێ كو هنده‌ك كه‌س بتنێ دیكۆرن یان ناڤن هه‌ما ژلایێ پێزانینان ڤه‌ زۆر دلاوازن هه‌كه‌ ته‌ماشه‌ بكه‌ین زۆربه‌یا فلكس و ستیكه‌رو ریكلامێن هاتیه‌ به‌لاڤكرن و هه‌لاویستن و ل سه‌ر جاده‌یان و ل سه‌ر جامێن ترومبێلان و ل سه‌ر فیسبۆكێن گه‌له‌ك كه‌سان و حه‌تا ناڤبرێن هنده‌ك كه‌نالان ژى نه‌خشه‌یه‌كێ نه‌ دروست كو ژ (گوگلى) ده‌رخستیه‌ و به‌لاڤ دكه‌ن بێى راستیا وى بزانن و بێى هه‌ست پێ بكه‌ن و هنده‌ هزرێن تیژ نینن بزانن كو ئه‌ڤ نه‌خشه‌یه‌ یێ خه‌له‌ته‌ ڤى ده‌مى كو رۆژانه‌ ل سه‌ر شاشێن ته‌له‌ڤزیۆنان گه‌نگه‌شه‌ ل سه‌ر كه‌ركوه‌ك و ده‌ڤه‌رێن ده‌رڤه‌ى ئیدارا هه‌رێمێ دهێته‌كرن و ئه‌م درژدین چ ده‌ڤه‌رێن كوردستانێ ژ ده‌ست نه‌ده‌ین. لێ د زۆربه‌یا نه‌خشه‌یێن دهێنه‌ به‌لاڤكرن كه‌ركووك و شنگال و خانه‌قین و مه‌نده‌لى و جه‌له‌ولا و سه‌عدیه‌ و هه‌موو ده‌ڤه‌رێن كوردستانێ یێن ده‌رڤه‌ى ئیدارا هه‌رێمى د ناڤدا نینن و هه‌روه‌كو كوردستان بتنێ دهۆك و هه‌ولێر و سلێمانیه‌ و هه‌كه‌ ریفراندۆما مه‌ ئه‌ڤ هه‌رسێ پارێزگه‌هه‌بن سوبه‌هى عیراق یا رازیه‌ دانپێدانێ ب ریفراندۆمێ بكه‌ت. گرنگه‌ پیته‌یه‌كێ مه‌زن ب نه‌خشه‌یێ كوردستانێ بهێته‌ دان و زارۆیێن مه‌ و نفشێ نوو پێزانینه‌كا تمام ل سه‌ر نه‌خشه‌یێ كوردستانێ هه‌بیت یێ باشۆرى و كوردستانا مه‌زن ژى.. هه‌روه‌سا زۆر گرنگه‌ هه‌ر كاره‌كێ بهێته‌ كرن به‌ره‌لایى تێدا نه‌بیت و كه‌سێن شاره‌زا كار تێدا بكه‌ن و بلا ئه‌ڤ په‌یامه‌ ل به‌رچاڤ بهێته‌ وه‌رگرتن ژبۆ كارێ، داهاتى و كوردستان دێ پتر پێویستى هه‌بیت بۆ كارێن رۆژانه‌ و سه‌ربخوه‌ یێن تایبه‌ت وه‌كو پاره‌ و سروودا نشتیمانى و لۆگۆیێ ده‌وله‌تێ و زۆر كارێن دى.

172

ده‌مه‌كێ درێژبوو به‌حسێ ئۆپه‌راسیۆنا رزگاركرنا مووسلێ دهاته‌كرن، هه‌تا پێر ده‌ست پێ كری كو هه‌ر ژ چركه‌یا ئێكێ یا و هه‌تا ئێڤاریا رۆژا دى ئه‌ز ژ به‌ر شاشێن كه‌نالێن ته‌له‌ڤزیۆنان نه‌ چووم و ب هوورى من ته‌ماشه‌ى كه‌نالێن هه‌ر سێ سه‌ته‌لایتێن (نایل سات و تورك سات و هوتبێرت) كر و زۆربه‌یا كه‌نالێن ده‌نگ و باسان دووڤچوونا ڤێ ئۆپه‌راسیۆنێ دكر و ژ كه‌نالێن توركى و كوردى و عه‌ره‌بى و ئورۆپى و هه‌موویان ژى دیمه‌نێن پێشمه‌رگه‌یان نیشا ددان و وه‌سا دیار دبوو كو سه‌ركێشێن ڤێ ئۆپه‌راسیۆنێ پێشمه‌رگه‌نه‌ كو هێزا هه‌ره‌ كاریگه‌ر د شه‌رێ دژى تیرورێ دا و ئه‌ڤه‌ جهێ دلخۆشیا مه‌یه‌ و جه نه‌بوو لێ روینم و بێگومان هه‌ر كورده‌ك یێ پێ دل خۆشه‌ كو خه‌لكه‌ك گرنگیێ بده‌ته‌ ده‌ستكه‌فت و قاره‌مانیا ملله‌تێ وى. لێ ل دووماهیا رۆژا دى (NRT عه‌ره‌بیه‌) هه‌موو كه‌یف و خۆشیا مه‌ كره‌ كه‌رب و بێ ئومێدى ئه‌و ژى ب مانشێته‌كێ پشته‌ڤان بۆ دوژمنان و به‌رۆڤاژى پشته‌ڤانیا پێشمه‌رگه‌ی و پشته‌ڤانیا ئاسایشا نه‌ته‌وایه‌تى، چونكی پشته‌ڤانیه‌كا سۆر و سۆر ژ بۆ دوژمنان كریه‌ د بارودوخه‌كێ وه‌كو ئه‌ڤرۆ دا و د رۆژه‌كا هویا گرنگ دا كو زۆربه‌یا كه‌نالێن بیانى پشته‌ڤانیا پێشمه‌رگه‌ى دكر، لێ ڤى كه‌نالى هه‌ر وه‌كو یێ به‌رامبه‌رى مه‌ شه‌رى دكه‌ت و بوویه‌ تاكه‌ كه‌نالێ دژ بۆ مورالا پێشمه‌رگه‌ى ئه‌و ژى ب مانشێته‌كێ زۆر خراب هه‌ر وه‌كو دیار د وێنه‌ى دا ژێده‌ر: (NRT) ((مقتل 5 من عناصر البیشمركه‌ و اصابه‌ 7 اخرین بینهم نجل كوسرت رسول حصیله‌ الساعات الاولى من معركه‌ استعاده‌ نینوى)) هه‌كه‌ خوه‌ ئه‌بو به‌كر به‌غدادى بهێته‌ كوشتن داعش دیار ناكه‌ت، لێ هه‌كه‌ مه‌ كه‌نالێن وه‌كى (عه‌ره‌بیه‌) هه‌بن مه‌ پێویستى ب چ دوژمنان نینه‌، ب دیتنا من داخستنا كه‌ناله‌كێ هوسا ئه‌ركه‌كێ نشتیمانیه‌ ئه‌ڤه‌ نه‌ دژاتیه‌ ژبۆ ئازادیا رۆژنامه‌ڤانى، به‌لكو ل هه‌موو جیهانێ ده‌مێ ئاسایشا نه‌ته‌وه‌یى دكه‌ڤیته‌ به‌ر مه‌ترسیێ و هێرشێ د بارودوخه‌كێ نازك دا رێ ناهێته‌ دان چ كه‌نال یان چالاكى بهێنه‌ دان كو پشته‌ڤان بن بۆ دوژمنان و هند هه‌ستا نه‌ته‌وه‌یى یا بلنده‌ كو ژ هه‌موو به‌رژه‌وه‌ندا به‌رزتره‌، زۆر جاران ته‌ماشه‌ى ڤى كه‌نالى دكه‌م كه‌ناله‌كێ كوردیه‌، لێ ژبۆ عیراقێ و عه‌ره‌بان بوویه‌ (زمان حال).

website security