داعش ئه‌ڤ هێزا تاری په‌رێس و ژ كووراتیا تاریا دیرۆكه‌كا پری هۆڤانه‌تی و دوژمنا مرۆڤایه‌تی و هه‌ر سینه‌هیه‌كا دبته سه‌ده‌مێ پێكڤه‌ژیان و هه‌ڤپه‌ژراندن و ئارامی و پر ڕه‌نگیا جڤاكی، هاتی ب هه‌موو هێز و شیانێن خوه هێرشی سه‌ر وه‌ڵاتێ مه كرن. ب مه‌ره‌ما دوباره‌كرنا ئه‌نفال و سه‌پاندنا كولتۆره‌كێ دووری سنج و ره‌وشتێ مه؛ نه‌خاسمه پشتی شیایی د نابه‌ینا ده‌مه‌كێ كێم دا رووبه‌ره‌كێ به‌رفرهه ژ ئاخا سووریێ و عێراقێ داگیر بكه‌ت و جاردانا ده‌وله‌تا خوه رابگه‌هینت و گه‌فێ ل سه‌ر داگیركرنا به‌غدا په‌یدا بكه‌ت!! وان هزر دكر و دبت ئاغایێن وان ژێرا گوتبت كو كوردستان یا بێ خودانه و مینا به‌رێ دێ ب ساناهی بته چاهێرا جدیدانا هه‌سپێن وان و ئاڵایێ ره‌شێ وان یێ وه‌كو دیرۆكا وان دوباره ل سه‌ر چیا و گر و ئۆلیێن كوردستانێ ئێته هلدان!! ژبیرا وان چوویه ده‌م هاتیه گوهۆرین و نوكه ئه‌م خودان حوكمه‌ت و له‌شكره‌كێ پێش مرنێ ڤه دبه‌زیتن(پێشمه‌رگه) دا كوردستانێ ژ هۆڤێن مینا وان بپارێزت و هه‌ر بمینت مێرگا ژیان و پێكڤه‌ژیانێ بۆ ته‌ڤ مرۆڤان، یا ژ گشتێ گرنگتر ئێكه‌تیا مه یا نه‌ته‌وه‌یه و ل سه‌ر هیمێن ڤێ ئێكه‌تیێ گوریا به‌رخوه‌دانێ ل ته‌ڤ به‌رۆكێن شه‌ری گه‌شبوو نه‌خاسمه ل كۆبانێ مینا كه‌ڤرێن خۆرستی پێشمه‌رگه و شه‌رڤانان ده‌ستێن هه‌ڤگرتن و هیڤیێن ئه‌حمه‌دێ خانی و بارزانیێ مه‌زن گه‌شكرن و نڤێژێن به‌رخودانێ ل به‌ر بانگا پیرۆزا وان كرن و ئه‌نجام كونه مشك لێبوون قه‌یسه‌ری. كۆبانێ، شنگال، كه‌ركووك و. .. جه‌له‌ولا؛ جیهان ته‌ڤ به‌رامبه‌ری له‌هه‌نگی و به‌رخوه‌دانا هه‌وه ماتمایی مایه چونكو هوون ل جای گشت مرۆڤاتیێ شه‌رێ تیرۆرا ڤان تاری په‌رێس و هۆڤێن به‌رمایێن كولتۆرێ بیابانێ دكه‌ن. دبت ئه‌ڤ له‌هه‌نگی و به‌رخوه‌دانا ملله‌تێ كورد ل هه‌مبه‌ر داعش و ده‌سته‌خۆشكێن وێ جهێ سه‌رسامیێ بن چونكو ڤان تیرۆرستان بكریارێن خوه یێن هۆڤانه ترس و ساویره‌كا مه‌زن كریه دلێ هه‌ر كه‌سی لێ قه‌هره‌مانێن مه راڤا رۆڤیا پێدكه‌ن و ل سه‌ر شاشێن تیڤیان بوونه پێترانكێن گشت جیهانێ و ئه‌فسانا وان ل كوردستانا ژ كه‌ڤن دا بوویه گورستانا ته‌ڤ داگیركه‌ر و هێرشبه‌ران، شكاندن
به‌رخوه‌دان و ئه‌ڤ سه‌ركه‌ڤتنێن هان به‌رهه‌مێ ئێكرێزی و هه‌ڤگرتنا ناڤمالا كوردیه ژبه‌رهندێ دڤێت بلند بهێته راگرتن و پێشده ببن و تا ب گه‌هته رادێ مۆهركرنا په‌یمانا پیرۆز(العهد المقدس) و ببته خالا وه‌رچه‌رخانا خه‌باتا مه یا نه‌ته‌وی ل هه‌رچار پارچێن كوردستانا داگیركری.
ده‌م هاتیه و كاودان ژ هه‌ر ده‌مه‌كی پێتر دبه‌رهه‌ڤن بۆ مۆهركرنا ڤێ په‌یمانێ چ ل سه‌ر ئاستێ ناڤخوه‌یی، هه‌بوونا حكومه‌تا هه‌رێمێ و پێگه‌هێ سه‌رۆك بارزانی ل سه‌ر ئاستێ كوردستانێ و متمانا خه‌لك و هێزێن كوردستانی ب رۆلێ سه‌رۆك مه‌سعود بارزانی
دگێرت د نێزیككرنا ته‌ڤ لایه‌نێن كوردستانی ل سه‌ر پرسێن نه‌ته‌وی؛ چ ل سه‌ر ئاستێ ده‌رڤه كو داگیركه‌رێن كوردستانێ د ره‌وشه‌كا گه‌له‌ك خراب دا دبوورن، عێراق و سووریا د شه‌ره‌كێ تائیفی و ناڤخوه دا یێن به‌ره‌ف هلوه‌شان و ژهه‌ڤ قه‌تانێ دچن و توركیا و ئیران ژی یێن د شه‌رێ گلۆبالیزمێ دا نقووم بووین و ژ په‌له‌قاژا وان گوهۆرینێن مه‌زن تێنه چاڤه‌رێكرن.
ب ئه‌زموون هاتیه چه‌سپاندن ته‌ڤ سه‌ركه‌ڤتنێن مه به‌رهه‌مێ ئێكرێزیا مه بوونه و به‌ره‌ڤاژی ژی راسته ژ له‌و نالبه‌ندی گوتیه:
ژن و مێر ببن تفاق . .. . جهه‌ك نابت مقابل
وه‌ك راست نه‌بن بان و تاق. . دێ وان هه‌رێفن دوو تل
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
محه‌مه‌د چه‌لكي
ل شه‌رێ داعشێ ئه‌م بتنێنه
په‌یدابوونا داعشێ بڤێ له‌زگینیێ ل سه‌ر ده‌پێ شانۆیا سیاسی و ڤه‌گرتنا روبه‌ره‌كێ به‌رفرهه ژ ئاخا سوریا و عێراقێ ژ ڤاله‌هیێ نه‌هاتیه به‌لكو به‌رهه‌مێ كولتۆرێ ڤێ ده‌ڤه‌رێ یه ژبلی پشته‌ڤانیا چه‌ند وه‌ڵاتێن ده‌ڤه‌رێ(وه‌ك سعودیا، قه‌ته‌ر و ده‌وله‌تێن كه‌نداڤا عه‌ره‌بی و توركیا ژی ب ره‌نگه‌كێ نه راسته‌وخۆ) بۆ به‌رسینگ گرتنا باڵا ده‌ستبوونا ئیرانێ و كوروپه كرنا رۆلێ وێ ل ده‌ڤه‌رێ. ئه‌ڤ وه‌ڵاتێن پشته‌ڤانیا داعشێ كرین و هه‌تا نوكه ژی دبنڤه بنڤه كارئاسانیێ بۆ دكه‌ن و سه‌ره‌كانیا كۆمه‌ك و هاریكاریێ ژێ هشك ناكه‌ن، دڤیا سه‌ربۆر ژ وه‌لاتێن رۆژئاڤا و ب تایبه‌ت ئه‌مریكا گرتبان ده‌ما پشته‌ڤانی ل ئه‌لقاعیده و ده‌سته خۆشكێن وێ كری ل شه‌رێ ئه‌فغانستانێ دژی سۆڤیتا به‌رێ(25. 12. 1979 تا 15. 2. 1989) كرین و پشتی رێكخستنێ شوێن پێ خوه دیتین ل وان زڤرین و بورجێن نیویۆرك و میترۆیێن له‌نده‌ن و مه‌درید كرنه ئارمانج و هه‌تا نوكه شه‌ر یێ به‌رده‌وامه و نێزیكترین كریارێن تیرۆرا ڤێ رێكخستنێ هێرشا ل سه‌ر گوڤارا شارل هیبدۆ ل پاریسێ(7. 1. 2015) یه. داعش ژی یا ژ بن پاخلا ئه‌لقاعیده ده‌ركه‌فتی و هه‌لگرا بیرو باوه‌رێن وێ یه و به‌لكو ژ وێ زێده‌تر كریه و هه‌موو سنوورێن ره‌وشتی به‌زاندینه و بویه گه‌فه‌كا مجد ل سه‌ر ئاسایشا ناڤده‌وله‌تی و ب تایبه‌ت ل سه‌ر هه‌رێما كوردستانێ و ئه‌زموونا وێ. بۆ نه‌هێلانا مه‌ترسیا داعشێ ل رۆژا 22. 1. 2015ێ هه‌ڤپه‌یمانیا ناڤده‌وله‌تی ب سه‌رۆكاتیا ئه‌مریكا ل له‌نده‌ن كۆمبوونه‌ك ئه‌نجامدا و تێدا ل سه‌ر چه‌وانیا به‌رسینگ گرتن و لێدانا داعشێ گه‌نگه‌شه كرن. لێ یاسه‌یر ئه‌وه چ به‌رپرسێن هه‌رێما كوردستانێ نه‌هاتنه ڤه‌خاندن ل ده‌مه‌كی كو حكومه‌تا هه‌رێما كوردستانێ هێزا یه‌كه‌مینه ل سه‌ر عه‌ردی ل دژی داعشێ دجه‌نگت و گورزێن كوژه‌ك دادوه‌شینتێ و گه‌له‌ك ده‌ڤه‌ر ژ ده‌ستێن وێ رزگار كرنه و ل لایێ دن ئانكو به‌روكێن شه‌رێ دژی داعشێ ل عێراق و سوریا ره‌نگه سستیه‌ك هه‌یه و د ده‌زگه‌هێن راگه‌هاندنێ دا ئه‌ڤ سستیه ره‌پ و رووت خوه دده‌ت دیاركرن و وه‌كو پێدڤی هێرشی سه‌ر هشك باوه‌ریا وان ناهێته كرن و تنێ ده‌زگه‌هێن راگه‌هاندنا هه‌رێما كوردستانێ كریار و هزرا ڤێ رێكخستنا تیرۆری تێنه شه‌رمه‌زار كرن و ب ڤی ره‌نگی دیار دبت كو ب تنێ هه‌رێما كوردستانێ شه‌رێ داعش و تیرۆرێ دكه‌ت. نه‌ڤه‌خاندنا حكومه‌تا هه‌رێمێ بۆ ڤێ كۆمبوونێ ل ڤی ده‌می دا كو هێزێن پێشمه‌رگێن كوردستانێ راڤه رووڤیا ب چه‌كدارێن داعش دكه‌ت گه‌له‌ك پرسیار و گومانا ژ به‌ستنا ڤێ كۆمبوونێ په‌یدا دكه‌ت و هه‌موو رێككه‌فتن و ل هه‌ڤ هاتنێن به‌ری نوكه دگه‌ل حكومه‌تا هه‌رێما كوردستانێ هاتینه كرن ل سه‌ر پرسا لێدانا داعش و شه‌رێ تیرۆری ب گشتی. ل سه‌ر به‌ستنا ڤێ كۆمبوونێ و نه‌ڤه‌خاندنا حكومه‌تا هه‌رێما كوردستانێ وه‌كو لایه‌نێ سه‌ره‌كی د شه‌رێ داعشێ دا گازندا سه‌رۆكێ هه‌رێما كوردستانێ رێزدار مه‌سعود بارزانی گه‌له‌ك د جهێ خوه دایه و هێلانا هه‌رێما كوردستانێ بتنێ یه د مه‌یدانا شه‌رێ داعش و تیرۆرێ دا.
لابه‌ری 12.. .. .. .. .. . كۆمارا ل مهابادێ. . جه‌ژنا بوونا كوردان
مانشێت داخلی
هه‌ردو كۆمارێن ئازه‌ربێجان و كوردستان ل 16 10 1946 ل هه‌ڤهاتنه‌كا سه‌ربازی مۆركرن ژ هه‌شت به‌ندان پێكدهات
مه‌زلۆم دۆسكی
دامه‌زراندنا كۆمارا كوردستانێ د دیرۆكا گه‌لێ كورد جهه‌كێ تایبه‌ت هه‌یه ژ بۆ گه‌لێ كورد گه‌له‌ك بهایێن ماددی و مه‌عنه‌وی ئافراندن ژ به‌ر ڤێ ئێكێ دامه‌زراندنا كۆمارا كوردستانێ وه‌كو ژ دایكبوونا خوه دبینین و ب ڤی ره‌نگی ژی تێدگه‌هین وه‌كو جه‌ژنه‌كێ دبینین ل سه‌ر ڤی بنگه‌هی. كۆمارا دیمۆكراسیا كوردستانێ 2211946 ئێكێ (كۆمارا ئازه‌ربێجانێ) راگه‌هاندی پشتێ وێ د ده‌مه‌ك كورت ده و ل 22 11946 و ب به‌رهه‌ڤبوونا ژماره‌كا زۆرا جه‌ماوه‌ری ژ سه‌رۆك عه‌شیره‌تان و بازرگان و خه‌لكێ كاسبكار و جۆتیار و پاله و (كۆمارا ده‌مۆكراسیا كوردستانێ ) ل باژارێ مهاباد و ل مه‌یدانا چارچرا، ئه‌ڤ ئێكه ژی بوو قه‌باره‌كا سیاسی د دیرۆكا هه‌ڤچه‌رخا گه‌لێ كورد دا ده‌ركه‌ت هۆلێ پشتی كو ل 17 12 ئالایێ ئێرانێ ل سه‌ر داموده‌زگه‌هێن حوكمی ئانی خوارێ ل جهێ وی ئالایێ كوردستانێ بلندكر.
پشتی دامه‌زراندنا كۆمارا كوردستانێ و ل ده‌ستپێكا هه‌یڤا شواتێ كابینا حوكمه‌تا (كۆمارا ده‌مۆكراسیا كوردستانێ) هاته راگه‌هاندن پێكهاتا ب ڤی ره‌نگی بوو.
1- حاجی بابه شێخ سه‌رۆك وه‌زیر 2ـ سه‌یفی قازی جێگرێ سه‌رۆك وه‌زران وه‌زیری به‌رگری. 3ـ مه‌نافی كه‌ریمی جێگرێ سه‌رۆك وه‌زران وه‌زیرێ په‌روه‌ردێ و زانیاری 4 ـ محه‌مه‌د ئه‌مین موعینی وه‌زیرێ ناڤخوه 5ـ عه‌بدولره‌حمان ئیلخانی زاده وه‌زیرێ ده‌رڤه 6ـ محه‌مه‌دێ ئه‌یۆبیان وه‌زیرێ ساخله‌میێ 7ـ مه‌حموود وه‌لی زاده وه‌زیرێ چاندنێ 8ـ خه‌لیل خوسره‌وی وه‌زیرێ كار و فه‌رمان 9ـ ئه‌حمه‌دی ئیلاهی وه‌زیرێ ئابووری 10ـ مه‌لا حسینی مه‌جدی وه‌زیرێ دادێ 11ـ حاجی موسته‌فای داودی وه‌زیرێ داد 12ـ سه‌دیق حه‌یده‌ری وه‌زیری رابه‌ری 13ـ ئیسماعیل ئێلیخانی زاده وه‌زیرێ رێكوپران 14ـ كه‌ریم ئه‌حمدین وه‌زیرێ پۆسته‌و گه‌هاندن رۆزفلت به‌راورده‌كێ د ناڤبه‌را كۆمارا ئازه‌ربێجانێ و یا كوردستانێ دكه‌ت و دبێژیت ل ئازه‌ربێجانێ حوكمه‌تا ترسێ هاتبوو دامه‌زراندن، به‌لێ ل كوردستانێ تنێ ئێك حاله‌تێ كوشتنێ هه‌بوو و مرۆڤی دكاری ل جاده‌یێن مهاباد گوهداریا رادیۆیا ئه‌نقه‌ره‌و و له‌نده‌ن بكه‌ت د هه‌مان ده‌مدا سزایێ گوهداریا ڤان جۆره رادیۆیا جانێ مرۆڤان بوو. دانانا چاپخانه‌كێ ل مهابادێ و ئێك ل بۆكان ژ بۆ چاپكرنا رۆژنامه و كۆڤار و پرتووكێن كوردی ئه‌ڤه هه‌موو د وارێ ره‌وشه‌نبیری دا جهان وان خۆیایه. حوكمه‌تا ئیرانێ ل ته‌مووزا سالا 1946 ب فه‌رمی قازی مه‌حه‌مه‌د بۆ ته‌هرانێ دعوه‌ت داخوازكر ژ بۆ كو زندی دیالۆكێ ل سه‌ر ره‌وشا هه‌رێمێ بكه‌ن و رازی بكه‌ن ب وێ ئێكێ كو هه‌ڤكاریا خوه د گه‌ل رۆسیا راوه‌ستینیت و هاریكاریا ئازه‌ربێجانێ نه‌كه‌ن و هنده‌ك سۆزێن سه‌خته بده‌نێ. ل سه‌ر ڤێ ئێكێ ئێك ژ رۆژنامه‌یێن ئیرانی دنڤیسیت و بێژیت (ئوتومبێلا ژماره 28 د ناڤ ته‌هراندا د زڤری و ئالایه‌كێ بچووكێ كوردی ب سێ ره‌نگان كه‌سك و سپی و سۆر و د ناڤه‌راستێ دا رۆژه‌كێ ل سه‌ر نڤیسی یه ده‌وله‌تی جمهۆری كوردستان) هه‌ردو كۆمار ئازه‌ربێجان و كوردستان ل 16 10 1946 ل هه‌ڤهاتنه‌كا سه‌ربازی مۆركر ئه‌ڤه‌ژی به‌ندێن وێنه: 1 ـ دروستكرنا له‌شكره‌كێ ئازه‌ری كوردی كو جهێ وی ته‌برێز بیت 2ـ هنارتنا له‌شكرێ نیزامیێ ئازه‌ربێجانی بۆ ناڤا سه‌قز ل كوردستانێ و هنارتنا له‌شكرێ نه‌یێ نیزامی ئازه‌ربێجانی بۆ كوردستانێ یان بۆ ئازه‌ربێجانێ ئه‌گه‌ر پێدڤی به 3ـ دانانا جه‌نه‌رال عه‌زیمی ئازه‌ربێجانی بۆ سه‌رۆكێ گشتی ل ناڤا سه‌قز و سه‌رده‌شت ل كوردستانێ و (هۆلا ساسۆر هه‌وشار) ل ئازه‌ربێجانێ 4 ـ دانانا مه‌لا موسته‌فا بارزانی ب سه‌رۆكێ گشتی كوردی ئازه‌ری ل هه‌رێما سه‌قز 5 ـ ل هه‌رێما هه‌وشار ئازه‌ربێجانی دێ ل ژێر چاڤدێریا محه‌مه‌د سه‌یفی قازی دا بیت. 6 پێشه‌وا قازی محه‌مه‌د دێ سه‌رۆكێ هه‌رێ بلند بیت ل سه‌ر هێزێن كوردی ئازه‌ری به‌س شیره‌تكار ل گه‌ل جه‌نه‌رال عه‌زیمی دا 7ـ جه‌عفه‌ر پێشوه‌ری دێ سه‌رۆكێ هه‌ره بلند بیت ل ئازه‌ربێجانێ به‌س راوێژ ل گه‌ل مه‌لا موسته‌فا بارزانی و سه‌یفی قازی. 8 ـ هێزا كوردی هه‌ر هاریكاریه‌كا دن ڤیا ئازه‌ربێجان ده‌ست بۆ درێژكه‌ت.
ئه‌گه‌رێن بلندبوونا هه‌ستا نه‌ته‌وی رۆهنكرنه‌ك بۆ خاتوون هه‌یفا دۆسكی
(هه‌ستا نه‌ته‌وه‌یی ل ده‌ف گه‌نجان به‌رز بوویه) ئه‌ڤه ناڤێ نڤیسه‌كا خاتوون هه‌یفا دۆسكی یه د رۆژناڤا ئه‌ڤرۆ هژمار 1570 دا به‌ڵاڤ بوویه كو خاتوونێ وه‌ك راپرسی د گه‌ل سێ كه‌سان ئه‌نجامدایه و دیدێن وان (گه‌نجان) بۆ مه ڤه‌گوهاستی یه. به‌ری دیدێن خوه ل سه‌ر ڤێ نڤیسێ دهرههی بكه‌م، دخوازم بێژم بۆ زانینا دیدا هه‌ر ته‌خه‌كا جڤاكی ل سه‌ر هه‌ر روودانه‌كا ژ نشكاڤه روو بده‌ت فه‌ره مرۆڤ ل سه‌ر ئه‌گه‌رێن بووینه پالده‌رێن ڤان روودانان هنه‌كی راوه‌ستت چونكو پێنه‌ڤێت چ روودان ژ ڤاڵه‌تیێ په‌یدا نابن، پشتی دیاركرنا وان سه‌ده‌مان بۆ خانده‌ڤانان و جهێن شوله‌ژێ شنوو مرۆڤ به‌رێ خوه دده‌ت مژارێ و ئه‌ڤجا چ ب ئازرینت یان ژی داناساندنا دیدا ته‌خه‌كا تایبه‌ت بۆ جڤاكێ ل سه‌ر مژارا هلبژارتی. ئه‌ڤ ره‌نگ راپرسی و ئازراندنه د رۆژنامه‌گه‌ریێ دا پر دگرنگن دبن سه‌ده‌مێن هشیاركرنا وه‌ڵاتیان و ده‌ستهه‌ڵاتێ دا ب مجدی ل چاره‌سه‌ركرنا وان پرسگرێكان راوه‌ستن و هه‌لویستی نیشان بده‌ن و یا دن په‌یدا كرنا خانده‌ڤانایه بۆ رۆژنامێ.
دبت مه‌ره‌ما خاتوون هه‌یفا دۆسكی هه‌ر ئه‌ڤه بت ئانكو زانیانا دیدا ته‌خه‌كا جڤاكا مه ئه‌و ژی گه‌نجن ل سه‌ر مژارا هه‌ستا نه‌ته‌ویی لێ خاتوونێ نه‌كاریه نیشانا خوه بهنگێڤت و روو ب رووی چه‌ند شاشیان بوویه؛ ل سه‌ر شاشیێن زمانی و رێنڤێسی راناوه‌ستم چونكو ئه‌گه‌ر رێزب رێز ل سه‌ر ب راوه‌ستم گوتار دێ درێژ بت و ئه‌ڤه پتر گونه‌ها راستڤه‌كه‌رێ زمانی و سه‌رپه‌رشتێ به‌رپه‌ریه. لێ شاشیێن دن ئه‌ز دێ بزاڤێ كه‌م ل گور دیدا خوه دهرههی كه‌م، مژارا هه‌ستا نه‌ته‌ویی بۆ ملله‌ته‌كێ هێشتا ژ قۆناعا رزگاریا نه‌ته‌ویی ده‌رباز نه‌بووی و نه‌بوویه خودان ده‌وله‌ته‌كا سه‌ربخۆ، مژارا هه‌ری گه‌رمه هه‌یفا دبێژت: (دقوناغا نوكه یا كوردستان تێدا دبوریت گه‌نج به‌ره‌ڤ ئاوایه‌كێ دی برینه و ره‌وشا وان به‌ره‌ڤ ژینگه‌هه‌كا دیڤه چوویه له‌ورا گه‌نج دبێژن ئێدی ئه‌م پتر بوینه كه‌سێن نه‌توه‌یی و ژنوی هه‌ست ب كوردینی و نه‌ته‌ویێ خو دكه‌ین، چالاڤانێن دبیاڤێ گه‌نجان ئاماژه كرن كو دانا شه‌هید و برینداران دا پتر هه‌ستا نه‌ته‌وه‌یی ل ده‌ڤ گه‌نجان به‌ره‌ڤ ئاسته‌كێ بلند چویه و دیسا بو ئه‌گه‌رێ هندێ كو هه‌ر كه‌سه‌ك بێژیت ئه‌ز پێشمه‌رگه‌مه)، ئه‌ڤ پرته ده‌ستپێكا نڤیسێ یه وه‌ك من ل ژوور گۆتی كو ئه‌ڤ نڤیسه یا پره ژ شاشیێن زمانی و رێنڤێسی ژبلی هه‌ڤۆك چ رامانێ ناگه‌هینت. .. گه‌نج به‌ره‌ڤ ئاوایه‌كێ دی برینه و ره‌وشا وان به‌ره‌ڤ ژینگه‌هه‌كا دیڤه چوویه. .. گه‌نج دبێژن ئێدی ئه‌م بوینه كه‌سێن نه‌ته‌وه‌یی.. . ، یێ ڤان هه‌ڤۆكان بخوینت دێ هه‌ست كه‌ت كو گه‌نجێن كوردستانێ د سه‌ربه‌ردایی و مژوولی ژیارێ نه و چ پرسگرێكێن جڤاكی و كولتۆری و سیاسی و دامه‌زراندن و هه‌ڤژینی پێك
ئینان و بێكاری.. . نین و ئه‌ڤێ ره‌وشا كو هه‌یفایێ هه‌ر به‌حس نه‌كریه و ژێ دهات خاستن ل سه‌ر راوه‌ستا بایه و پرسگرێك و ره‌هه‌ندێن كێشێن روو ب روو گه‌نجان دبن دیار كربانه. خاتوون ئاسایی یه ده‌ما گه‌فه‌كا دژوار ل سه‌ر هه‌بوون و ناسناما مرۆڤی په‌یدا ببن پتر هه‌ستا خوه‌پارستن و به‌ره‌ڤانیكرنێ وه‌ك كارڤه‌دان په‌یدا دبن نه‌ك بۆ ته‌خه‌كێ بتنێ به‌لكو ل جه‌م ته‌ڤ تاكێن وه‌ڵاتی و كه‌سێن د ناڤ وه‌ڵاتی دا دژین په‌یدا دبت. یا ژ هه‌میێ حنێرتر و جهێ سه‌رنجدانێ یه مژار ل سه‌ر گه‌نجێن كورده لێ وێنێ گه‌نجێن سیما ئه‌ورۆپی و دێمگرنژی ل به‌رپه‌ری به‌ڵاڤكریه! كو دهات خاستن وێنێن گه‌نجێن كورد ب جلكێن پێشمه‌رگه‌ی ل به‌رۆكێن شه‌رێ به‌ره‌ڤانیكرنێ هاتبان به‌ڵاڤكرن. یامای بێژم خاتوون هه‌یفا دشیا ڤێ مژارێ زێده‌تر بزۆخینت و دیدێن گه‌له‌ك گه‌نجان ل سه‌ر ره‌وشا ئیرۆینا كوردستانێ و گه‌فێن روو برووی وه‌ڵاتیێن كوردستانێ دبن، ژ هێرشێن داعشێ و پرسا مۆچه‌ی و دامه‌زراندن و بلندبوونا بهایێ هه‌رتشی و هه‌تا دگه‌هت پرسێن كولتۆری و هزری و پر ره‌نگیا پێكهاته‌یا جڤاكێ كوردستانێ ل سه‌ر پاشه‌رۆژا هه‌رێما كوردستانێ؛ لێ بۆچی خاتوونێ ئه‌ڤه نه‌كریه، ئه‌ز نزانم ئه‌رێ هوون دزانن؟
میر و 4 شه‌می تیڤی و راوه‌ستانه‌ك
داگیرگه‌رێن كوردستانێ سیاسه‌ته‌كا گه‌له‌ك به‌رچاڤ و چه‌په‌ڵ ل دژی نه‌ته‌وا كورد په‌یاده كریه، ئه‌و ژی سیاسه‌تا ژێڤه‌كه و ب سه‌ركه‌ڤه و به‌رده‌وام ل سه‌ر ڤێ سیاسه‌تێ كاركریه، مخابن هه‌تا راده‌كی ب سه‌ركه‌ڤتنه و ب تایبه‌ت ل سه‌ر پێكهاته‌یا هه‌ری ره‌سه‌نا كورد ئه‌و ژی ئێزدینه (كوردێن ره‌سه‌ن پێناسا سه‌رۆك مه‌سعوود بارزانی یه بۆ برایێن مه یێن ئێزدی) ژ خوه ئه‌م ل سه‌ر برایێن شه‌به‌ك و عه‌له‌وی و فه‌یلیان به‌حس ناكه‌ین، چونكو باندۆرا ڤێ سیاسه‌تا چه‌په‌ل دیاره. ل سه‌ر ب عه‌ره‌ب بوون یان
كورد بوونا هه‌ر پێكهاته‌كا ئولی ژ نه‌ته‌وا كورد دڤێت ئه‌و پێكهات ب خوه بریارێ بده‌ت و خوه ل سه‌ر ڤێ چه‌ندێ ئێكلا بكه‌ت و ب ڤێ ئێكلا بوونێ دێ بارێ بزاڤا رزگاریخازا كوردستانی سڤك بت، ئه‌م وه‌ك كورد نكارین ل جای برایێن ئێزدی بێژین هوون كوردن چونكو زمانێ ئولێ هه‌وه كوردیه! ئه‌گه‌ر زمانێ ئولی ناسنامێ بده‌ت باوه‌ردارێن خوه دڤێت هنگی بوسلمان ته‌ڤ ببن عه‌ره‌ب چونكو ئولێ ئیسلامێ ب زمانێ عه‌ره‌بی یه و بۆ ئولێن دن ژی هه‌روه‌سا بۆ ئه‌ز ڤێ مژارێ نوكه د ئازرینم و باش دزانم نه ده‌مێ هندێ یه لێ هنده‌ك روودان باندۆرا خوه ل سه‌ر هه‌ست و وژدانا مرۆڤی دهێلن و به‌لكو كۆته‌كیێ ژی دكه‌ن كو مرۆڤ نه‌چار بت وێ مژارێ بئازرینت! چونكو كوردستان و حوكمه‌تا هه‌رێما كوردستانێ د ره‌وشه‌كا وسا دایه دلێ مرۆڤی پێ دسۆژت، ژ ئالیكی ڤه كێشێن مه د گه‌ل حوكمه‌تا ناڤه‌ند (پرسا ماددێ 140 و موچه و نه‌فتێ) ژ ئالیێ دن ڤه هێرشا داعش بۆ سه‌ر هه‌رێما كوردستانێ ب پشته‌ڤانیا ده‌وله‌تێن چاركنارێن هه‌رێمێ بۆ ته‌مراندنا چرایێ حوكمه‌تا هه‌رێما كوردستانێ و سه‌ربۆرا وێ د چارسه‌ركه‌رنا كێشێن جڤاكی و ئولی و ئه‌تنی و په‌یاده‌كرنا سیسته‌مێ بازارێ ئازاد و هتد و ب ڤێ سیاسه‌تا حه‌كیمانه یا سه‌ركرداتیا كوردستانێ په‌یاده‌كری و ب تایبه‌ت رێزدار مه‌سعود بارزانی كو تم ته‌كه‌زیێ ل ڤێ سیاسه‌تێ دكه‌ت، كوردستان بوویه مێرگه‌كا ئارام د ناڤ ده‌ریایه‌كا شه‌رێ تایفی و كوشتنا ل سه‌ر ناسنامێ بوویه دیارده دا. ئانكو حكومه‌تا هه‌رێمێ چ كێمانی و جوداهی نه‌ئێخستیه ناڤ پێكهاته‌یێن ل كوردستانێ دژین و ب یه‌كسانی ل ته‌ڤان مه‌یزاندیه و ب تایبه‌ت برایێن مه یێن ئێزدی و كو ب كوردێن ره‌سه‌ن تێنه په‌سناندن و ب ڤی چاڤی لێ تێته مه‌یزاندن و خودان پێگه‌هه‌كێ گه‌له‌ك ب رێزن د ناڤ جڤاكا كوردستانێ دا، لێ پشتی داعشێ هێرشی سه‌ر كوردستانێ كری(3. 8. 2014) و كاره‌ساتا شنگالێ و ده‌ڤه‌رێن دن روودای، ده‌نگویا ئێزدی نه‌كوردن گه‌له‌ك بلندبوو و تا گه‌هشتیه بلندترین ئاست ده‌ما میر ته‌حسین به‌گ كو میرێ ته‌ڤ ئێزدیانه ل جیهانێ د كه‌نالێ ئه‌ل عه‌ره‌بیه دا گۆتی: ئه‌م نه كوردن! راسته ل ڤێ گوتنا خوه پووشمان بوو لێ پشتی كه‌نگی و ئه‌ڤه نه‌جارا ئێكێ یه ژ بلندتیرین ئاستێ ڤێ پێكهاته‌یێ ئه‌ڤ ده‌نگویه بلند بت و به‌رده‌وامه و یێ بڤێت بلا ل 4 شه‌می تیڤی مێزه بكه‌ت كانێ چاوا ئه‌ڤ پێكهاته ده‌ربرینێ ژ خوه دكه‌ت و چه‌وان هێرشێ دكه‌ته سه‌ر سه‌ركرداتیا كوردستانێ و ئاڵایێ عێراقێ ل سه‌ر مێزا پێشكێش كه‌ران داله‌قاندیه و كارێ ڤێ تیڤیێ تنێ هێرش كرنه سه‌ر حكومه‌تا هه‌رێمێ و داخازا ئاڤاكرنا ئێزدخانێ دكه‌ن و دخازن ڤێ هه‌رێمێ ژ كوردستانێ ڤه‌قه‌تینن!! ده‌م هاتیه ئه‌م روو ب روو ل سه‌ر ڤێ كێشێ راوه‌ستین و ئه‌ڤ پرسه بهێته ئێكلا كرن چونكو نه‌به‌ر عاقله ئه‌م گه‌نجێن خوه ل به‌رۆكێن شه‌رێ تیرۆستێن داعش ب ده‌ینه شه‌هیدكرن و كوردستان ڤێ له‌هیا ئاواران ب ڤه‌حه‌وینت ل سه‌ر كیستێ كوردستانیان و گه‌له‌ك ژ ڤێ پێكهاتێ پێشمه‌رگه‌هێن به‌ره‌ڤانێن روومه‌تا كوردستانیان مینا هێزه‌كا داگیركه‌ر لێ بمه‌یزینن!! ده‌مێ پاساوان بووریه و میر و 4 شه‌می تیڤی ژ ڤاله‌هیێ خه‌به‌ر ناده‌ن.
ئازادیا هزرێ د بن گه‌فێ دایه
ب ئه‌زموون هاتیه چه‌سپاندن كو ئازادیا هزرێ ملحه‌ما هه‌موو ئاریش و گرفتێن روو ب رووی جڤاكێ دبن و بارمته‌یا هێوركرن و چاره‌سه‌ریا وانه. لێ ئاوایێ سه‌ره‌ده‌ریكرنا ئازادیا هزرێ ل وه‌لاتێن رۆژهه‌ڵاتا ناڤین و نوكه ل كوردستانێ ژی سه‌رگێژی و گرفتا هه‌ری رۆژانه‌یه روو ب رووی نڤیسه‌ر و كه‌سێن د ڤی بیاڤی دا كاردكه‌ن، دبت. سه‌ده‌م گه‌له‌كن، لێ سه‌ره‌كانیا گشتان ئوله و خرارێ ئولان یێ مشته ژ لیسته‌كا درێژا پیرۆزی و تابۆیان(مقه‌ده‌سان) ئانكو ئول ژ ئارمانجێن پاك كرنا ده‌روون و ب ئه‌ڤین كرنا كارێن قه‌نج و رێزگرتنا هه‌ڤ ل جه‌م مرۆڤان، هاتیه دووركرن و مینا متایه‌كێ خوه‌ش فرۆش ئه‌ڤرۆ د بازارێن وه‌لاتێن رۆژهه‌ڵاتا ناڤین دا كرین و قرۆتن پێ دئێته‌كرن؛ ئه‌نجام گه‌رمبوونا شه‌رێ تائیفی و ناڤخوه و سنگه‌پێبوونا ڤێ ده‌ڤه‌رێ ژ كاروانێ پێشكه‌فتن و ئارامیێ. ئول ئانكو پیرۆزی و تابۆ و ژ هێلا باوه‌رمه‌ندێن خوه ده‌ردكه‌ڤت و هه‌ر كه‌سێ نه ب سه‌ر ڤی ئۆلی ڤه ژی نابت ب چ ئاوایان خوه ل سكرێ پیرۆزیێن وان بده‌ت. پیرۆزی و تابۆ سنگه‌پێكرنا هزرێ یه و چه‌ند لیستا پیرۆزی و تابۆیان درێژتر بت، مه‌ودایێ هزركرن و كاركرن د بیاڤێ هزرێ دا به‌رته‌نگتر لێ دهێت. ئیسلام وه‌ك ئول پری پیرۆزی و تابۆیه لێ ئه‌ڤه وێ ناگه‌هینت و مه‌رجه هه‌ر كه‌س په‌یره‌ویا وی بكه‌ت، نه‌خاسمه ئه‌ڤرۆ پشتی مرۆڤاتیێ قۆناغێن گرنگ بڕین و ئازادیا تاكه كه‌سی و پێشلنه‌كرنا مافێن مرۆڤی ب گونه‌ها هه‌ری مه‌زن دئێت هه‌ژمارتن. پیرۆزیێن ته یێن ته‌نه و لێ ته مافێ هندێ نینه د پیرۆزیێن خوه را من گونه‌هبار بكه‌ی، ئه‌ڤا نها ل كوردستانێ و جیهانا ئیسلامی دئێته په‌یره‌و كرن، بزاڤه‌كه بۆ لعاڤ كرن و ده‌ڤ بێنانا مرۆڤانه و ڤه‌گه‌راندنه بۆچه‌رخێن تاری یێن دیرۆكێ و حه‌لالكرنا كوشتنا مرۆڤیه ل سه‌ر هندێ كو وه‌كو وان هزر ناكه‌ت. خوه نه‌رازیكرنا ئێكه‌تیا زانایێن ئیسلامی ل كوردستانێ ل سه‌ر نڤیسه‌ر حه‌مه سه‌عید حه‌سه‌نی بزاڤه‌كه بۆ ب عێراق و سووریا و ئه‌فغانستانكرنا كوردستانێ یه و ئه‌ڤه ب چ ره‌نگان نه‌جهێ په‌ژراندنێ یه! ئه‌گه‌ر ئێكه‌تیا زانایێن ئیسلامێ به‌رامبه‌ری نڤیسه‌كا كورتا حه‌مه سه‌عیدی نه‌ره‌حه‌ت ببن و ب برینداركرنا هه‌ستێن وان ئێن ئۆلی بزانن، پا ئه‌گه‌ر مرۆڤ ل سه‌ر هنده‌ك باوه‌رێن ئولی دانوستاندنێ بكه‌ت و گومانێ بخێته سه‌ر هنده‌ك ئایه‌تێن ناسخ و مه‌نسوخ و رێزكرنا سوره‌ت و ئایه‌تێت قورئانێ و هنده‌ك پێرابوونێن خه‌لیفێن راشدی وه‌كو روودانا بن كه‌پرا سه‌قیف و كوشتنا ئیمام ئوسمان و شه‌رێ عه‌لیێ كورێ ئه‌بو تالبی و عایشایێ، دێ چ قه‌ومت؟ هه‌رچه‌نده ئه‌ز نه دگه‌ل ئاوایێ ده‌ربرینا حه‌مه سه‌عیدی مه و نه‌خاسمه ئه‌ڤرۆ كو كوردستان یا د قۆنه‌غكا هه‌ستیار دا دبوورت و ئیسلاما سیاسی شه‌ره‌كێ بێ یه‌مان ل سه‌ر كوردستانێ سه‌پاندیه(داعش و هه‌ڤالبه‌ندێن وێ وده‌مارگیرێن عه‌ره‌بێن شۆڤینی كو پرانیا وان سه‌ر ب ره‌وتێ ئیسلاماب ئه‌زموون هاتیه چه‌سپاندن كو ئازادیا هزرێ ملحه‌ما هه‌موو ئاریش و گرفتێن روو ب رووی جڤاكێ دبن و بارمته‌یا هێوركرن و چاره‌سه‌ریا وانه. لێ ئاوایێ سه‌ره‌ده‌ریكرنا ئازادیا هزرێ ل وه‌لاتێن رۆژهه‌ڵاتا ناڤین و نوكه ل كوردستانێ ژی سه‌رگێژی و گرفتا هه‌ری رۆژانه‌یه روو ب رووی نڤیسه‌ر و كه‌سێن د ڤی بیاڤی دا كاردكه‌ن، دبت. سه‌ده‌م گه‌له‌كن، لێ سه‌ره‌كانیا گشتان ئوله و خرارێ ئولان یێ مشته ژ لیسته‌كا درێژا پیرۆزی و تابۆیان(مقه‌ده‌سان) ئانكو ئول ژ ئارمانجێن پاك كرنا ده‌روون و ب ئه‌ڤین كرنا كارێن قه‌نج و رێزگرتنا هه‌ڤ ل جه‌م مرۆڤان، هاتیه دووركرن و مینا متایه‌كێ خوه‌ش فرۆش ئه‌ڤرۆ د بازارێن وه‌لاتێن رۆژهه‌ڵاتا ناڤین دا كرین و قرۆتن پێ دئێته‌كرن؛ ئه‌نجام گه‌رمبوونا شه‌رێ تائیفی و ناڤخوه و سنگه‌پێبوونا ڤێ ده‌ڤه‌رێ ژ كاروانێ پێشكه‌فتن و ئارامیێ. ئول ئانكو پیرۆزی و تابۆ و ژ هێلا باوه‌رمه‌ندێن خوه ده‌ردكه‌ڤت و هه‌ر كه‌سێ نه ب سه‌ر ڤی ئولی ڤه ژی نابت ب چ ئاوایان خوه ل سكرێ پیرۆزیێن وان بده‌ت. پیرۆزی و تابۆ سنگه‌پێكرنا هزرێ یه و چه‌ند لیستا پیرۆزی و تابۆیان درێژتر بت، مه‌ودایێ هزركرن و كاركرن د بیاڤێ هزرێ دا به‌رته‌نگتر لێ دهێت. ئیسلام وه‌ك ئول پری پیرۆزی و تابۆیه لێ ئه‌ڤه وێ ناگه‌هینت و مه‌رجه هه‌ر كه‌س په‌یره‌ویا وی بكه‌ت، نه‌خاسمه ئه‌ڤرۆ پشتی مرۆڤاتیێ قۆناغێن گرنگ بڕین و ئازادیا تاكه كه‌سی و پێشلنه‌كرنا مافێن مرۆڤی ب گونه‌ها هه‌ری مه‌زن دئێت هه‌ژمارتن. پیرۆزیێن ته یێن ته‌نه و لێ ته مافێ هندێ نینه د پیرۆزیێن خوه را من گونه‌هبار بكه‌ی، ئه‌ڤا نها ل كوردستانێ و جیهانا ئیسلامی دئێته په‌یره‌و كرن، بزاڤه‌كه بۆ لعاڤ كرن و ده‌ڤ بێنانا مرۆڤانه و ڤه‌گه‌راندنه بۆچه‌رخێن تاری یێن دیرۆكێ و حه‌لال كرنا كوشتنا مرۆڤیه ل سه‌ر هندێ كو وه‌كو وان هزر ناكه‌ت. خوه نه‌رازیكرنا ئێكه‌تیا زانایێن ئیسلامی ل كوردستانێ ل سه‌ر نڤیسه‌ر حه‌مه سه‌عید حه‌سه‌نی بزاڤه‌كه بۆ ب عێراق و سوریا و ئه‌فغانستان كرنا كوردستانێ یه و ئه‌ڤه ب چ ره‌نگان نه‌جهێ په‌ژراندنێ یه! ئه‌گه‌ر ئێكه‌تیا زانایێن ئیسلامێ به‌رامبه‌ری نڤیسه‌كا كورتا حه‌مه سه‌عیدی نه‌ره‌حه‌ت ببن و ب برینداركرنا هه‌ستێن وان ئێن ئولی بزانن، پا ئه‌گه‌ر مرۆڤ ل سه‌ر هنده‌ك باوه‌رێن ئولی دانوستاندنێ بكه‌ت و گومانێ بخێته سه‌ر هنده‌ك ئایه‌تێن ناسخ و مه‌نسوخ و رێزكرنا سوره‌ت و ئایه‌تێت قورئانێ و هنده‌ك پێرابوونێن خه‌لیفێن راشدی وه‌كو روودانا بن كه‌پرا سه‌قیف و كوشتنا ئیمام ئوسمان و شه‌رێ عه‌لیێ كورێ ئه‌بو تالبی و عایشایێ، دێ چ قه‌ومت؟ هه‌رچه‌نده ئه‌ز نه دگه‌ل ئاوایێ ده‌ربرینا حه‌مه سه‌عیدی مه و نه‌خاسمه ئه‌ڤرۆ كو كوردستان یا د قۆنه‌غكا هه‌ستیار دا دبوورت و ئیسلاما سیاسی شه‌ره‌كێ بێ یه‌مان ل سه‌ر كوردستانێ سه‌پاندیه(داعش و هه‌ڤالبه‌ندێن وێ وده‌مارگیرێن عه‌ره‌بێن شۆڤینی كو پرانیا وان سه‌ر ب ره‌وتێ ئیسلاما
سیاسینه) و ئه‌م ژ هه‌ر قۆنه‌عه‌كێ پتر ئه‌م پێدڤی ئێكرێزیا نه‌ته‌وینه و نابینم ده‌مێ هه‌لشكافتنا پرسێن هزری و ئولی بت. بۆ حه‌مه‌ی وه‌ك نڤیسه‌ر ئه‌ڤه ده‌مه‌كێ درێژه یێ بێ ده‌نگه و خرشاتی پێڤه دیاره و دیاره دخاست ده‌نگی ژ خوه بینت و بێژیته مه ئه‌زێ هێشتا یێ مایم، هه‌روه‌سا ئێكه‌تیا زانایان ژی ئه‌گه‌ر چاڤدێریا فه‌یسبووكێ بكه‌ت كانێ چ ل ور روو دده‌ت؛ باوه‌ر ناكه‌م بشێت كاره‌كی بكه‌ت ژبلی بلندكرنا سكاڵایان و ئاماده بوون ل به‌ر ده‌رگه‌هێ دادگه‌هان. پێگیر نه‌بوون ب یاریا دیمۆكراتی و هه‌ڤپه‌ژراندنا حكومه‌تا هه‌رێما كوردستانێ په‌یاده كری ئازادیا هزرێ دكه‌ڤت بن گه‌فا لغاڤكرن و بێنانێ دا. ل ڤێره رۆلێ حكومه‌تێ دیار دبت كو گوه نه‌ده‌ته نڤیسه‌رێن خرشبووین و بێكار و ده‌زگه‌ه و ئێكه‌تیێن بێكار یێن به‌رامیه‌ری لێهمشتا پێشڤه‌چوون و داهێنانێن هزری حێبه‌تی ماین و ئه‌ڤجا ژ كه‌ربێن خوه دا هێرشی هزرمه‌ندێن ئازاد و تابۆ نه‌ناس یێن ئه‌ڤرۆ جیهان به‌رهه‌مێ شه‌ڤنخۆنیێن وان دخۆت. پیرۆزی و تابۆ رێگرێن پێشڤه‌چوون و پێكڤه‌ژیانێ نه و یێن بخازن كوردستانێ بكه‌ن ئه‌فعانستان و سوریا و عێراق و. .. تاد هه‌وارا مه ژی حكومه‌تا هه‌رێمێ یه كو رێكێ لڤان نیاز نه‌پاكان بگرت و به‌رده‌وامیێ بده‌ت ڤێ سیاسه‌تا هه‌تا نوكه په‌یاده دكه‌ت و كوردستان هه‌ر بمینت مێرگا پێكڤه‌ژیان و ته‌ڤ ئول و مه‌زهه‌بان ل ڤێ رۆژهه‌ڵاتا كو ئێكه‌تیا زانایێن ئیسلامێ و نڤیسه‌رێن خرش دخوازن ڤێ ره‌وشێ ل مه تێك بده‌ن.
هوون بخازن یان نه‌خازن شنگال كوردستانه
بزاڤا رزگاریخازا كوردی د گه‌له‌ك ئاسته‌نگ، نشیڤی، كه‌تن و سه‌ركه‌فتنان دا ده‌رباز بوویه و هه‌تا گه‌هشتیه رۆژا ئه‌ڤرۆ و د ڤان قۆناغان دا مه نه‌بهیستی یه هه‌ما جاره‌كێ ژی سه‌ركرداتیا كوردی داگێری ژ مافێن خوه یێن نه‌ته‌وی كربت ئه‌ڤجا پرس ب گه‌هت داگێری ژ پارچه‌كا كوردستانێ ئه‌ڤه نه‌بوویه و روو نه‌دایه و باشترین نموونه هه‌لویستێ سه‌رۆك بارزانیێ نه‌مره ل ده‌ما شوره‌شا ئه‌یلوولێ ب كۆمپلۆیه‌كا ناڤده‌وله‌تی هلنگفتی (1. 3. 1975) پرسا كه‌ركووكێ ژێ هاته كرن و داخاز ژێكرن كو وی نیڤ ئوتۆنۆمی یێ حكومه‌تا عێراقێ یا وی ده‌می پێشكێش كری بێی كه‌ركووكێ قه‌بوول بكه‌ت؛ به‌رسڤا سه‌رۆكێ نه‌مر ئه‌ڤه‌بوو: كه‌ركووك دلێ كوردستانێ یه و ئاماده نینم داگێریێ ژ بهۆسته‌كا ئاخا كوردستانێ بكه‌م. ئانكو د ته‌نگترین ده‌لیڤه دا ب چ ره‌نگا سه‌ركرداتیا كوردی داگێری ژ بهۆسته‌كا ئاخا كوردستانێ نه‌كریه و هه‌ر كه‌سه‌ك یان رێكخستنه‌كا بكه‌ت هزار و ئێك گومانا ل سه‌ر خوه په‌یدا دكه‌ت و بخازن یان نه‌خازن دكه‌ڤنه به‌ره‌یێ دژی مافێن كوردان و خزمه‌تا پیلانێن دابرینا ئاخا كوردستانێ و سیاسه‌تێن ئاسمیله‌كرنا كوردان دكه‌ن.
راسته بزاڤا رزگاریخازا كوردی نه یا ئێكگرتی و په‌رت و به‌لاڤه، ئه‌ڤه‌ژی سه‌ده‌ما پارڤه بوونا كوردستانێ یه ل سه‌ر چار ده‌وله‌تێن ژ هه‌ڤ جودا ل گوری رێكه‌فتنا سایكس-پیكۆ(16. 5. 1916)، ڤه‌رێژا ڤێ ژ هه‌ڤ قه‌تانێ دید و نه‌خشه‌رێ یێن جودا ب خوه را ئیناینه و بزاڤا هه‌ر پارچه‌كێ ل گوری تایبه‌تمه‌ند هه‌ل و مه‌رجێن خوه كه‌فتینه قادا خه‌باتێ و هه‌رده‌م پشته‌ڤانیا هه‌ڤ كریه بێی ده‌ست تێوه‌ردانا كار و خه‌باتێن هه‌ڤ. ئه‌ڤرۆ پشتی ڤێ قۆناغا دووم درێژ ژ خه‌بات و به‌رخوه‌دانێ و ئازادبوونا باشوورێ كوردستانێ و بزاڤێن حكومه‌تا هه‌رێما كوردستانێ بۆ رێكخستانا ناڤمالا كوردی و رۆلێ به‌رچاڤێ سه‌رۆكێ هه‌رێما كوردستانێ گراڤی مه‌سعود بارزانی د ڤی بیاڤی دا و ب ده‌ستڤه ئینانا دانپێدانا ناڤده‌وله‌تی ب حكومه‌تا هه‌رێما كوردستانێ و ب ره‌واتیا مافێن نه‌ته‌وا كورد ل هه‌رچار پارچێن كوردستانا داگیركری ب ره‌نگه‌ك وه‌سان كو بوویه لێڤه‌گه‌رێ(مه‌رجه‌عیه‌تا) پرسا كوردی ل سه‌ر ئاستێ سیاسه‌تا جیهانی. ب ڤێ سیاسه‌تا حه‌كیمانه‌یا سه‌رۆكێ هه‌رێمێ پێگه‌هێ كوردان ل رۆژهه‌ڵاتا ناڤین پشتی ئیسرائیلێ دهێت و ئه‌ڤرۆ چاڤێن جیهانێ هه‌موو ل كوردستانێ یه بۆ شكاندنا تیرۆرێ و نه‌خاسمه پشتی پێشمه‌رگه‌هێن پارێزڤانێن روومه‌تا كوردان شیان گورزێن پشت شكێن ل داعش و هه‌ڤال به‌ندێن وێ بده‌ن و پترین ئاخا كوردستانێ ژ ده‌ستێن وانێن چه‌په‌ل رزگار بكه‌ن و ها ئه‌ڤرۆ ها سوبه شنگال و ده‌ڤه‌رێن ماین رزگار بكه‌ن و ڤه‌گه‌ریننه ناڤ همبێزا كوردستانا دایك. د ڤی ده‌می دا كو نه‌خشێ سایسكس-پیكۆی یێ به‌ره‌ف هه‌لوه‌شیانێ دچت و پرسا ده‌وله‌تا كوردی مانشێتا ته‌ڤ رۆژنامه و میدیایێن جیهانێ یه و پشته‌ڤاینه‌كا مه‌زن په‌یدا كریه، دوو سیاسه‌تمه‌دارێن كورد جه‌میل بایك و سه‌لاحه‌دین ده‌میرتاش بانگا داگێریێ و دووباره پارڤه‌كرنا كوردستانێ دكه‌ن. هه‌لبه‌ت ئه‌گه‌ر ئه‌ڤ بانگخازیا وان ژ داگیركه‌رێن كوردستانێ هاتبایه مه ده‌نگێ خوه نه‌دكر و هه‌ر ئه‌ڤه ژ وان دهێت چاڤه‌رێ كرن. لێ داخازا ب كانتون كرنا كوردستانێ و ب تایبه‌ت شنگالێ د ڤی ده‌می دا خزمه‌تا دوزا كوردستانێ ناكه‌ت و ب داگێری دهێته هه‌ژمارتن و بزاڤێن ب جیهانی كرنا پرسا كوردی و بتایبه‌ت پرسا شنگالێ روو ب رووی هنده‌ك ئاریشێن جدی دبت؛ ژبلی كو ب ده‌ست تێوه‌ردانا ناڤ كار و بارێن حكومه‌تا هه‌رێما كوردستانێ دهێت هه‌ژمارتن و زێده‌گاڤیه ل سه‌ر دیرۆكا كوردستانی بوونا شنگال و ده‌ڤه‌رێن ئه‌و دخازن ب كانتۆن بكه‌ن. ئه‌ڤه ده‌مه‌كێ درێژه ئه‌ڤ هه‌ردوو (به‌رێزه) هنده‌ك واژه‌یێن مژاوی بكار دئینن و ژبلی وانا كه‌سه‌ك دن تێناگه‌هت وه‌ك: خوه‌سه‌ریا دیمۆكراتیك و كانتۆن و تا دوماهیێ و پرسا كوردستانی و ده‌وله‌تا كوردی ب هه‌موو شیانێن خوه ڤه دژاتیا وێ دكه‌ن، لێ بزاڤا رزگاریخازا كوردی بێی خوه‌سته‌كا وان دێ كاروانێ ده‌وله‌ت بوونێ هاژووت، ئه‌و بخازن یان نه‌خازن ملله‌تێ كورد كانتۆن و خوه‌سه‌ریا(خوه‌لیسه‌ریا) دیمۆكراتیك وه‌ك هه‌ر پرۆژه‌كێ دژی ئارمانجێن خوه دهه‌ژمێرت و چاره‌نڤیسا وان دێ د زبلدانا دیرۆكێ دا نخێڤن و شنگال هه‌ر دێ مینت كوردستانی و ب هیممه‌تا پێشمه‌رگێن كوردستانێ دێ ڤه‌گه‌ریته همبێزا كوردستانێ.
پیرۆزیا ئاڵای تابۆ و هێلا سۆره
ل رۆژا 2014. 12. 17 مه ل هه‌رێما كوردستانێ و هه‌ر جهێ كورد لێ دئاكنجی رۆژا ئاڵایێ كوردستانێ پیرۆز كر، لێ ژبه‌ر سه‌ده‌ما ڤی شه‌رێ داعش و كه‌ڤنه‌په‌رێسیا عه‌ره‌بی و ده‌ڤه‌رێ ب سه‌ر هه‌رێما كوردستانێ دا سه‌پاندی وه‌ك هه‌ژی مه ئه‌ڤ رۆژا هندا پیرۆز ب شاهی و دیلان و ب بزاڤێن كولتۆری و هونه‌ری نه‌خه‌ملاند. خوه‌ش به‌ختانه ب سایا خه‌بات و له‌هه‌نگی یا پێشمه‌رگێن قه‌هره‌مانێن كوردستانێ برینا شنگالێ د جه‌سته‌یا كوردستانێ دا هێلای، ئه‌ڤرۆ ئه‌و برین هاته سارێژ كرن و ئاڵا گه‌شا كوردستانێ ل سه‌رێ چیایێ شنگال و سنونێ و زوممار و ده‌ڤه‌رێن ماین هاته هلدان و گورزه‌كێ ب ژان وه‌شانده نه‌خشێن وان هۆڤا كێشای؛ ب ڤێ هه‌لكه‌فتا پیرۆز ئه‌ز به‌ژنا خوه ل همبه‌ر وان قه‌هره‌مان و بریندار و شه‌هیدان دچه‌مینم. د هاته خاستن من ئه‌ڤ ستوونه ب ڤێ هه‌لكه‌فتا دیرۆكی نڤیسیبایه، لێ چونكو د رۆژا ئاڵایی دا هنده‌ك بێرێزی ل ئاڵایێ مه هاتنه كرن و من ب فه‌ر دیت ئه‌ز وه‌ك تاكه‌كێ كوردستانی ل سه‌ر ب ده‌نگ بهێم و هاوار و به‌نگینا خوه ببه‌مه به‌رده‌ستێ جهێن شوله‌ژێ و بۆ ژ نوهه و وێڤه سنووره‌ك بۆ هه‌ر بێرێزیه‌كا ب ڤی ره‌نگی بهێت دانان و سزایێن توند ژ وان كه‌س و لایه‌نێن پیرۆزیێن مه ئه‌ته‌ك دكه‌ن، ب سه‌ر دا بسه‌پینن دا ببنه په‌ند و كه‌سه‌ك وێ جورعه‌تێ نه‌كه‌ت ده‌ستی بۆ پیرۆزیێن مه ببه‌ت.
وه‌ك دهێت زانین ئاڵا سمبۆل و هێما هه‌ر نه‌ته‌وه‌یه‌كێ یه ب ره‌نگه‌ك وه‌سا كو دیرۆك و كه‌ساتیا نه‌ته‌وه‌یی تێدا به‌رجه‌سته دبت؛ ئاڵایێ مه‌ژی به‌رجه‌سته‌یا دیرۆك و كه‌ساتیا تاكێ كوردستانی دكه‌ت، و هه‌ر بێریزیه‌ك لێ بهێته كرن، بێریزی ل ته‌ڤ تاكێن كوردستانێ دهێته‌كرن، چونكو ئاڵا ل جه‌م هه‌ر نه‌ته‌وه‌یه‌كێ پیرۆز و تابۆ و هێلا سۆره. بۆ پاراستنا ڤی ئاڵای مه هه‌ر تشت گوری كریه دابمینت بلند و پێلدار و دڤێت نه‌هێت ژبیركرن ئه‌ڤ ئاڵایه ئێمانه‌تا یه‌كه‌م سه‌رۆك كۆمارێ كوردستانێ یه قازی محه‌مه‌دێ شه‌هید راده‌ستی بابێ روحی یێ نه‌ته‌وا كورد بارزانیێ نه‌مر كری و ئه‌ڤرۆ ئه‌و ئاڵا ل سه‌ر سه‌كۆیا په‌رله‌مانێ كوردستانێ پێلان دده و قه‌بخازیێ ژ دیرۆك و ئایینده‌یی دخازت. د ڤێ رۆژێ دا و ل ده‌ما هلدانا وی دا ل كه‌ركووكا دل و قودسا كوردستانێ كۆمه‌كا نه‌حه‌ز و كین ل دلێن شۆڤه‌نیستێن عه‌ره‌ب و به‌رماكێن كولتۆرا بیابانێ بێرێزی ل ئاڵایێ مه كرن و هه‌روه‌سا ل دهوكێ ژی ئه‌ڤ بێرزیه هاته كرن هه‌رچه‌نده هه‌ردوو روودان بێ سزا ده‌رباز نه‌بوون. لێ پرسیاره‌كا بنگه‌هین ئازراند كو من چه‌ندین جاران ئه‌ڤ پرسه ئانیه زمان و دانایه به‌رده‌ستێن جهێن شوله‌ژێ ئه‌و ژی: ئه‌ڤ ئاوارێن عه‌ره‌ب یێن ژبه‌ر ره‌وشا سیاسی و شه‌رێ تایفی روو دكه‌نه هه‌رێما كوردستانێ، دهێت خاستن وان د كه‌مپێن تایبه‌ت دا ئاكنجی بكه‌ن و ب چ ره‌نگان و بێی ده‌ستووریا ده‌زگه‌هێن ئاسیش و پارستانێ نه‌هێن ناڤ باژێرێن كوردستانێ، وه‌كو ته‌ڤیا وه‌لاتێن جیهانێ په‌یره‌و دكه‌ن. ژبه‌ر گه‌له‌ك ئه‌گه‌ران یێن ژ گشتان گرنگتر ره‌وشا ئاسیش و ساخله‌میه. ل با هه‌ر كه‌سی خوه‌یایه كو عه‌ره‌بێن سوونه دوژمنێن سه‌ر هشكێن دوزا كوردینه و ده‌ستێ گه‌له‌ك ژ ڤانا د كوشتارگه‌ه و ئه‌نفالان دا هه‌بوون و ئه‌ڤرۆ ژی خوه‌ش هشارن بۆ داعش و گرۆپێن توندره‌وێن ئیسلامی. هه‌ر ئه‌و بوون ژی یێن ل كه‌ركووك و دهوكێ بێرێزی ل ئالایێ مه كرین و به‌ری هینگێ ژی ئاڵایێ ره‌شێ داعشێ ل ئه‌ڤرۆ ستی هلداین، ئانكو ڤان شۆڤینستێن عه‌ره‌ب چ باوه‌ری ب ماف و رێزگرتن ل پیرۆزیێن مه نین. ژبه‌رهندێ ژ جهێن شوله‌ژێ تێته خاستن هه‌ر زوو سنووره‌كی بۆ ڤان بێرێزیا بهێته گرتن و ته‌ڤ ئاواره‌یان د كه‌مپان دا بهێنه ئاكنجی كرن و ب هووری ڤه‌كۆلین ل گه‌ل بهێته كرن و رێزگرتنا پیرۆزیێن مه ل سه‌ر بهێته سه‌پاندن و هه‌رده‌ما سه‌رپێچی كرن، بۆ ده‌رڤه‌ی سنوورێن هه‌رێما كوردستانێ بهێنه ره‌وانه‌كرن.
عه‌مار كۆڤی هلنگاڤتنه‌كا ب مفا
من ژ گه‌له‌ك كه‌سێن بسپۆر و زانا یێن كورد بهیستی یه دبێژن: ئه‌م نه‌ته‌وه‌یه‌ك داهێنه‌ر كۆژین! نه‌ته‌وه‌یه‌كێ داهێنه‌ر كو ژ دێ چاوا شێت
جهێ خوه د ناڤ كۆمه‌كا نه‌حه‌ز و دوژمنان دا و پێ هاتیه دۆرپێچ كرن، كه‌تن! ئه‌ڤه گازنده‌ك مێژینه‌یه و به‌ری هه‌ر كه‌سی هناڤسۆتیێ كوردینیێ و هلگرێ خه‌تیرا ده‌وله‌تا كوردی ئه‌حمه‌دێ خانی د كتێبا پیرۆزا كورداتیێ مه‌موزینا بها گران دا ئینایه زمان. لێ ب مخابنیڤه مه به‌رده‌وامی دایه ڤێ كێمانیێ و شۆری نسكۆیه‌كێ ل په‌ی نسكۆیه‌مێ بوینه و ناڤدار و فلیڤانێن(داهێنه‌ر، خودانشیان) مه د ناڤ كوچوك سه‌رایێن بیانیان دا كه‌لهێن ئه‌فراندنێ ئاڤا كرنه و شاكارێن وان ب ناڤێ ملله‌تێن خوه نڤیسینه و نموونێن هه‌ری نێزیك ئه‌حمه‌د شه‌وقی ل مسرێ و یه‌شار كه‌مال ل توركیا و جه‌میل سدڤی زه‌هاوی ل عێراقێ و گه‌له‌كێن دن و هه‌یا ئه‌ڤرۆ ژی ئه‌ڤ كێمانیه به‌رده‌وامه. ئه‌گه‌ر بۆ نڤشێن به‌ری مه هنه‌كی ره‌واتی تێدا هه‌بت، پشتی 1991ێ و هێرڤه نه‌خاسمه ئه‌ڤرۆ مه حوكمه‌ته‌ك هه‌یه و د سه‌ر هه‌موو گه‌فێن ده‌ور و به‌ران دا كاریه پێگه‌هێ خوه بپارێزت و ته‌وژمه‌ك و بیاڤه‌كێ به‌رفرهه بۆ زانا و فلیڤانێن كوردستانێ به‌رده‌ست كریه و دكارن د بیاڤێن بسپۆریا خوه دا داهێنانێ بكه‌ن. مرۆڤ دكارت بێ دوو دلی بێژت حكومه‌تا هه‌رێما كوردستانێ پاساوا دبێژت: نه‌بوونا ده‌رفه‌ت و پشته‌ڤانیێ ل كوردستانێ سه‌ده‌مێ به‌رزه‌بوونا فلیڤان و زانایێن كورده، نه‌هێلایه و سالانه فلیڤان و زانانیێن كوردستانی دهێنه خه‌لاتكرن و به‌لكو گه‌له‌ك جاران خه‌لات ل سه‌ر هن كه‌سان هاتنه به‌خشین بوویه جهێ دل ئێیشانا گه‌له‌ك كوردپه‌روه‌ر و خه‌مخۆرێن پێشڤه‌چوونا كوردستانێ، لێ دیسا مه‌رداتیه‌ك بێ وێنه د ڤی بیاڤی دا پێشكێش كریه و دكه‌ت. ژ به‌ر ڤێ خه‌مخۆریێ پێشكه‌فتنه‌ك به‌رچاڤ د هه‌ر بیاڤیه‌كی دا پێشدا چوویه و نه‌خاسمه د بیاڤێ كولتۆری دا و ئه‌ڤرۆ ل كوردستانێ چه‌ندین ده‌زگه‌ه و وه‌قفێن كولتۆری بۆ پێشڤه‌چوون و پێشدا برنا كولتۆرێ كوردستانی بێ راوه‌ستان كار دكه‌ن. د سه‌ر هندێ را دێ بینی هنه‌ك خه‌مساری په‌یدا دبن و دبنه سه‌ده‌مێن چه‌پدا چوونا هنه‌ك فلیكار و زانیان و جاره‌ك دن دبن شالوول لێ نه دكوچكا كوردستانێ دا. چاره چیه؟ پسیاره‌كا روو ب روو شاره‌زا و حكومه‌تێ دبت كو خوه‌دی ل ڤان فلیڤان و زانیان ده‌ر ب كه‌ڤت، چونكو د جیهانا ئه‌ڤرۆ دا(گلۆبالیزمێ دا) شیان دهێن كڕین و ده‌رفه‌ت ژ ده‌رڤه‌ی سنووران ژی بۆ هه‌ر كه‌سێ دڤه‌كرینه و گوتنا مه‌زنا ئه‌وا دبێژت: كاركه‌رێ خوه به خوه‌شتڤیێ خه‌لكی به! ژ هه‌ر ده‌مه‌كی پێتر سیمایێ گلۆبالیزمی ب خوه‌ڤه دگرت و شیان بوونه بهاترین متا و كڕین و فرۆتن پێ دهێته كرن.
ل په‌ی نه‌گه‌رهانا فلیڤان و خوه‌دی شیانان، به‌رده‌وام ئه‌م ڤان كه‌سان ژ ده‌ست دده‌ین و ئه‌گه‌ر شیانێن ڤان جامێران د پێخه‌مه‌تا پێشكه‌فتنا كولتۆر و پێشده برنا كوردستانێ دا بهێنه خه‌بتاندن، ئه‌ز باوه‌ر دكه‌م د ده‌مه‌ك كن دا هونه‌ر و كولتۆرا كوردستانی دێ سیامه‌یكی جیهانگیری ب خوه‌ڤه بینت و تایبه‌تمه‌ندیا كوردستانی دێ بته خوه‌دی سیمایه‌كی خوسه‌ر و برێز دێ لێ هێته مه‌یزاندن، هه‌روه‌كو جیهان ته‌ڤ ب چاڤه‌كێ رێزگرتنی ل كولتۆرێ ئه‌مریكا لاتین مێزه دكه‌ن. لێ ب مخابنیڤه ته‌نگ سستیه‌ك د ڤی بیاڤی هێشتا هه‌یه و نموونا هه‌ری به‌رچاڤ هونه‌رمه‌ند عه‌مار كۆڤی یه(كۆفی) كو مخابن چ موزیكڤان و هونه‌ر دۆستێن مه ئه‌ڤ به‌هرا هۆ پایه بلند ڤه‌نه‌دیتن و تا ل جهه‌ك نامۆ فلییاتی و شیانێن خوه بۆ ئاشقێن هونه‌ری دان نیشاندان. لۆمه‌ی عه‌ماری ناهێت كرن كو پشكداری عه‌ره‌ب ئایدل(ئیدۆل) ببت و ب هلنگاڤتن ناهێت هه‌ژمارتن، چونكو ئه‌و پرۆگرام بۆ ڤه‌دیتنا خوه‌دی فلی و به‌هره‌یێن گه‌نجێن عه‌ره‌بی ئاخێڤانه و ب چ پیڤه‌ران گه‌نجه‌كێ كورد نابته ئایدلێ عه‌ره‌بان و بلا دلێ عه‌مارێ مه نه‌مینت چونكو ئه‌ڤ هلنگاڤتنا وی مفایه‌ك دا هونه‌رێ كوردی، یا ئێكێ: ئه‌و ڤه‌گه‌راندنه پرێز و همبێزا هونه‌رێ كوردی.
یا دووێ: هۆشداریه‌ك دا جهێن شوله‌ژێ كو خوه‌دی ل فلیڤان و زانیێن كوردستانی ده‌ربكه‌ڤن.
داخازه‌ك ژ حوكمه‌تێ
ب راستی گه‌له‌ك ب زه‌حمه‌ته د ڤی كاودانێ حوكمه‌تا هه‌رێما كوردستانێ تێدا دبوورت، مرۆڤ ره‌خنێ ل كاروبارێن وێ بگرت، یان ژی هنه‌ك داخوازێن زێده‌تر نێزیكی داخوازێن كه‌سۆكی دبن؛ بكه‌ت. چنكو كارێن فه‌ر و فه‌رتر ئه‌ڤرۆ د رۆژه‌ڤا حوكمه‌تێ دا هه‌نه. ئه‌م ته‌ڤ دزانین سنوورێن هه‌رێما كوردستانێ ب ته‌ڤنه‌كێ تێكهه‌لكێشێ دوژمنان یێ چه‌مبه‌ركریه و ل سه‌ر وان دوژمناتیا د ناڤبه‌را وان دا لێ ل سه‌ر پرسا گه‌لێ كوردستانێ ته‌ڤ ئێك ده‌ستن و نه‌خشه و پلانیێن وان د به‌رهه‌ڤن بۆ ته‌مراندنا ڤی چرایێ ئه‌ڤرۆ ل باشوورێ كوردستانێ ب خوین و خه‌باته‌كا مێژینه‌یا بێ راوه‌ستان هه‌لبووی. نه‌خاسمه حوكمه‌تا هه‌رێمێ رێكه‌ك جودا ژ سیته‌مێ ئه‌ڤ ده‌وله‌ته په‌یاده دكه‌ن، گرتیه، ئه‌و ژی په‌یاده‌كرنا سیسته‌مێ فره پارتایه‌تی و هه‌ڤ په‌ژراندنا جڤاكی و تێدا مافێن تاكی دپارزتی وسه‌رباری بازارێ ئازاد. به‌رهه‌مێ ڤێ سیاسه‌تا راست ئه‌ڤرۆ كوردستان ل په‌ی ئیسرائیلی ل رۆژهه‌لاتا ناڤین بوویه مێرگا پێكڤه‌ژیانا ته‌ڤ ئول و نه‌ته‌وه‌یان.
هه‌ر ژبه‌ر ڤێ چاڤ پێ نه‌رابوونێ و سه‌رنه‌گرتنا ڤێ ئه‌زموونێ داعش و ته‌ڤ سه‌له‌فی كشی هه‌رێما كوردستانێ كرن، هه‌وجه‌ی چ فه‌لسه‌فاندێ ناكه‌ت و هه‌روه‌سا مرۆڤ چ فلیان ناكه‌ت، هه‌كه بێژت، داعش دروستكری یا ده‌ولتێن كوردستان داگیركری و هه‌روه‌سا ده‌وله‌تێن كه‌ڤنپارێزێن ده‌ڤه‌رێ یه. ژ له‌و پاراستنا ڤی چرایی(حوكمه‌تا هه‌رێما كوردستانێ) د ڤی ده‌می دا ئه‌ركه‌كێ نه‌ته‌وی و مرۆڤی یه و ل سه‌ر مه‌ته‌ڤان ئه‌ركه ئه‌م ته‌ڤ خوه‌سته‌ك و ره‌خنه‌یێن خوه پاش بێخین. گه‌له‌ك ملله‌ت وه‌كه مه د كاودانێن ولو دا ده‌رباز بوونه و ته‌ڤ شیانێن خوه بۆ پاراستنا نه‌ته‌وا خوه دانه خه‌بتاندن. مێزه بكه‌ن ژ لایه‌كی داعش و هه‌ڤالبه‌ندێن وێ و ژ لایه‌كێ دن ناكۆكیێن مه ل گه‌ل حوكمه‌تا ناڤه‌ندی و پرسا ماددێ 140 و پرسا بودجێ و نانبرینا خه‌لكێ هه‌رێمێ و كرێ و مزێ كۆمپانیێن پێترۆلێ و. . تاد كو ئه‌ڤه ته‌ڤ بارێ حكومه‌تێ گران دكه‌ن. ژبه‌ر ڤان ئه‌گه‌ران مرۆڤ دكارت ئه‌گه‌ر هنه‌ك كێم و كاسی په‌یدا ببن تێبگه‌هت وه‌ك مه گوتی حكومه‌ت مژوولی ڤه‌دیتنا چاره‌یانه و ب تایبه‌ت د بیاڤێ پارستنا هه‌رێمێ دا ژڤێ هێرشا هۆڤێن ژ ناڤ په‌راسووێن چه‌رخێن تاری هاتین و هه‌موو كینا خوه دارێتی ئه‌زموونا كوردستانێ. ژ ڤێ مژوولیێ و كریزا ئابووری كو ئه‌و ژی حكومه‌تا هه‌رێمێ ده‌ست تێدا نینه به‌لكو به‌رهه‌مێ گڤاشتنێن حوكمه‌تا ناڤه‌نده ل سه‌ر هه‌رێمێ دا ڤه‌گێریێ ژ هنه‌ك ئارمانجێن خوه یێن نه‌ته‌وی بكه‌ت، وه‌ك پراسا رێفراندۆم و سه‌ربه‌خۆیا ئابووری؛ لێ هنه‌ك كه‌سێن كه‌یس په‌رێس و تابوورێ پێنجێ كه‌یسا خوه دبینن و بێ وژدانانه ب كه‌یف و گێولێ خوه ده‌هباری گڤاشتنان ل خه‌لكێ كوردستانێ دكه‌ن و بهایێ ئاهێن خارنێ و كنج و جوانكاری و كریێن خانیان بلند كرنه كو ئێدی د شیانێن وه‌لاتیان دا نینه بكارن ب ئاسووده‌یی بژین، نه‌خاسمه ئه‌ڤه زڤستان هات و رۆژانه بهایێ هه‌رتشی یێ بلند دبت. چاوا ده‌وله‌تێن ده‌وروبه‌ر كوردستان چه‌مبه‌ر كرنه و ته‌ڤ پێكۆلا هندێ دكه‌ن ڤی چرای ب ته‌مرینن وه‌سا كه‌سیێن كه‌یس په‌رێس به‌ربوونه گیانێ وه‌لاتیان و ئه‌م نه‌چارن هاوارا خوه بگه‌هینین حوكمه‌تا خوه یا گراڤی كانێ چاوا چ كێمانیێ د پاراستنا سنوورێن هه‌رێمێ دا ل هه‌مبه‌ر داگیركه‌ر و نه‌حه‌زان ناكه‌ت، وه‌سا مه ژی ژ بازرگانان و بلندبوونا بهایێ هه‌ر تشتی بپارێزت. سنووره‌كی بۆ هه‌ر بهایه‌كی بدانت و پۆلیسێن نه‌په‌نی ل ناڤ بازاری به‌لاڤه‌كه‌ت و هه‌ر كه‌سێ پێگیریێ نه‌كه‌ت، راپێچی دادگه‌هێ بكه‌ت، چنكو ب راست د ڤێ كریزا ئابووری دا ئێدی د شیانێن پرانیا وه‌لاتیان دا نینه ژینه‌كا ته‌نا بۆ مالباتێن خوه دابین بكه‌ن و ئه‌ڤه ژی دێ رێكێ خوه‌ش كه‌ن بۆ تێكدانا ته‌ڤنێ جڤاكی و هه‌روه‌سا ب ساناهی ئاسایشا ناڤخوه دێ ده‌رز كه‌ڤنێ و ئه‌زموونا هه‌رێمێ دێ كه‌ڤته به‌ر دلۆڤانیا بازڤیركێن وێرانكار.
نووچه‌یه‌كا مژده به‌خش
ئه‌ڤه ئیسلاما سیاسی ل ده‌ڤه‌رێ په‌یدا بووی(ل كوردستانێ ده‌ستپێكا سالێن 1980 و ل ده‌ڤه‌رێ پشتی سه‌ركه‌فاتا شۆره‌شا ئیرانێ 1979ێ) ته‌ناهی ل ده‌ڤه‌رێ بوویه خه‌ونه‌كا دوور ده‌راز و كار ل سه‌ر تێكدانا پێكڤه‌ژیان و هه‌ڤ په‌ژراندن د ناڤبه‌را پێكهاته‌یێن جڤاكی دا كریه و پیرۆزیێن ئۆلی و مه‌زهه‌بی یێن نه سه‌ر ب ڤێ ره‌وتێ ڤه ئه‌تك كرنه ب تایبه‌ت یێن برایێن كریستیان و ئێزدی. راسته ئه‌ڤ ره‌وته(ئیسلاماسیاسی) هێشتا ل كوردستانێ نه‌بوویه خوه‌دی هێزه‌كا بالاده‌ست و ئه‌ڤا ل مسرێ و وه‌لاتێن دنێن ده‌ڤه‌رێ دكه‌ن، نه‌كارینه ل كوردستانێ ئه‌نجام بده‌ن، ئه‌و ژی نه‌كو ئه‌ڤ ره‌وته یێ خوه‌دی ئایدولۆجیه‌ك و جیهانبینیه‌كا جودایه؛ نه‌خێر به‌لكو جڤاكا كوردستانێ خوه‌دی كولتۆره‌كێ هه‌ڤ په‌ژراندن و مرۆڤ دوسته، یا دن مه چ كێشه د گه‌ل نه‌ته‌وه و ئولێن دن نینه و كێشا مه كێشه‌ك نه‌ته‌وه‌ی یه و پارتێن سیاسی ل كوردستانێ ته‌ڤ د كوردستانینه و ل سه‌ر پرسا هه‌ڤ په‌ژراندن و پێكڤه‌ژیانێ كاردكه‌ن و ب تایبه‌ن پارتی دیمۆكراتی كوردستان كو ئه‌ڤه پتره ژ 60سالان خه‌بات ل سه‌ر ڤی ته‌وه‌ری كریه و كادرێن پێشكه‌فتی و خودان بریار ژ نه‌ته‌وه و ئولێن دن د ناڤ رێزێن وێ دا گه‌هه‌شتنه پلێن هه‌ری بلند و گه‌له‌ك ژ وان د پێخه‌مه‌تا ڤێ سیاسه‌تا راست دا شه‌هید بوونه یێن وه‌كه شه‌هیدێ سه‌ركرده هورمز مه‌لك چكۆ و مه‌حموود ئێزدی و چه‌ندین شه‌هیدێن دن و ب ڤێ سیاسه‌تا پێكڤه‌ژیان و هه‌ڤ په‌ژرنادنێ ئه‌ڤرۆ كوردستان بوویه مێرگه‌كا ئارام بۆ ته‌ڤ ئتن و پێكهاته‌یێن عیراقێ و ب تایبه‌ت بۆ عه‌ره‌بێن سوننه كو ئه‌و نه ل وێ باوه‌رێ بوون ئه‌و بكارن بێی سه‌رگێژی ل كوردستانێ ئاكنجی ببن. چونكو ئه‌و هه‌تا كه‌فتنا رژێما سه‌ددامێ دراكۆلا(9. 04. 2003) به‌رپرسێن ته‌ڤ كاره‌ساتێن ب سه‌ر گه‌لێ كوردستانێ دا هاتینه و ب تایبه‌ت ئه‌نفال و ب عه‌ره‌بكرنا كوردستانێ. لێ ده‌ما شه‌رێ ناڤخوه په‌یدابووی، ب ترسڤه به‌رێ خوه‌دانه كوردستانێ و چاڤه‌رێی تولڤه‌كرنێ بوون، كو كورد تولا سیاسه‌تا شۆڤینیا وان بكه‌ن و ژیانێ لێ بكه‌ن هزره‌ت!! لێ به‌رۆڤاژی ب سینگه‌ك فره‌ه هاتنه پێشوازی كرن. هه‌رچه‌نده تولڤه‌كرن شرینه وه‌كی ئه‌لمان دبێژن، لێ د كولتۆرێ كوردان دا تول ژ كه‌سێن لێ قه‌ومی ناهێت ستاندن و به‌لكو هاریكاریێ پێشكه‌ش دكه‌ن. به‌لێ ل جه‌م ملله‌تێن دن ئه‌ڤه به‌رچاڤ ناكه‌ڤت و هه‌رده‌ما بیڤا خوه دیتن، ده‌ستێ تولهلدانێ دوه‌شینن هه‌روه‌كو سۆگمان ته‌لهلیانێ ئه‌رمه‌نی ل به‌رلینێ 1921ێَ بیڤا خوه دیتی و ته‌لعه‌ت پاشایێ ده‌ست د كوشتارگه‌ها ئه‌رمه‌نیان دا هه‌ی كوشتی و ماینه ب دوڤ وان كه‌سان ڤه یێن ده‌ست د كوشتارگه‌هێن ئه‌رمانیاندا هه‌ین؛ هه‌روه‌سا گه‌لێ ئیسرائیلی ژی سیاسه‌تا تولهلدانێ ل دژی نازیان په‌یاده كریه لێ مه كوردان!! مه كوردستان كریه چاهێرا ئه‌نفالچیان و عه‌ره‌بێن شۆڤینی و ئیسلامیێن هزر داعش!! مه ل ژوور گوتیه كو تولهلدانێ جهێ خوه د كولتۆرێ كوردی دا نه‌گرتیه لێ وه‌كو دبێژن: جام تژی بوو دێ ژێ رشت و ب كاره‌ساتا شنگالێ جامێ بێهنفرهه‌یی یا كوردستانیان پر بوویه و بپه‌قینا هه‌ولێرێ(19،11،2014) دڤێت ب سه‌ردا بچت و ئه‌مژی ل هنده‌ك چاره‌یان بگه‌رهین كو ئێدی كوردستان نه‌بت چاهێرا بكوژێن گه‌لێ كوردستانێ. خوه‌ش به‌ختانه پێر عسه‌ت ره‌جه‌ب به‌رپرسێ لقا چارده یێ پارتی دیمۆكراتی كوردستان بۆ مالپه‌رێ خه‌ندان راگه‌هاند: كو ل ڤان دووماهیان دا چه‌ند یه‌كه‌یێن چه‌كدار هاتنه دروستكرن بۆ كوشتنا وان كه‌سان یێن بازرگانیێ ب كه‌چێن كوردێن ئێزدی دكه‌ن. ئه‌ڤه نوچه‌یه‌كا مژده به‌خشه كو كوردستانی ژی مینا گه‌لێن جیهانێ ده‌ست ب تولهلدانێ بكه‌ن ل دژی وان كه‌سێن ده‌ست د كوشتارگه‌هێن گه‌لێ كوردستانێ دا هه‌ین، بكه‌ت. لێ دیسا نابت ب چ ره‌نگان تولهلدان جهێ كولتۆێ پیكڤه‌ژیان و هه‌ڤپه‌ژراندنێ بگرت.
نيشاندان
WP Facebook Auto Publish Powered By : XYZScripts.com