ئه‌ڤرۆ:
هه‌لكه‌فتا ژ دایكبوونا پێغه‌مبه‌رێ ئیسلامێ “محه‌مه‌د” سلاڤێن خودێ ل سه‌ر بن ب چه‌ندین چالاكیێن جودا یێن جه‌ماوه‌ری، ل سه‌رانسه‌ری پارێزگه‌ها دهۆكێ هاته ساخكرن.
ئه‌ڤرو روژا دووشه‌مبی ٢٠٢١/١٠/١٨ ل ژێر چاڤدێریا د. عه‌لی ته‌ته‌ر، پارێزگارێ دهوكێ و ب ئاماده‌بوونا ماجد سه‌ید سالح، نوونه‌رێ پارێزگارێ دهۆكێ و محه‌مه‌د خالد محه‌مه‌د، رێڤه‌به‌رێ گشتی یێ ئه‌وقاف و كاروبارێن ئایینی ل پارێزگه‌ها دهۆكێ و جێگرێ میرێ ئێزدیان، و نوونه‌رێ لقێ ئێكێ پارتی دیموكراتی كوردستان و ده‌ڤه‌ردارێ دهۆكێ و ریهــسپی و ماقیلێن ده‌ڤه‌رێ و هه‌ژماره‌كا مامۆستایێن ئایینی دوهی 18/10/2021 د رێوره‌سمه‌كێ تایبه‌ت دا هه‌لكه‌فتا ژ دایكبوونا پێغه‌مبه‌رێ ئیسلامێ “محه‌مه‌د” سلاڤێن خودێ ل سه‌ر بن، ل مزگه‌فتا شه‌هیدان ل دهۆكێ هاته ساخكرن.
ل به‌راهیێ چه‌ند ئایه‌تێن قورئانا پیرۆز هاتنه خواندن، پاشی رێڤه‌به‌رێ گشتی یێ ئه‌وقافا پارێزگه‌ها دهۆكێ د په‌یڤه‌كێ دا بخێرهاتنا مێڤانان كر و چه‌نده‌كێ باسی ڤێ هه‌لكه‌فتا پیرۆز كر، د دووڤ دا نوونه‌رێ پارێزگارێ دهۆكێ بناڤێ پارێزگاری پیرۆزباهی ل ته‌ڤایا موسلمانێن جیهانێ و یێن كوردستانێ ب تایبه‌تی كر و گۆت: “پێغه‌مبه‌رێ ئیسلامێ “محه‌مه‌د” سلاڤێن خودێ ل سه‌ر بن پێغه‌به‌رێ ئاشتیێ و پێكڤه‌ژیانێ و برایه‌تیێ بوو، هیڤیخوازین ئه‌ڤ رۆژه و هه‌لكه‌فتا پیرۆز ببیته هێڤێنێ پێكڤه‌ژیانا به‌رده‌وام و جهێ خوشحالیێ یه كو حوكمه‌تا هه‌رێما كوردستانێ هه‌رسال ڤێ هه‌لكه‌فتا پیرۆز ب فه‌رمی ساخ دكه‌ت.
دیسا هه‌ر دوهی ئێڤاری، هه‌لكه‌فتا ژ دایكبوونا پێغه‌مبه‌رێ ئیسلامێ “محه‌مه‌د” سلاڤێن خودێ ل سه‌ر بن ب ئاهه‌نگه‌كا جه‌ماوه‌ری یا به‌رفره ل پاركا نه‌ورۆز یا سه‌نته‌رێ باژێرێ دهۆكێ هاته ساخكرن.
نيشاندان