دهۆك، له‌زگین جوقی:
به‌رپرسێ نڤیسینگه‌ها هه‌لبژارتنان ل لقێ 17 یێ پارتی دیموكراتی كوردستان ل شنگالێ دیار كر، وان داخواز ژ كومسیۆنا بلندا سه‌ربخوه یا هه‌لبژارتنان كریه چار بنگه‌هێن ده‌نگدانێ بۆ ده‌نگده‌رێن شنگالێ ل دهۆكێ ڤه‌كه‌ن، چونكو ده‌مێ رێگریێ ل به‌ربژارێن پارتی دهێته كرن بێگومان رێگری ل ده‌نگده‌ران ژی دێ هێته كرن.
سه‌یدو چه‌تۆ، به‌رپرسێ نڤیسینگه‌ها هه‌لبژارتنان ل لقێ 17 یێ پارتی دیموكراتی كوردستان ل شنگالێ د كۆنگره‌كێ رۆژنامه‌ڤانی دا گۆت: “یاسا هه‌لبژارتنان رێكی دده‌ت به‌ربژار بچنه هه‌موو جه و ده‌ڤه‌ران پرۆپاگه‌ندا هه‌لبژارتنان بكه‌ن، لێ مخابن رۆژا شه‌مبیا بۆری هه‌ر سێ به‌ربژارێن پارتی دیموكراتی كوردستان دا چنه شنگالێ بۆ دیتنا خه‌لكێ خوه و به‌رنامێ خوه یێ هه‌لبژارتنان بگه‌هینه وه‌لاتیان، لێ ل نێزیك مه‌زارگه‌هێ شه‌رفه‌ددین رێ ب به‌ربژارێن پارتی نه‌هاته‌دان بچنه شنگالێ پرۆپاگه‌ندا هه‌لبژارتنان بكه‌ن ئه‌ڤه ژی سه‌رپێچیه‌كا یاسایی یه”.
سه‌یدو چه‌تۆ گۆتژی: “مه وه‌كو پارتی دیموكراتی كوردستان ب رێیێن دیموكراسی سه‌ره‌ده‌ریێ د هه‌وا هه‌لبژارتنان دا دكه‌ین، مه رێگری ل چو به‌ربژاران نه‌كریه، هه‌موو به‌ربژار ب ئازادی پرۆپاگه‌ندا خوه دكه‌ن، مه ژی دڤیا رێگری ل به‌ربژارێن پارتی نه‌هێته كرن، مه ب ریێن یاسایی داخوازا مافێ خوه كر، لێ هێزێن عیراقی ژی نه‌شیان رێ بۆ به‌ربژارێن پارتی ڤه‌كه‌ن”.
نيشاندان