ئه‌ڤرۆ، سالار محه‌مه‌د دوسكی:

سه‌رپه‌رشتیارێ‌ ئێكێ‌ ل په‌روه‌ردا دهۆك یا رۆژئاڤا ئاشكراكر كو دێ‌ حه‌فتیا بهێت ئه‌زموون ده‌ست پێ‌ كه‌ن و ل دووف رێنمایێن ساخله‌میێ‌ و هیڤی خواستن كو ئه‌ڤ ئه‌زموونه‌ ب سه‌ركه‌فتیانه‌ ده‌ربازبن.

دلوڤان تاها ره‌شید، سه‌رپه‌رشتیارێ‌ ئێكێ‌ ل په‌روه‌ردا دهۆك یا رۆژئاڤا بۆ به‌رپه‌رێ‌ په‌روه‌رده‌ و زانكۆ ل رۆژناما ئه‌ڤرۆ گۆت: وه‌ك پێشتر لژنا ئه‌زموونا ل هه‌موو قوتابخانا دهێته‌دانان ب سه‌رۆكاتیا رێڤه‌به‌رێ‌ قوتابخانێ‌ ب ئه‌ندامه‌تیا هاریكارێ‌ قوتابیان و دو مامۆستان و كارێ‌ وانه‌ وه‌ك پێشتر دبیت و هه‌می به‌رهه‌ڤیێن ئه‌زموونان دێ‌ كه‌ن وه‌ك كه‌رت  و هه‌ر تشته‌كێ‌ گرێدایی تاقیكرنا  و ئه‌ڤ ساله‌ ئه‌زموون دێ‌ 22/6/ ده‌ست پێ‌ كه‌ن.

ل دور پولا نه‌هێ‌ ژی، هه‌مان سه‌رپه‌رشتیارێ‌ په‌روه‌ردێ‌ گۆت: ئه‌زموونێن  پولا نه‌هێ‌ ل هه‌مان ئاڤاهیێ‌ قوتابخانێ‌ دهێنه‌ ئه‌نجامدان و چاڤدێر و رێڤه‌به‌رێ‌ بنگه‌هی دێ‌ هه‌ر مامۆستایێن قوتابیان بن، كه‌رتێن پولا نه‌هێ‌ دێ‌ جودابن و ئه‌و كه‌رت تێكه‌لی پولێن حه‌فت و هه‌شتێ‌ نابن، دیسا  وه‌ك پێشت به‌رده‌اومی یا كه‌رتان ناهێته‌دان پولێن حه‌فتێ‌ و هه‌شتێ‌ ل گه‌ل نه‌هێ‌ به‌لكو دێ‌ جوداهی هه‌بیت و ئه‌ڤه‌ چنكو ئه‌زموونا نشتیمانی یه‌ و هه‌تا ژمارێن كه‌رتان ژی دێ‌ جوداهی هه‌بن، و پرسیارێن پولا نه‌هێ‌ دمه‌ركه‌زی نه‌ وه‌ك سالێن پیشتر و چ جوداهی نینه‌ ئه‌ف ساله‌ ل گه‌ل سالێن بوری و پرسیارێن نشتیمانی 50 پرسیارن و هه‌ر هه‌می هه‌لبژارتن وه‌ك سیسته‌مێ‌ ئه‌زموونا یێ‌َ به‌رێ‌ یه‌ و ئه‌و پرسیار ل سه‌ر 100 نمرایه‌ و 40 نمه‌ره‌ بۆ قوتابیان ئه‌وێن نافخو ده‌وامێ‌ دكه‌ن دهێنه‌ هه‌ژمارتن و 60 ویزاریه‌ و 40 یا قوتابخانێ‌ بۆ قوتابیێن ده‌ره‌كی دێ‌ بۆ ل سه‌ر 100 هێته‌ هه‌ژمارتن.

ل دور ئه‌نجامدانا ئه‌زموونێ، ده‌ره‌كی ژی، هه‌مان سه‌رپه‌رشتیار گۆت: وه‌ك رێخوشكه‌ر بۆ قوتابیان ل ئه‌ف ساله‌ هه‌ر قوتابیه‌ك دێ‌ ل جهێ‌ خوه‌ ئه‌زموونان كه‌ت و پێشتر هه‌ر هه‌می دهاتنه‌ سه‌نته‌رێ‌ باژێری لێ‌ ئه‌ف ساله‌ وه‌ك پێشتر نابیت و دێ‌ ل جهێن خوه‌ كه‌ن، ژ به‌ر كاودانێن نوكه‌ كورونایێ‌ كو هه‌ر قوتابیه‌ك ل سه‌ر ته‌خته‌كی روینشتی یه‌ ره‌نگه‌ قوتابخانه‌ پێدڤی ب چاڤدێرێن زێده‌تر نه‌بن وه‌ك پێشتر هه‌ر پوله‌كێ‌ دو چاڤدێر هه‌بووینه‌ ل دووف رێنما لێ‌ ره‌نگه‌ بۆ پولان ژی هه‌ر كه‌رته‌كی چاڤدێره‌ك بهێته‌دانان و رێڤه‌به‌رێ‌ قوتابخانێ‌ ماف نینه‌ چاڤدێران ژ ده‌رڤه‌ بینت و پارێ‌ چاڤدێران ناهێته‌ مه‌زاختن.

ل دور بازنێ‌ ئێك ژی دلوڤانی گۆتژی: بازنێ‌ ئێكێ‌ تاقیكرنه‌ك مایه‌ و ل سه‌ر 25 نمرایه‌ و دێ‌22/6/ ئه‌و ژی تاقیكرنێن خوه‌ ئه‌نجامده‌ن و ئه‌ڤه‌ دێ‌ ل گه‌ل پولێن چارێ‌ هه‌تا یازدێ‌ لێ‌ ئه‌نجامدانا ئه‌زموونێن بازنێ‌ ئێكێ‌ بتنێ‌ پێنچ رۆژن ئتنكو پێنچ بابه‌تن و قوتابیێن ئونلاین دێ‌ هێنه‌ تاقیكرنێن خوه‌ ئه‌نجامده‌ن و تاقیكرنێن وان ل سه‌ر 100 نه‌ و ئه‌و نمره‌ دێ‌ هێته‌ دابه‌شكرن ل سه‌ر چار نمرێن 25 بۆ وی قوتابی .

سه‌رپه‌رشتیارێ‌ ئێكێ‌ ل په‌روه‌ردا دهۆك یا رۆژئاڤا گۆت” هه‌كه‌ قوتابیه‌كی ل تاقیكرنا كورونا هاتێ‌ هه‌ر ئێكسه‌ر دێ‌ ئه‌زموونێن وی قوتابی هێنه‌ پاشخستن بۆ خولا دووێ‌ و هه‌تا نوكه‌ ئه‌نجامدانا خولا دووێ‌ نه‌هاتیه‌ ده‌ست نیشانكرن ژلایێ‌ په‌روه‌ردێ‌ ڤه‌ لێ‌ پێشبینی دكه‌ین وه‌ك پێشتر ل هه‌یڤا ئه‌یلولێ‌ بیت.

سه‌رپه‌رشتیارێ‌ په‌روه‌ردێ‌ گۆتژی: كه‌رتێ‌ تاقیكرنا ژ 15 هه‌تا 20 قوتابیانه‌ وه‌ك پێشتر و دڤێت هه‌ر قوتابیه‌ك ل سه‌ر ته‌خته‌كی بیت و ته‌خت بۆ ته‌ختی دێ‌ بوشاهی دناڤبه‌را وان دا هه‌بیت كو نێزیكی ئێك نه‌بن.

ل دووماهیێ‌ سه‌رپه‌رشتیارێ‌ ئێكێ‌ یێ‌ په‌روه‌ردێ‌ گۆت: داخازێ‌ ژ دایك و بابا دكه‌ین هاریكاربن ل گه‌ل قوتابخانا بۆ سه‌ركه‌فتنا ئه‌زموونان  و هاریكاریا زارۆكێن خوه‌ بكه‌ن و ساله‌كه‌ مخابنی ژێ‌ بچیت  و رێنمایێن ساخله‌میێ‌ بكاربینن و داخازا مه‌ سه‌ركه‌فتنا هه‌میانه‌ و هیڤی یا سه‌ركه‌فتێ‌ بۆ هه‌می قوتابیان دخوازین.

.

ئه‌ڤرۆ، هه‌رهین محه‌مه‌د:

دخشته‌یێ‌ رۆژانه‌یێ‌ قوتابیان دا ل قوتابخانێ‌ رۆژانه‌ ئه‌و وانێن دخشته‌ی دهێنه‌ دیاركرن وێ‌ رۆژی َ دهێنه‌ گۆتن بۆ قوتابیان، به‌لێ‌ ئه‌ڤ ساله‌ پشتی ڤان كاودانێن ب سه‌ر جیهانێ‌ و هه‌رێما كوردستانێ‌ دا هاتین ژ وه‌زاره‌تێ‌ بریار وه‌سا هاتیه‌ دان كو وانا هونه‌رو وه‌رزش و ماف و مه‌ده‌نی و ئاین و كومپیوته‌ر بهێنه‌ هه‌لاویستن و گرنگی ب وانێن دی بهێته‌دان ل دور ڤی بابه‌تی ژی سه‌ر په‌رشتیاره‌كێ‌ په‌روه‌ردێ‌ دبێژیت: هه‌لاویستنا ڤان وانان دبه‌رژه‌وه‌ندیا وه‌زاره‌تی َو ماموستا و قوتابیان دایه‌.

چومان ئه‌حمه‌د، ماموستایێ‌ قوتابخانا ماردین یا كچان بۆ به‌رپه‌رێ‌ په‌روه‌رده‌ و زانكۆیێ‌ رۆژناما ئه‌ڤرۆ گۆت: نه‌مانا وانا هونه‌ری وه‌رزشێ‌ و ماف و مه‌ده‌نی گه‌له‌ك كارتێكرنا خوه‌ ل سه‌ر قوتابیان هه‌بوویه‌، چونكو وانه‌كه‌ دبیته‌ جهێ‌ بهێن ڤه‌ دانا قوتابی و ب خێرا وێ‌ وانێ‌ گێولێ‌ قوتابی ل وانێن دی ژی ده‌ت و ئه‌وان وانا قوتابی خوشیه‌كێ‌ ژێ‌ دبیت و دبیت ئارازویا خوه‌ دوان وانان دا بینت وه‌كو وه‌رزش و هونه‌ر و گه‌له‌ك قوتابی مه‌ هه‌بووینه‌ گه‌له‌ك گرنگی ب وان وانه‌یان دا هه‌تا كو ده‌رچوین ژی ل سه‌ر وێ‌ ئاره‌زویێ‌ بوون و ل گه‌ل وێ‌ ئاره‌زویێ‌ مه‌زن بووینه‌ و هه‌تا كو چووینه‌ په‌یمانگه‌ه و كولیژێن وه‌رزی و هونه‌رێن جوان  و گه‌له‌ك كولژێن كو گرێدای وان وانان بن، له‌ورا دبینم  هه‌بوونا ڤان وانان گرنگیه‌كا خوه‌ هه‌یه‌ بۆ قوتابی كا چه‌وان سه‌یرانێن قوتابخانان ب گشتی مفایی َخوه‌ هه‌یه‌ و قوتابی ئابدێت دبیت و هه‌روه‌سان گرنگیا خوه‌ هه‌یه‌ بۆ قوتابی و هه‌كه‌ رۆژانه‌ وانه‌ك، یان دو وانه‌  ژڤان دخشته‌ی دا هه‌بیت دخشتێ‌ رۆژانه‌یێ‌ قوتابی دا بیت  وه‌سا قوتابی دێ‌ پتر حه‌ز ل سه‌ر وانێن دی ژی هه‌بیت وێ‌ رۆژێ‌ و دی ئه‌ركێن وانێن دی ژی جێبه‌جێ‌ كه‌ت، چونكو وانێن دی یێن بتنێ‌ ژبه‌ر كرن و تێگه‌هشتنه‌ و پێدڤیه‌ قوتابی ته‌كه‌زێ‌ ل سه‌ر بكه‌ت، به‌لێ‌ ئه‌ڤ وانێن دی قوتابی خوه‌ ئازاد و ڤه‌كری تێدا دبینت و خوه‌شێ ژێ‌ دبینت و هه‌كه‌ وان هه‌كه‌ وان رۆژێن قوتابی ده‌وامێ‌ دكه‌ن چنه‌ بیت دو رۆژا ئه‌ڤ وانه‌ بهێنه‌ كرن دێ‌ پتر قوتابی خوه‌ دوانێن دی و خاندنێ‌ دا بینت.

ئه‌رشه‌د شوكری ئیسلام، سه‌رپه‌رشتیارێ‌ په‌روه‌رده‌یی بۆ به‌رپه‌رێ‌ په‌روه‌رده‌ و زانكۆیێ‌ رۆژناما ئه‌ڤرۆ گۆت: دوه‌زاره‌تا په‌روه‌ردێ‌ دا ژبه‌ر وێ‌ چه‌ندێ‌ هه‌موو بابه‌ت سالانه‌ دهێنه‌ خاندن و هه‌موو بابه‌ت ژی دابه‌شكرینه‌ ل سه‌ر دو وه‌رزان و ل دووماهیا سالیێ‌ ژی ب هه‌موو بابه‌تان تاقیكرن پێ‌ هێته‌كرن و ژبه‌ر ڤان كاودانێن ڤێ‌ دووماهیێ‌ ب سه‌ر جیهانێ‌ و هه‌رێما كوردستانێ‌ داهاتین كارتێكرنا خوه‌ ل كه‌رتێ‌ په‌روه‌رده‌یی ژی كریه‌، چونكو ده‌وام نه‌دهاته‌ كرنه‌، به‌لێ‌ ل ڤێ‌ دووماهیی َخوه‌شبه‌ختانه‌ بریار هاته‌دان كو ده‌وام بهێنه‌كرن، به‌لێ‌ ب مه‌رجه‌كی هنده‌ك بابه‌ت بهێنه‌ هه‌لاویستن وه‌كو هونه‌رو وه‌رزش و ماف و مه‌ده‌نی و ئاین و كومپیۆته‌ر كو دئه‌ڤ ساله‌دا ئه‌ڤ وانه‌ ناهێنه‌ خاندن و تاقیكرن پێ‌ ناهێته‌كرن پشتی وه‌زاره‌تێ‌ ته‌كه‌ز ل سه‌ر كری و مه‌ره‌ما وان ژ هه‌لاویستنا ڤان وانا ئه‌وه‌ دا كو ده‌لیڤه‌ پتر بهێته‌ ره‌خساندن بۆ وانێن دی و نه‌كو ئه‌ڤ بابه‌ته‌ هاتینه‌ هه‌لاویستن مه‌رم ژی َئه‌و دگرنگ نین و دگرنگن و دێ‌ كارتێكرنا خوه‌ هه‌بیت، به‌لێ‌ باشتره‌ ئه‌ڤ وانێن دی بهێنه‌ خاندن و ب ئانه‌هیا خودێ‌ ئه‌ڤ كاودانه‌نه‌مینن وه‌كو به‌رێ‌ ب زڤرنه‌ ڤه‌ و ده‌وام جاره‌كا دی ئاسایی بهێته‌كرن و ئه‌ڤ وانێن هاتینه‌ هه‌لاویستن ئه‌ڤ ساله‌ جاره‌كا دی بهێنه‌ خاندن

ناڤهاتی گۆت:  هه‌لاویستنا ڤان جوره‌وانان دبه‌رژوه‌ندیا هه‌موو لایه‌نان دایه‌، ئانكو دبه‌رژوه‌وه‌دیا ماموستا و قوتابیان و وه‌زاره‌تێ‌ دایه‌، چونكو هه‌كه‌ رۆژانه‌ قوتابیان ده‌وام كربا دبیت كارتێكرن ل ساخله‌میا وان ب با، ژبه‌ر كو هه‌ر رۆژه‌كێ‌ نه‌ ئێكی ده‌وام یا هه‌ی، له‌ورا ئه‌ڤ بریاره‌ یا هاتیه‌ دان و ئه‌ڤ وانه‌ هاتیه‌ هه‌لاویستن.