شاهۆ فەرید:

د دیدارەكێ‌ دا سەروكێ یانەیا پیرس یا وەرزشی د. بەهزاد سالح بۆ رۆژنامەیا ئەڤرۆ پالپشتیا خوە و كارگێریێ‌ و هەموو یاریزان و راهێنەرێن تیمێ‌ بۆ لیستا 190 یا پارتی دیموكراتی كوردستان دیار كر و گۆت: جەنابی سەرۆك وەزیران مەسرور بارزانی گوهۆڕینەكا باش د ناڤا كەرتێ وەرزشی دا كریە و سال بۆ سال بەر ب پێشڤە دچیت.
زێدەتر ناڤهاتی گۆت: ئێك ژ پێنگاڤێن هەرە مەزن كو د ناڤا كەرتێ‌ وەرزشی دا حوكمەتا هەرێما كوردستانێ‌ ب سەرۆكاتیا مەسرۆر بارزانی شیاینە ژێرخانەیا وەرزشی ب ڕەنگەكێ‌ پێشكەفتی ببینە پێش و جووداهییەكا باش ل كوردستانێ‌ ب خوەڤە گرتییە و پشكدارییا یانەیێن هەرێمێ‌ د ناڤ خولا ستێرێن ئیراقێ‌ و یاریێن چەنگی ئەڤ چەندە بەلگەیە ل سەر پشتەڤانییا و گرنگی دان ب وەرزشێ‌ ژلایێ‌ حوكمەتا هەرێمێ‌ و پارتی دیموكراتی كوردستان، سەرباری ئەوان كاودانێن سەخت یێن دارایی كو كابینا نەهێ‌ یا حوكمەتا هەرێمێ‌ دەربازكرین لێ‌ هەر وەرزش نە هاتە پێشتگۆهـ هاڤێژتە، هەكە رەوشا نوكە یا دارایی یا سەخت نەبا د وێ‌ باوەرێ‌ دا بووم دا وەرزشا مە پتر پێشكەڤیت، لێ‌ د نوكە دا مە جهێ‌ خوە وەكو وەرزشڤانێن كوردستانێ‌ ب هێز و باشی دناڤ خول و قارەمانیێن ئیراقێ‌ و دەرڤە دا كرییە.
هەروەسان ناڤهاتی گۆت: دبیت هندەك یانە هەبن پشتەڤانیەكا باش بۆ دهێتە كرن و ئەڤە ژی جهێ‌ دەستخوەشیێ‌ یە لێ‌ وەكو یانەیا پیرس دەستپێكێ‌ پشتەڤانی هەبوو لێ‌ د نوكە دا وەكو جاران نە مایە و هاتینە ژبیركرن، یانەیا مە ئێك ژ جەمسەرێن وەرزشی یێن خودان هەیبەت و هێز و ئەكادیمی یە ل پارێزگەها دهۆكێ‌ و دیرۆكەكا باش هەیە د ناڤ خول و قارەمانیێن ئیراقێ‌ دا، ب هیڤی نە دووبارە هزر د یانەیا پیرس ژی دا بهێتە كرن ئەوا نوكە بنیاتەكێ‌ ڕێكخستی ژ تازەپێگەهشتی، لاوان یێن یاریزانێن یارییا فوتبۆلێ‌ دانایە و بۆ یانەیێن پارێزگەهێ‌ مفایی ژێ‌ وەردگرن، لەوما هەكە پشتەڤانی هەبیت دێ‌ باشتر بیت بۆ پێشكەڤتنا ئاستێ‌ ئەڤان یاریزانان.
د. بەهزاد سالح ئەوچەندە ژی دیار كر ژبۆ سەرفەرازییا وەرزشڤانان و بەردەوامییا پێشكەفتنا وەرزشێ‌ ل كوردستانێ‌ و پارێزگەها دهۆكێ‌ دڤێت خوە شاش نەكەین و لیستا 190 یا پارتی دیموكراتی كوردستان ب هەلبژێرین ژبەركو هەردەم پارتی بوویە پشتەڤانێ‌ ئێكێ‌ یێ‌ كەرتێ‌ وەرزشێ‌ ل كوردستانێ‌، ئەم وەكو كارگێری، راهێنەر، یاریزانێن خوە ب دلەكێ‌ مەزن و كەیفخوەش دێ‌ دەنگێ‌ مە بۆ لیستا پارتی، لیستا شەهیدان و لیستا ئاڤەدانكرنێ‌ و ئارامیێ‌ و پێشكەفتنێ‌ بیت، بۆ مە وەكو یانەیا پیرس یا گرنگ و دخوازین كابینا بهێت یا حوكمەتا هەرێما كوردستانێ‌ ڕێ ب وەبەرهێنانا وەرزشی بكەت و ئەم بچینە ل سەر كەرتێ‌ تایبەت وەكو بارسڤكییەك بۆ حوكمەتێ‌ دا بشێن نە بتنێ‌ یارییا فوتبۆلێ‌ بڕێڤە ببیەین بەلكو پرانییا یاریێن دی یێن چەنگی، دیسان هیڤییا مە ئەوە د كابینا نوو دا وەزیرێ‌ رەوشەنبیری و لاوان و وەرزش سەرەدانا مە بكەت، ژبەركو د سالێن بۆری دا وەزیری یان شاندەكێ‌ بلند سەرەدانا مە نەكرییە، هیڤییا مە ژ پارتا مە ئەوە پشتەڤانییا مە بكەن و دخوازم ژ هەموو یانەیێن وەرزشی یاریزان و راهێنەرێن خوە بۆ دەنگدانێ‌ و لیستا 190 بدەن.
سەرۆكێ‌ یانەیا پیرس گەشبینییا خوە دیار كر بۆ كابینا دەهێ‌ یا حوكمەتا هەرێما كوردستانێ‌ دێ‌ ب سەركێشییا پارتی دیموكراتی كوردستان بیت و ئەڤچەندە دێ‌ بیتە ئەگەر زێدەتر پێشكەڤتن بكەڤیتە د كەرتێ‌ وەرزشی دا و هیڤی خواست پتر دۆڤچوونا نڤێسین و داخوازیێن وان ژی بهێتە دان و گۆت: پارتی دیموكراتی كوردستان جهێ سەرەنج راكێشێە گرنگیەكا باش ددەتە وەرزشێ، وەكۆ یانا مە ژی تایبەت پووتەدانەكا باش دەتە گەنجی، هەروەسان كابینا نەهێ پالپشتیەكا هێزە بۆ گەنجی بەر هندێ بێژم خال و كاریێن مە باشی نە گەهشتینەوان هەكەر دا پالپشتیەكا گەلەگ و گەلەگ باش ژلایێ مەسرور بارزانی بۆمە هێتەكرن، دۆڤچوونەكا هوور هەبیت، دیسان مە داخواز كرییە دێرینێن وەرزشی بهێنە گازی كرن و هزر و بیرێن وان وەربگرن یێن دی ژی داخواز بكەن ئەو خودان هزرەكا نوو نە بۆ پێشكەفتنا وەرزشێ دگەل روونە خاریێ، راستە گرنگیێ دەنە فوتبۆلێ‌ لێ یاریێن دی ڤەشارتینە و ماددی ئەم گەلەك پێدڤی نە بۆ هندەك یانا دهێتە مەزاختن و پارە دچیتە دەرڤەیی كوردستانێ بلا بهێن سەرەدانامە بكەن پلانا مە ببینن كا چەند ئەم خوە دوەستینین بۆ بەرهەمئینانا یاریزانیێن باش بۆ سەر هەمی ئاستان، یاریێن جەنگی دڤێت دووبارە ڤەگەرنە ناڤا مەیدانێ سەرەرایی وی مەزاختیێ كێم ئەنجام و پلەیێن باش دەستڤە دئینن دیارە ژی مە چەند یاریزانێن باش هەنە پالپشتی هەبا دا جیهانی ژی هەڤركیا كەن، پێنەڤێت ئەڤ هەموو خالە د بەرچاڤن و پارتی خودانا هێز و پێشكەفتنێ‌ یە دێ‌ شێت چارەسەركەت لەوما دەنگدان بۆ لیستا 190 دێ‌ بڕێیا پەرلەمانی شێن زێدەتر وەرزشێ‌ بەر ب پێشڤە بەن و یاریزانێن مە بۆ قارەمانیێن جیهانی ژی شادبن.

جەماوەرێ‌ وەرزشی ل هەموو جیهانێ‌ و یێ‌ ئۆرۆپا چاڤ ل كۆمەكا یاریێن ب هێز یێن ژ UEFA Europa League قارەمانیا لیگا ئۆرۆپا بۆ یانەیان ژ چارچووڤەیێ‌ گەڕا دویێ‌ ئەوا بڕیاری نەهـ یاری د دەمەكی دا بهێنە كرن و نەهـ یاریێن دی ژی ل دەمەكێ‌ دی یێ‌ شەڤ ل یاریگەهێن جودا یێن یانەیێن پشكدار بهێنە ئەنجامدان، ئەو یاریێن ئەڤ شەڤە دهێنە كرن بڤی شێوەی نە.
ل دەمژمێر 7:45 شەڤ دو یاری دێ‌ هێنە كرن.
لاتسیو( ئیتالیا) – نێس ( فرەنسا).
ریال سوسیداد ( ئیسپانیا) – ئەندرلیخت ( بەلجیكا).
ئۆلمپییاكۆس ( یونانستان) – سپۆرتینگ لاشبۆنە (پۆرتۆگال).
فراینكفارۆزی ( هنگارییا) – تۆتنهام هوتسبێر ( ئنگلتەرا).
سلاڤیا براگا (چیك) – ئەیاكس ئەمستردام ( هولەندا).
هۆڤنهایم ( ئەلمانیا) – دینامۆ كێیڤ ( ئۆكراینا).
كارباگ ئیگدام ( ئازەربێجان) – مالمۆ (سوید).
ریجاس فوتبۆل سكۆلا( لاتیڤیا) – گالاتا سارایی ( توركیا).
یاریێن مای یدێ‌ ل دەمژمێر 10ی شەڤ بڤی رەنگی هێنە ئەنجامدان.
تڤینتی ئانشخێدە ( هۆلەندا) – فەنەربەخشە ( توركیا).
ئەتلەتیكۆ بیلباو( ئیسپانیا) – ئالكامار ( هولەندا).
پۆرتۆ ( پۆرتۆگال) – مانچستەر یۆنایتد ( ئنگلتەرا).
گلاسكۆ رێنجێرز ( ئسكۆتلەندا) – لیۆن ( فرەنسا).
بەشكتاش( توركیا) – ئینتراخت فرانكفۆرت ( ئەلمانیا).
پاۆك سالۆنیكا ( یونانستان) – ستیۆ بۆخارست ( رۆمانیا).
ئیلفسبۆرگ ( سوید) – رۆما ( ئیتالیا).
فیكتۆر بلزن (چیك) – لۆدۆجۆرێتس رازگراد (بولگاریا).
سانت جیلۆاز ( بەلجیكا) – بۆدۆ گلیمت ( نەرویج).
شێوازێ‌ یاریێن وان وەكو یا چامپیۆنزە دگەل هندەك گوهۆڕینان ، 36 یانە پشكدارن كو ل سەر چار ئاستێن جودا و دووڤ پلەكرنا وەرزێ‌ بۆری هاتبوونە بەلاڤكرن و پۆلینكرن ژلایێ‌ فدراسیۆنا فوتبۆلا ئۆرۆپا هاتیە دانان، یاریێن وان ب شێوەیێ‌ خول ئێك قۆناغ بیت، هەر تیمەك دێ‌ هەشت یارییان كەت، چار یاری د ناڤ ئەردێ‌ خوە دا و چار ژ دەرڤەیی یاریگەهێ‌، ل دووماهیێ‌ دێ‌ رێزبەندی بۆ هەر36 تیمان د ئێك لیستە دا هێتە دانان، ئەو تیمێن ل رێزا ئێكێ‌ هەتا هەشتێ‌ ئێكسەر دێ‌ دەربازبنە قۆناغا 16ێ‌، ئەو یانەیێن رێزا نەهێ‌ هەتا 24ێ‌ دێ‌ یاریێن خوە ب شێوەیێ‌ دو گەڕ ئەنجامدەن ژبۆ دەربازبوونا هەشت تیمێن دی بۆ قۆناغا 16ێ‌، لێ‌ ئەو یانەیێن رێزا 25 هەتا 36ێ‌ دێ‌ ژ قارەمانیێ‌ هێنە دوورئێخستن.

قەیس وەیس:

بڕیارە سوبەهی ئەینی یاریێن گەڕا سێیێ‌ ژ قۆناغا ئێكێ‌ یا هەڤڕكیێن خولا ستێرێن ئیراقێ‌ یا فوتبۆلێ‌ ب ئەنجامدانا دو یارییان دەستپێبكەت، ل شەمبییا بهێت كوڕێن خابووری دێ‌ مێڤاندارییا كەربەلا كەن و ئێكشەمبییا بهێت دهۆك دێ‌ بیتە مێڤانا نەجەف.
بڕیارە ل دەمژمێر 5:30 ئێڤار تیما یانەیا زاخۆ ل شەمبییا بهێت دناڤ ئەرد و جەماوەرێ‌ خوە دا مێڤاندارییا یانەیا كەربەلا بكەت، د یارییەكا پڕ هێز و هەڤڕكی دا، كوڕێن خابووری داخوازكرینە جەماوەرێ‌ خوە ئاشت بكەت پشتی د دو یاریێن بوری دا بەرانبەر تەلەبە و نەورۆز وەكهەڤبووین و چاڤەڕێ‌ ئێكەم سەركەفتنن، د بەرانبەر دا یانەیا كەربەلا دناڤ ئەردێ‌ خوە دا بەرانبەر نەورۆز و نەجەف وەكهەڤی ئینایە، ئانكو هەردو یانەیان سەركەفتن و خوسارەتی نینن.
ژلایێ‌ خوەڤە تیما یانەیا دهۆك دێ‌ ل ئێكشەمبییا بهێت بیتە مێڤانا یانەیا نەجەف د یارییەكا ئاگرین دا ئەوا بڕیارە ل دەمژمێر هەشتی شەڤ بهێتە ئەنجامدان، ئەلهۆیێن چیا د دەمەكێ‌ هەستیار دا دەرباز دكەن تایبەت پشتی د هەردو یاریێن خوە یێن بوری دا و دناڤ ئەرد و جەماوەرێ‌ خوە دا بەرانبەر زەورا و هەولێر تووشی خوسارەتیێ‌ بووی، دێ‌ هەموو بزاڤان كەت بۆ ڤێ‌ یاریێ‌ قەرەبوویا خالان بكەت و بشێت دووبارە ڤەگەڕیتە ئاست و ئەنجامێن جاران، تایبەت روودانەكا مەزن ل پێشییا وێ‌ یە ئەوژی كۆپا كەنداڤی، لەوما دێ‌ هەموو بزاڤان كەت ئەو گڤاشتنا دەرونی ڕاكەت و راستڤەكرنا ئەنجامێن خوە بكەت بەری دیدارا 22ێ‌ ڤێ‌ مەهێ‌ بەرانبەر یانەیا ئەهلی سەنعا یا یەمەنی بكەت.
ژلایێ‌ خوەڤە یانەیا هەولێر ب ژڤانا ل رۆژا شەمبی دەمژمێر 5:30 بۆ دیدارەكا گرنگ بەرانبەر مێڤانا خوە یانەیا زەورا یا بەغدایی ئەوا دێ‌ ل یاریگەها شەهید فرانسۆ حەریری هێتە كرن، هەولێرێ‌ دو سەركەفتن ل دووڤ ئێك ئیناینە، ژلایەكێ‌ دیڤە یانەیا نەورۆز ل ئێكشەمبییا بهێت دێ‌ ل بەغدا بیتە مێڤانا یانەیا كارەبا، ژ یاریێن دی، رۆژا ئەینی، مینا- كەرخ، ئەلكەرمە- حدود، شەمبی، شورتە- تەلەبە، دیالا- ئەلقاسم، رۆژا ئێكشەمبی، نەفت ئەلبەسرا- جەوییە، نەفت میسان- نەفت.

قەیس وەیس:

د دیدارەکا تایبەت دا سەرۆکێ یانا دهۆک یا وەرزشی د. عه‌بدوللا جه‌لال باس ل دەستکەفتیێن یانه‌یا دهۆک ل سه‌ردەمێ کابینەیا نەهێ یا حوکمەتا هه‌رێما کورستانێ دا کر و دیار كر گوهۆڕینێن مه‌زن د ژێرخانه‌یا وه‌رزشی ب گشتی یا كوردستانێ دا و تایبه‌تی یا یانه‌یا دهۆك دا هاتیه‌ كرن، ئه‌ڤچه‌نده‌ ژی ڤه‌دگه‌ڕیت پارتی هه‌رده‌م پشته‌ڤانێ وه‌رزشێ و وه‌رزشڤانان بووینه‌.
زێده‌تر ناڤهاتی بۆ رۆژنامه‌یا ئه‌ڤرۆ گۆت: ب گشتی پشتەڤانیەکا مەزن ل كه‌رتێ وەرزشێ ل کوردستانێ هاتیە کرن و هه‌تا نوكه‌ ژی به‌رده‌وامه‌ و هەر یانەکا د خولێن ئیراقێ دا پشکداریێ دکەت هاریکاریێن دارایی ژلایێ حوكمه‌تا هه‌رێمێ بۆ دهێته‌ دان، وەکۆ سەروکێ یانەیا دهۆک دێ دیارکەم کو پێنگاڤێن باش و گوهۆڕینێن ریشه‌یی هاتنه‌ كرن هه‌ر ژ کاودانێن گەلەک خراب یێن یانەیا دهۆک تێدا دبوری و ڤەقەتیانا وێ ژ خولێن ئیراقێ دووڤدا قۆناغ بۆ قۆناغ به‌ر ب ژ خولا پلا ئێك به‌ر ب خولا نایابا ئیراقێ و دووڤدا به‌ر ب خولا ستێرێن ئیراقێ و دیسان كاره‌كێ مه‌زن هاته‌ كرن هه‌تا بشێن تیما مه‌ یا فوتبۆلێ پلێتا ده‌ربازبوونێ به‌ر ب قاره‌مانییا كۆپا كه‌نداڤی، ئه‌ڤچه‌نده‌ ژی ڤه‌دگه‌ڕیت بۆ پشتەڤانییا به‌رده‌وام و یا باش د ماوه‌یێ کابینەیا نەهێ یا حوکمەتا هەرێما کوردستانێ ب سەروکاتیا جەنابێ مەسرور بارزانی کو هەر دەم پشتەڤان بوویە و شیاینە ب پشتەڤانیا وی دلێ خەلک و جەماوەرێ یانه‌یا دهۆکێ جارەکادی شاد بکەین و یاریگەها دهۆک ب حازربوونا پشته‌ڤانا پڕ بیت ژ گەنج و لاوێن ڤی باژێری.
هه‌روه‌سان سەروکێ یانه‌یا دهۆک دیار کر عه‌دنان درجال سەرۆکێ فدراسیۆنا فوتبۆلا ئیراقێ هەر دەم خویا كرییه‌ خوه‌شیا خولا ستێرێن ئیراقێ ڤه‌ دگه‌ڕیت بۆ یانەیێن کوردستانی هەر ژ کارێن تێدا دهێنە ئەنجام دان شێوازێ ئاهنگا به‌ری ده‌ستپێكرنا یاریێ و كارێن جوان و هه‌بوونا ژێرخانەیا وەرزشی و جەماوەرێ زێدە کو ئەڤە ب شادەهیا میدیایێن ئیراقی، پێنه‌ڤێت ئه‌ڤچه‌نده‌ ڤه‌دگەریتە بۆ پشتەڤانیا حوکمەتا هەرێما کوردستانێ بۆ هەر چار یانەیێن کوردستانی یێن پشکدار د خولێ دا و هه‌تا نوكه‌ ژی ئه‌ڤ یانه‌ ب جوانی و سه‌رنجراكێشا خوه‌ د به‌رده‌وامن.
ل دۆر ئه‌وان گوهۆڕینێن هاتینه‌ كرن د.عەبدولایی بەردەوامی دا ئاخفتنا خوە و گوت: مە ل سەر دەمێ کابینا نەهێ گەلەک گورانکاری د ژێرخانەیا یانه‌یا دهۆک دا ئەنجام داینە نموونه‌ ژ پەلوکێن یاریگەهێ و دانانا تارتانی و گوهۆڕینا جهێ vip ب تمامی و نووژەنكرنا هولێن د ناڤا یاریگەهێ دا و دانانا جهێ روونشتنێ بۆ پشته‌ڤانان ل یاریگەها سێیێ یا یانه‌یێ و دانانا فریزه‌یێ یاریگەها دویێ یا یانه‌یێ و گەلەک کارێن دی د ڤان سالان دا هاتینە ئەنجام دان و گه‌شبینم د كابینا بهێت داد ێ پێنگاڤێن باشتر بۆ پشته‌ڤانییا وه‌رزشێ و وه‌رزشڤانان هێته‌ هاڤێتن ژبه‌ركو پارتی بتنێ ب دروستی سۆزان بجهـ دئینت و پشته‌ڤانییا هه‌موو كه‌رتان دكه‌ت ژوانا وه‌رزش .
دیسان ناڤهاتی گوت: ژ هه‌ژی ده‌ستخوه‌شیێ و جهێ شانازیێ یه‌ دڤێت رۆلێ لقا ئێک یا پارتی دیموکراتی کوردستان ژبیرنە کەین کو د گەلەک کاودانان دا خوه‌ ل یانێ کریە خودان و هه‌رده‌م نێزیكی مه‌ و هه‌ر یانه‌كا ل سنۆرێ خوه‌ بوویه‌ و دۆڤچوونا بابه‌تێن وان كرینه‌ و یا ئه‌م پێ كه‌یفخوه‌ش هه‌ڤكارییا مه‌ كرییه‌ کو د وه‌رزێ ئه‌ڤ ساله‌ دا هاتنا یاریزانه‌كێ پیشه‌كار بۆ ناڤ رێزێن تیما مه‌ دا وه‌كو دیاری بۆ یانه‌یێ پێشكێشكریه‌، ئه‌ڤه‌ژی مه‌زنترین پشته‌ڤانییه‌ بۆ یانه‌یێ ژبه‌رپشكدارییا وێ د خولا ستێرێن ئیراقێ و كۆپا كه‌نداڤی دا .
ل دووماهیێ سه‌رۆكێ یانه‌یا دهۆكێ گۆت: وەکو کوڕێ باژێرێ دهۆکێ سەرەرای کێماسیێن د هندەک بواران دا هەین لێ پێ گهورێ پارتی نینە، له‌وما ژی دەنگدان ب پارتی، دەنگدانە ب سەقامگیری و ئاڤەدانییا كوردستانێ، پلانێن نافخویی و ژ دەرڤە کو هەمیان ستێرکا خوە ل پارتی گرتیە ژ بۆ نەهێلانا ئارامییا ل کوردستانێ هەی تایبەت ل هەۆلێر و دهۆک کو ب گەلەک رێکان هاتینە وەکۆ گوهۆڕینا سیستەم و قانونا هەلبژارتنا و دژایەتیا دادگەها ئیتحادی و گڤاشتنێن دەولەتێن جیران، لێ پارتی لاواز نەبوویە ژبەرکو پارتی حزبا خەلکی یە و خەلک دەنگێ خوە ب پارتی ددەت و پارتی ب سەردئێخیت، پارتی دێ مینیت هێزا ئێكێ چونكی ب كریار یا سەلماندی خودانا راستەقینەیا ئاخ و خەلكێ ڤی وەلاتی یە، لەورا وەکو کوڕێ باژێرێ دهۆکێ داخوازێ ژ هەڤال و هەمی وەرزشڤانان دکەم دەنگ ب لیستا ١٩٠ بدەن و نەبتنێ دەنگ بەلێ، به‌لكو پشتەڤانیێ ژی بۆ بکەن ژبەرکو وەکو گەنج و وەرزشڤان ئەڤ کارە ل سەر مە پێدڤی یە ژ بو بەردەوامی دانا سەرکەفتنێن مە و بەرەف پلێن باشتر ببەین.

چاڤەڕێ‌ دهێتە كرن ئەڤرۆ ژی نەهـ یاری ژ چارچووڤەیێ‌ هەڤڕكیێن گەڕا دویێ‌ یا قارەمانییا یانەیێن ئۆرۆپا قارەمانێن خولا چامپیۆنز لیگ ل یاریگەهێن جودا یێن یانەیێن پشكدار بهێنە ئەنجامدان، ئەركێ‌ هندەك یانەیێن مەزنە ئۆرۆپا ب سانەهی نە و هندەك ژی د تاقیكرنێن ب هێز دانە، ئەو یاریێن ئەڤ شەڤە دهێنە كرن بڤی شێوەی نە.
ل دەمژمێر 7:45 شەڤ دو یاری دێ‌ هێنە كرن.
شاختارك دۆنێتسك ( ئۆكراین) – ئەتلانتا ( ئیتالیا).
جێرۆنا ( ئسپانیا) – ڤاینۆرد رۆتردام ( هۆلەندا).
یاریێن مای یدێ‌ ل دەمژمێر 10ی شەڤ بڤی رەنگی هێنە ئەنجامدان.
ئەستۆن ڤێلا ( ئنگلتەرا) – بایرن میۆنخ ( ئەلمانیا).
لایپزیگ ( ئەلمانیا) – یۆڤانتۆس ( ئیتالیا).
لیل ( فرەنسا) – ریال مەدرید ( ئیسپانیا).
لیڤەرپۆل ( ئنگلتەرا) – پۆلۆنیا ( ئیتالیا).
بەنفیكا ( پۆرتۆگال) – ئەتلەتیكۆ مەدرید (ئیسپانیا).
شتۆرم گراتس (نەمسا) – كلۆپ برۆچ ( بەلجیكا).
دینامۆ زاگراب ( كرواتیا) – مۆناكۆ ( فرەنسا).
هەر 36 یانەیێن پشكدار ل سەر چار ئاستێن جودا و دووڤ پلەكرنا وەرزێ‌ بۆری هاتبوونە بەلاڤكرن ئەوا پۆلینكرن ژلایێ‌ فیدراسیۆنا فوتبۆلا ئۆرۆپا هاتیە دانان، یاریێن وان ب شێوەیێ‌ خول ئێك قۆناغ بیت، هەر تیمەك دێ‌ هەشت یارییان كەت، چار یاری د ناڤ ئەردێ‌ خوە دا و چار ژ دەرڤەیی یاریگەهێ‌، ل دووماهیێ‌ دێ‌ رێزبەندی بۆ هەر36 تیمان د ئێك لیستە دا هێتە دانان، ئەو تیمێن ل رێزا ئێكێ‌ هەتا هەشتێ‌ ئێكسەر دێ‌ دەربازبنە قۆناغا 16ێ‌، ئەو یانەیێن رێزا نەهێ‌ هەتا 24ێ‌ دێ‌ یاریێن خوە ب شێوەیێ‌ دو گەڕ ئەنجامدەن ژبۆ دەربازبوونا هەشت تیمێن دی بۆ قۆناغا 16ێ‌، لێ‌ ئەو یانەیێن رێزا 25 هەتا 36ێ‌ دێ‌ ژ قارەمانیێ‌ هێنە دوورئێخستن.
بۆ زانین د قۆناغا 16ێ‌ دا دێ‌ شێوازێ‌ هاتنۆچوون دناڤبەرا یانەیان هێتە كرن هەتا دگەهیتە یارییا دووماهیێ‌، بڕیارە یاریێن ئێكێ‌ ل 17ێ‌ هەتا 19ێ‌ ئەیلۆنا بهێت دەستپێكەت، یاریێن دویێ‌ ل ئێك و دو یا چرییا ئێكێ‌ هێنە كرن، ل 22و 23ێ‌ هەمان مەهـ یاریێن گەڕا سێیێ‌ نە، دێ‌ بەردەوامبن هەتا یارییا دووماهیێ‌ ل 31ێ‌ ئەیارا سالا 2025ێ‌ ل یاریگەها ئالیانز ئارینا یا بایرن میۆنخ وەلاتێ‌ ئەلمانییا هێتە كرن.

عەلی حاجی:

د داخویانیەکێ دا ئەندامەکێ دەستەیا کارگێریا یانا زاخۆ یا وەرزشی بۆ رۆژنامەیا ئەڤرۆ دیار کر وان دڤێت ئێدی ئاست و ئەنجامێن تیما وان د خولا پێشەکارێن ئیراقێ یا باسکێت بۆلێ دا باشتر ببن.
زێدەتر دلژار عەدنان: د سێ یاریێن بوری دا تیما مە یا باسکێت بۆلێ د خولا پێشەکارێن ئیراقێ دا بتنێ سەرکەڤتنەک تومار کریە و ئەڤ چەندە ژی نە لدووڤ خاستەکا دەستەیا کارگێریا یانەیێ یە ژبەرکو ئاستێ تیما مە گەلەک باشترە و هەمی یاریزانێن مە د ئاستەکێ باش دانە، مە کۆمبوون دگەل دەستەیا ڕاهێنەران و یاریزانان ئەنجامدایە ژ بۆ هندێ دۆڤچوونا ئاستێ تیمێ بهێتە کرن، ژبەرکو ئەو ئاستێ دهێتە پێشکێشکرن ئاستێ راستەقینە یێ یاریزان و تیما مە نینە و ئەم یێ کار دکەین تیما مە بکەڤیتە سەر ڕێیا ڕاست دا کو ئاست و ئەنجامێن تیما مە د خولێ دا باشتر ببن، خول یا درێژە و گەلەک یاری ماینە داکو بشێن قەرەبوو بکەین و هەر چەندە خولا ئەڤ سالە یا ب زەحمەتە و هەمی تیمان بەرهەڤیێن باش کرینە ژ بۆ وەرزێ ئەڤ سالە.
ناڤبری گۆت ژی: ئەوا پێدڤی ل سەر کارگێریا یانەیا زاخۆ هەمی کارەک هاتیە ئەنجامدان بۆ تیمێ و هەمی پێدڤیێن وان هاتینە دابینکرن و مە باوەری ب تیمێ هەیە کو دێ شێن کارەکێ باش ئەنجام بدەن.
بۆ زانین تیما یانه‌یا زاخۆ دگه‌ل هه‌ر ئێك ژ شورته‌ و كه‌رخ تووشی خوساره‌تێ بوو، لێ دگه‌ل ئه‌لتیجاره‌ سه‌ركه‌فتن ئینابوو، بڕیاره‌ ل ئه‌ینییا بهێت دێ مێڤاندارییا یانه‌یا ده‌ربه‌ندیخان كه‌ت