نووترين نووچه
- سەرۆكێ هەرێمێ و قونسلێ هندستانێ دوپاتیێ ل پێشڤەبرنا هەڤبەندییان دكەن
- هنارتیێ سەرۆكێ ئەمریكا دێ ل گەل مەسرور بارزانی كۆمبیت
- پارتی خۆ ب بەرپرس دزانیت و ژ بەرپرسیاریان ژی خوە نادەتە پاش
- هەلبژارتنێن ڤێجارێ پارتی زێدەتر ژ ئێك ملیۆن دەنگان دێ بدەستڤە ئینیت
- 160 هەڤپەیمانی و ئالیێن سیاسی لیستێن ناڤێن بەربژارێن خوە بۆ هەلبژارتنان پێشكێش كرینە
- سەرۆك بارزانی پیرۆزباهییا هاتنا سەرێ سالا مشەختی دكەت
- نێچیرڤان بارزانی و بالیۆزێ بریتانیا دوپاتیێ ل چارەسەركرنا كێشەیێن هەولێرێ- بەغدایێ دكەن
- سەرۆكێ هەرێمێ و قونسلێ هۆلەندا پێشهاتێن دەڤەرێ گەنگەشەكرن
- دو مەهە مووچەیێ فەرمانبەران ب نەقانوونی نەهاتییە هنارتن
- سەرۆك بارزانی وقونسلێ ئوردنێ دۆستاتییا د ناڤبەرا كوردستانێ و ئوردنێ دا گەنگەشەكر
naci bedel
هاتن و چوون ل سه‌رسنكێ پێدڤى ب هوشیاریێ یه
ئه‌ڤرۆ نیوز، نه‌وزاد هلۆرى:
ژبه‌ر دروستبوونا جه‌مه‌دێ، هژماره‌كا وه‌لاتیان ژ شه‌ڤا بورى هه‌تا نوكه وه‌كو پێدڤى نه‌شێن هاتن و چوونێ د رێیا سه‌رسنكێ دا بكه‌ن و بگەهنە سەر کارێن خوە، كو دبیته رێیا سه‌ره‌كى دناڤبه‌را ده‌ڤه‌را ئامێدیێ و دهۆكێ، پێدڤى یه شوفێر ئاگه‌هدارێ خوه بن.
مێهڤان سه‌رسنكى، ژ راگه‌هاندنا باژێرڤانیا سه‌رسنكێ بۆ ئه‌ڤرۆ نیوز گۆت: دوهى و شه‌ڤا بورى رێژه‌یه‌كا زۆرا به‌فرێ ل ده‌ڤه‌را سه‌رسنكێ بارى یه و بوویه ئه‌گه‌ر كو ل هنده‌ك جهان رێ بهێته گرتن و كێشه بۆ هاتن و چوونێ دروست بیت، به‌لێ تیمێن رامالینا به‌فرێ ژلایێ رێڤه‌به‌ریا سه‌خبێریا رێك و پرا ب هه‌ڤكارى ل گه‌ل سه‌روكاتیا باژێرڤانیا سه‌رسنكێ به‌رده‌وامن و هه‌موو رێك هاتینه ڤه‌كرن و هاتن و چوون ئاساى بویه.
ناڤبری زێده‌تر گۆت: تشتێ كو نوكه بوویه ئاریشه ئه‌وه ژبه‌ر سه‌رمایێ و ته‌ربوونا جادێ، پشكه‌كا زۆرا جادێ ب تایبه‌تى ئه‌و جهێن كو سیبه‌ر هه‌یى بوویه جه‌مه‌د و كێشه بۆ شوفێران دروستكریه، له‌ورا دڤێت زۆر ب هوشیارى هاتن و چوونێ بكه‌ن.
حزبوللا عیراقێ گه‌فێن توند ل ئه‌مریكا دكه‌ت
ئه‌ڤرۆنیوز:
كه‌تائیبا حزبوللا عیراقێ گه‌فێن توند ل ئه‌مریكا دكه‌ت و رادگه‌هینیت، دێ ئه‌ڤرۆ بنگه‌هێن ئه‌مریكی ل عیراقێ كه‌ینه ئارمانجێن خۆ.
لگۆری راگه‌هاندنه‌كا حزبوللا عیراقێ كو تێدا هاتیه دیاركرن وه‌ك تولڤه‌كرن هه‌مبه‌ر كوشتنا ئه‌بو مه‌هدی ئه‌لموهه‌ندس و قاسم سلێمانی گه‌فێن توند ل ئه‌مریكا دكه‌ت، دێ ئه‌ڤرۆ بنگه‌هێن هێزێن ئه‌مریكی ل عیراقێ كه‌ینه ئارمانجێن خۆ و ئاگه‌هداریا هێزێن عیراقی ژی دكه‌ین ژ بنگه‌هێن هێزێن ئه‌مریكی دیر بكه‌ڤن.
هه‌روه‌سا حزبوللا عیراقێ په‌یامه‌ك ئاراسته‌ی محه‌مه‌د حه‌لبووسی سه‌رۆكێ جڤاتا نوونه‌رێن عیراقێ كریه و ئه‌و چه‌نده ئێخستیه‌ری كۆ چاڤدێریا كارێن وان دكه‌ین.
ل كینیا هێرش بۆ سه‌ر بنگه‌هه‌كێ ئه‌مریكا هاته‌كرن
تیمێن رامالینا بەفرێ بەردەوامن ل سەرڤەکرنا رێیان ل ناحیا باتیفا
ئەڤرۆ نیوز، عەلی حاجی:
رێڤەبەرێ ناحیا باتیفا د داخویانیەکێ دا بۆ ئەڤرۆ نیوز دیار کر ژبەر هاتنا بەفرێ، دهی روژا شەمبیێ سێ تیمێن رامالینا بەفرێ د کاری دابون و رێ یێن هات بوونه گرتن ژلایێ تیمێن مەڤە هاتنە ڤەکرن.
زێدەتر دلشێر عەبدولسەتار رێڤەبەرێ ناحیا باتیفا راگه‌هاند: ل روژا شەمبیێ رێکەڤتی ٤/١/٢٠٢٠ ژبەر هاتنا پێلەکا بەفر بارینێ ل ناحیا باتیفا و کومەلگەهێن بێگوڤا و کانی ماسێ، مە سێ تیمێن رامالینا بەفرێ ئێخستینە د کاری دا و دهی ل کانی ماسێ دناڤبەرا خشخاشا و چەم سەیدا رێکێن وان هات بوون گرتن ژبەر هاتنا بەفرێ، بەلێ ئەو رێک ژلایێ تیمێن مە ڤە هاتنە ڤەکرن و تیمێن مە بەردەوامن ل سەر ڤەکرنا رێیان و هەتا نوکە چ رێیەک ژی نەهاتینە گرتن .
گۆت ژی : هاتنا بەفرێ ل سنورێ ناحیا مە ب شێوەیەکێ گەلەک بەرفرەهـ نینە کو ببیتە ئەگەر ئەم کۆنترۆلێ ل سەر نەکەین، بەلێ هەتا نوکە کار ب دروستی ب رێڤە دچیت بێ چ ئاریشەیەک .
تره‌مپ: بۆ هه‌ر هێرشه‌كێ دێ ب توندترین شێوه به‌رسڤ هه‌بیت
ئەڤرۆ نیوز:
سه‌رۆكێ ئه‌مریكا دونالد تره‌مپ ب گه‌ف به‌رسڤا گه‌فێن كۆمارا ئیسلامیا ئیرانێ دده‌ت.
پشتی كوشتنا قاسم سلێمانی و ئه‌بو مه‌هدی ئه‌لموهه‌ندس ل رۆژا هه‌ینیا 3/1/2020 ل باژێرێ به‌غدا، به‌رپرسێن بلندێن ئیرانێ گه‌فێن توند ل ئه‌مریكا كرینه.
ئه‌ڤرۆ رۆژا ئێك شه‌مبێ دونالد تره‌مپ سه‌رۆكێ ئه‌مریكا د نوو تورین توویتا خودا راگه‌هاند: وه‌لاتێ وی دو ترلیۆن دۆلارێن ئه‌مریكی د چه‌كێ پێشكه‌فتی دا مه‌زاختی نه و ئه‌م ل جیهانێ مه‌زنترین و باشترین هێزین.
سه‌رۆكێ ئه‌مریكا گه‌فا ئه‌وێ چه‌ندێ ژی كر هه‌كه ئیران هێرشێ بكه‌ته سه‌ر بنگه‌هێن ئه‌مریكا یان هه‌ر ئه‌مریكیه‌كی ئه‌ڤه ئه‌وی ده‌می دێ هنده‌ك ژ ئه‌وان چه‌كێن پێشكه‌فتی یێن نوو ل دژی ئیرانێ بكارئینین و بێ دو دلی .
ته‌رمێ قاسم سلێمانی گه‌هشته باژێرێ ئه‌هواز
روونشتنا په‌رله‌مانى ب ئاماده‌بوونا عه‌بادى ده‌سپێكر
ئه‌ڤرۆ نيوز:
به‌رى ده‌مه‌كێ كێم روونشتنا جڤاتا نوونه‌رێن عيراقێ ب ئاماده‌بوونا حه‌يده‌ر عه‌بادى سه‌رۆك وه‌زيرێن عيراقێ ده‌سپێكر و بڕياره په‌رله‌مانتارێن كورد چه‌ندين پرسێن گرێدايى رێكه‌فتنا هه‌ولێر و به‌غدا و نه‌هنارتنا بودجا هه‌رێمێ رووى ب روويێ وى بكه‌ن.
پێشتر تۆڕا ميديايى يا عيراقيه به‌لاڤكر بوو كو ئه‌ڤرۆ جڤاتا نوونه‌رێن عيراقێ مێڤانداريا سه‌رۆك وه‌زيرێن عيراقێ، حه‌يده‌ر عه‌بادى، كه‌ت ژ بوو ئاگه‌هدار بوون ل سه‌ر ره‌وشا ئه‌منى يا نوكه يا عيراقێ و بجهئينانا به‌رنامێ حوكمه‌تێ ژ لايێ حوكمه‌تا وى ڤه.
ره‌عد ده‌هلكى ئه‌ندامێ هه‌ڤپه‌يمانيا هێزێن نشتيمانى يێن سونه ژى راگه‌هاند بوو كو هێزێن سونه ب تنێ دێ پشكدارى وێ برگێ ژ روونشتنا جڤاتا نوونه‌ران كه‌ن كو دێ سه‌رۆك وه‌زيرى تێدا مێڤان كه‌ن.
گۆتژى: “پشتى وێ كۆمبوونێ په‌رله‌مانتارێن سونه دێ روونشتنه‌كا تايبه‌ت ل دۆر وان بابه‌تان ئه‌نجام ده‌ن يێن عه‌بادى دێ به‌حس كه‌ت و بڕيارێ ده‌ن كا دێ ل سه‌ر بايكوتكرنێ د به‌رده‌وام بن يان ژى نه.
لیبیا په‌یوه‌ندیێن خوه ل گه‌ل توركیا هه‌لاویستن
حكومه‌تا عه‌بدولا سه‌نی ل لیبیا ب ته‌مامی په‌یوه‌ندیێن خوه ل گه‌ل حكومه‌تا ئه‌نكه‌ره هه‌لاویستن.
عه‌بدولا سه‌نی سه‌رۆك وه‌زیرێ حكومه‌تا نیشتمانیا لیبیا راگه‌هاند:لیبیا باوه‌ری ب په‌یوه‌ندیێن ل گه‌ل ئه‌نكه‌ره نه‌مایه و بو وان رۆن بویه توركیا ل هه‌مبه‌ر گه‌لێ لیبی په‌یوه‌ندیین وێ ل سه‌ر بنه‌مایێ راستگویێ نینه توركیا ژێده‌رێ هه‌ڤكاریكرنا سه‌بازی و چه‌ك و ته‌قه‌مه‌نیانه بو گرۆپێن تیرۆریستیا (فه‌جر) له‌ورا زه‌حه‌مه‌ته لیبیا بشێت به‌رده‌وام بیت د په‌یوه‌ندیێن خو ل گه‌ل حكومه‌تا ئه‌نكه‌ره .
ل هه‌مبه‌ر گوتنێن سه‌رۆك وه‌زیرێ لیبیا وه‌زاره‌تا ده‌رڤه‌یا توركیا گوتنێن وی ب تومه‌ت و بێ بنه‌ما و بێ هه‌بونا گرۆڤه‌كێ راست دیاركر و بزاڤێن ئه‌نكه‌ر و نه‌ته‌وه‌یێن ئیكگرتی بو چاره‌كرنا ره‌وشا لیبیا .
جهێ ئاماژه پێدانی یه حكومه‌تا لیبیا بریار هه‌لاویستنا كارێ كومپانیێن توركی ل ناڤا ئه‌وی وه‌لاتی راگه‌هاند و بریاره ته‌ڤایا گرێبه‌ستێن ل گه‌ل توركیا بهێنه راوه‌ستاندن.
توركیا داخوازیه‌كا عیراقێ ره‌تكر
سه‌رۆك وه‌زێرێ توركیا راگه‌هاند:حكومه‌تا عیراقێ بو رزگاركرنا موسلێ داخازا هه‌ڤكاریكرنا سه‌ربازی ژ ئه‌نكه‌ره كریه .
ئه‌حمه‌د داود ئوغلو سه‌رۆك وه‌زیرێ توركیا دیاركر،هه‌فتیا رابۆری د په‌یوه‌ندیه‌كا ته‌له‌فونی دا ل گه‌ل ئوسامه نوجێفی جێگرێ سه‌رۆك كومارێ عیراقێ، ره‌وشا ئه‌وی وه‌لاتی و پرسا ئازادكرنا باژێرێ موسلێ ژ ده‌ستێن تیرۆریستێن داعشێ شرۆڤه‌كر و سه‌رۆك وه‌زیرێ توركیا ئه‌و چه‌نده ژی دیاركر كو جێگری سه‌رۆك كومارێ عیراقێ داخاز ژ توركیا كریه ل پرۆسیسا ئازادكرنا موسلێ هه‌ڤكاریا سوپایێ عیراقێ بكه‌ت و ئه‌نقه‌رێ ئه‌و داخوازی ره‌تكریه .
ئه‌حمه‌د داود ئوغلو سه‌رۆك وه‌زیری توركیا ته‌ئكید كر كو وه‌لاتێ وی پشته‌ڤانیا پرۆسیسا ئازادكرنا موسلێ دكه‌ت و بڤان نێزیكان وه‌زیرێ به‌ره‌ڤانیا وه‌لاتێ وی دێ سه‌ره‌دانا به‌غدا كه‌ت،داكو دوڤچونا پێدڤیێن سه‌ربازیێن عیراقێ بكه‌ت و ژ نێزیكڤه پلانا سه‌ربازی یا پرۆسێسا ئازادكرنا موسلی شرۆڤه كه‌ن.
نيشاندان
WP Facebook Auto Publish Powered By : XYZScripts.com