ئه‌ڤرۆ نيوز، ناجی به‌ده‌ل:

د.ئیبراهیم محه‌مه‌د ماموستایێ زانكویا دهۆكێ بو ئه‌ڤرۆ نیوز دیاركر نه‌ مه‌رجه‌ ئه‌و رۆخسارێ دستوریه‌تی هه‌ی‌ پێگیری بین و به‌س باشتره‌‌ ل گه‌ل بچین لگوری ئه‌و تیگه‌هێن راڤه‌یا راسته‌قینه‌یا دستوری هاتنینه‌ كرن .

ناڤبری ئه‌و چه‌نده‌ ژی گوت: د قوناغا نها دا سه‌ره‌ده‌ری هاتیه‌ كرن ل گه‌ل هه‌رێمێ وه‌ك ده‌وله‌ت و كیانه‌كێ تایبه‌ت دناڤا ده‌وله‌ته‌كا فیدرالی دا و دڤێ قوناغێ دا ئه‌گه‌ر عیراق ل گه‌ل ره‌وشا نها دا گوهورینێ د خودا نه‌كه‌ت و ل گه‌ل سیسته‌م و گوهورینین ده‌ولی نه‌چیت، ره‌وشا وێ باشتر نابیت ژ یا نها.

ماموستایێ زانكویێ ئه‌و چه‌نده‌ ژی دیاركر ئه‌و گوهورینێن ل عیراقێ روو دده‌ن دڤێت ب دستوریی بهێنه‌كرن و ل گه‌ل سیسته‌می ده‌ولی بهێته‌ گونجاندن و ئه‌گه‌ر دستوریه‌ت ل عیراقی دا په‌یدا نه‌بیت دڤێت به‌ره‌ڤ دابه‌شبونێ بچیت ل گه‌ل سیسته‌می ده‌ولی هه‌ڤ رابیت و هاوكێشه‌یێن هه‌ریمایه‌تی سه‌ره‌ده‌ریه‌كا گشتی و تایبه‌تی تر ل عیراقێ و هه‌ریما كوردستانێ دكه‌ن .

د.ئیبراهیم گوت ژی پشتی نه‌ما داعشێ دڤێت كار بو نه‌ڤه‌گه‌راندنێ بو خالا به‌ریا داعشێ چونكو ده‌م و ره‌وش و كاودان گوهورینان ل سه‌ر خواست و ئارمانج و به‌رژه‌وه‌ندیێن مله‌تێ كورد یناینه‌ و هه‌رێم ده‌ستا ژ ریفراندومێ نه‌به‌رده‌ت و رژدبیت ل سه‌ر ئه‌نجامدانا وێ .

ئه‌ڤرۆ نيوز، ناجی به‌ده‌ل:

نێزیكاتیا داعشێ ل گه‌ل سونه‌یان نێزیكاتیه‌كا مه‌زهه‌بی یه‌ و ئایا ب ئه‌گه‌رێ ئه‌وێ نێزیكاتیا هه‌ی سونه‌ دێ شێن داعشی ژ عیراقی ده‌ر بێخن، د.سه‌لاح رێكانی پسپور دبیاڤێ ئیسلامێ دا بو ئه‌ڤرۆ نیوز راگه‌هاند: ب ئه‌گه‌رێ ئه‌وێ نێزیكیتیا سونه‌یان ل گه‌ل داعشێ نه‌شێن بتنێ داعشێ ده‌ربێخن ژ عیراقێ، ل گه‌ل جیهانا ئیسلامیێ هه‌مو پێكڤه‌ دێ شێن لێ ب هیڤیا سونه‌یان بیت چ ناهێته‌ گوهورین و چ پێ چێ نابیت .

د.سه‌لاح رێكانی گوت ژی ره‌وشا عیراقێ و ده‌مێ توره‌بونا سونه‌یان ژ حكومه‌تا مالكی و زلمكرن ل سونه‌یان و هزرا داعشێ به‌رفره‌هـ بو،بو خوراگرتن ل هه‌مبه‌ر ئه‌وێ زولمێ روو و هزر ل داعشێ هاته‌كرن و نها ئه‌م هه‌مو عیراق و جیهان یێ باجا ئه‌ڤێ هزرا خه‌له‌ت دده‌ین و دڤێت هه‌مو پێكڤه‌ بزاڤ و پێكولان دپێخه‌مه‌تا وه‌لاتیێ خو تێبگه‌هینن ئه‌وێن كو ئه‌وا ئه‌و دكه‌ن دور و خه‌له‌ته‌ نه‌یا ره‌وا و درۆسته‌ و حكومه‌ت و لایه‌نێن پسپور چاره‌سه‌ریا ئه‌ڤێ هزرا خه‌له‌ت  بكه‌ن .

د.سه‌لاح رێكانی ئه‌و چه‌نده‌ دیاركر كو هزر و بیرو باوه‌رێن داعشێ توندره‌ون‌ و هه‌ر مرۆڤه‌كێ خو ده‌ربێخیت ب دینی و شاره‌زایی و خیلافا مه‌زهه‌بی درۆست ‌بكه‌ت نه‌یا درۆسته‌ لێ ئه‌ڤا داعشێ كری تێكدان و دوو به‌ره‌كی بویه‌ .

ناڤبری ئه‌و چه‌نده‌ ژی دیاركر ل ئیسلامێ دا ئێك رایایی یا كێمه‌ به‌لكو هه‌مه‌جوریا رایان هه‌بویه‌ باشترین هاتیه‌ بكار ئینان و لێ ئه‌ڤا داعشێ یا خو بتنێ دبینن و هه‌مبه‌ری خو ته‌كفیر د ده‌نه‌ زانین هزر و ره‌هـ و ریشالێن داعشێ ڤه‌دگه‌ریت بو سه‌له‌فیا سعودیێ كو ته‌به‌نیا ئیك هزر و فكر دكه‌ن .

د.سلاح رێكانی دازانین دڤێت هاریكاری و پشته‌ڤانیا ته‌یارێ میان ره‌و بهێته‌كرن ژبو راكرنا هزرا داعشێ و هه‌ر پشته‌ڤانی ل هزره‌كا دی یا توندره‌و بهێته‌كرن بو نه‌هێلانا داعشی دێ جاره‌كا دی بیته‌ مه‌ترسی ل سه‌ر مه‌ هه‌مویان .

ناڤبری دازانین ئه‌گه‌ر سونه‌ ب ڤی كاری رابن دێ باشتر بیت ژ شیعه‌یان چونكو شیعه‌ بكه‌ت دێ به‌رڤ شه‌ره‌كێ تایئفی چیت ،ئه‌گه‌ر سونه‌ بن ئه‌وێن دیڤ داعشی كه‌تین دێ زانن هزرا وان یا خه‌له‌ته‌ و بیته‌ هاریكار بو نه‌هێلانا هزرا داعشی و سونه‌یێن عیراقێ دڤێ قوناغێ دا و هاتنا وان بو ناڤ پرۆسیه‌یا سیاسی و راكرنا داعشی ژ عیراقی یا ب زه‌مه‌ته‌ چونكو هه‌تا نها هه‌ست ب زولم و سته‌مێ دكه‌ن دێ چه‌وا شین چنه‌ گه‌ل وان ل دژی داعشی راوه‌ستن .

ئه‌ڤرۆ نيوز، ناجی به‌ده‌ل:

محسن سه‌عدون ئه‌ندامی لژنا قانوونى ل جڤاتا نوونه‌رێن عیراقێ بۆ ئه‌ڤرۆ نیوز راگه‌هاند: حه‌یده‌ر عه‌بادی سه‌رۆك وه‌زیرێ عیراقێ د داخویانیێن خوه‌ دا دیاركر بوو كو دڤێت سه‌رهلدانه‌كا عه‌شائیری دروست ببيت و پشته‌ڤانیا هه‌ر جوره‌كێ هوسا دكه‌ین و ئه‌ڤه‌ ل ده‌مه‌كی دایه‌ كو ل ده‌مێ ته‌نگاڤیێ و نه‌هێلانا تیرۆرێ حكومه‌تا عیراقێ هه‌موو تشته‌ك بكار ئینایه‌ مینا هێزین عه‌شائیری و حه‌شه‌د شه‌عبی یێن شیعی و چه‌ندین جورێن دی لێ ل گوری قانوونێ ئه‌و هه‌موو هێزه‌ نه‌ د قانوونێ دانه‌، دڤێت ل گوری قوونانێ هێزا نیشتمانی بهێته‌ رێكخستن.

ئه‌ندام په‌رله‌مانێ عیراقێ ئه‌و چه‌نده‌ ژی دیاركر كو نها ل جڤاتا وه‌زیران مژوولی دارشتنا قانوونا هێزێن نیشتمانی نه‌ كو ل هه‌ر پارێزگه‌هه‌كێ هێزه‌كا نیشتمانیا ژ خه‌لكێ ئه‌وێ پارێزگه‌هێ بیت و چاڤه‌ریێ هاتنا ئه‌وێ قانوونێ نه‌ و ل هه‌رده‌ما هات ئه‌و هه‌موو هێزێن هه‌ین دێ هێنه‌ رێكخستن بۆ بن ئیك سه‌يوان ئه‌و ژی هێزا نیشتمانی یه‌.