ئه‌ڤرۆ نیوز، ناجی به‌ده‌ل:

عه‌لی ئوره‌ماری جێگرێ مه‌لبه‌ندێ ئێكه‌تیا نیشتمانیا كوردستانێ ل دهۆكێ بو ئه‌ڤرۆ نیوز راگه‌هاند:سالا 2014 ساله‌كا مه‌رگه‌سات و بویه‌رێن پری نه‌خوش ب پرسا كوردی ڤه‌ گریدای بون و هه‌لویستێن جودا و رایێن جودا یا دیار بو و دڤێت سه‌ركردایه‌تیا كورد د ئاستێ به‌رپرسیا خویا دیرۆكی دا بیت و ئه‌ڤه‌ژی رامانا وێ چه‌ندێ نا گه‌هینیت مه‌ هزرێن جودا نه‌بن،لێ ناڤه‌نده‌ك هه‌بیت ئه‌وان هه‌مو هه‌لویستێن جودا د چارچوڤه‌یێ فلته‌ره‌كی دا بهێنه‌كرن ئه‌و فلته‌ر ژی ئه‌وێ ده‌رباز بكه‌ت ئه‌وا د به‌رژه‌وه‌ندا كوردایه‌تیێ دا بیت .

ناڤبری ئه‌و چه‌نده‌ دیار كر” ئه‌م چه‌ند قوناغه‌كان چوینه‌ پێش به‌س ئه‌رێ ئه‌و پێشڤه‌چون د ئاستێ داخوازیێن مه‌دایه‌ نه‌خێر و سه‌قایێ سیاسی ده‌وروبه‌رێن هه‌رێمێ یێ ساخله‌م نینه‌ بو سه‌ركه‌‌فتنا دیپلوماسیا كوردی و گوتاره‌كا كوردی یا ساخله‌م درۆست بیته‌ ڤه‌ .

عه‌لی ئوره‌ماری ئه‌و ئیكه‌ ژی دیاركر مه‌ توخیبه‌كێ گه‌له‌كێ ئالوز ل گه‌ل ناڤه‌ندێ هه‌یه‌ و هنده‌ك ده‌ڤه‌ر تێكه‌لبوینه‌ ئه‌و تێكه‌له‌ دێ ب جهی هێته‌ چاره‌ كرن كو ژ پێكهاته‌یێن شیعه‌ و سونه‌ و كوردان و ئه‌م هیزا كورد دڤێت ئاخا كوردستانێ ب پارێزین و ره‌نگه‌ یێ شیعه‌ ژی بێژیت من خه‌لك هه‌یه‌ دڤێت ئه‌ز ژی خه‌لكێ خو ب پارێزم.
ناڤبری ئه‌و چه‌نده‌ ژه‌ی دیاركر سه‌ركردایه‌تیا كوردا ل هه‌رێما كوردستانێ هه‌تا ئه‌ڤرۆ نه‌بویه‌ خودان ناوه‌ندا باوه‌رپێكری نه‌خشه‌یه‌كێ سیاسی بو كوردستانێ درۆست بكه‌ت .

ئه‌ڤرۆ نیوز، ناجی به‌ده‌ل:

نه‌جیبا بامه‌رنی ئه‌نداما لژنا دارایی ل جڤاتا نونه‌رێن عیراقێ بو ئه‌ڤرۆ نیوز راگه‌هاند:75 ملیار دینار بو ماده‌یا 140 بو سالا 2015 هاتینه‌ ته‌رخانكرن ل چاڤ سالێن بوری دا كو 170 ملیار دینار بو دهاتنه‌ دانان و ب ڤێ كێمیا پاره‌ی كارێن وێ ماده‌یێ ب شێوه‌یه‌كێ رێك و پیك برێڤه‌ ناچن .

ناڤبرێ ئه‌و چه‌نده‌ ژی دیاركر دێ بزاڤێ كهن ل رۆنشتنێن په‌رله‌مانی دا داخوازا زێده‌كرن و ده‌رگه‌هـ ڤه‌كرنا داهاته‌كێ دی بو بكه‌ین .

ئه‌ندام په‌رله‌مانێ گوت ژی ” ژ ئه‌گه‌رێ ئه‌و قه‌یرانا دارایی یا سالا بهێت روو ب روو عیراقێ دبیت ب ئه‌گه‌رێ هاتنه‌ خوارا بهایێ په‌ترۆلێ، حكومه‌تێ هه‌مو خه‌رجی یێن خو كێم كرن ب یا ماده‌یا 140 ڤه‌ ژی .