كومپانیا ئه‌پل ده‌مژمێره‌كا نو یا ته‌له‌فونێ درۆست كریه و بی شاشه‌یه به‌لكو ل ده‌می كار كرنی ب شیوه‌یه‌كی لیزه‌ری شاشه‌یا وی ده‌ردكه‌ڤیت و وه‌ك هه‌ر مو بائیله‌كا شاشه‌یی دهیته بكار ئینان و به‌رگه‌یا ئاڤێ و گه‌رماتیی دگریت و هێسانتره ژ ده‌مژمێره‌كا دیا مینا وێ .
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
naci bedel
رێكه‌تنا هه‌رێمێ و به‌غدا چه‌ند سه‌ركه‌فتن بیت هند ژی شكه‌ستن تێدایه
راگه‌هاندكار و كادرێ پێشكه‌فتیێ ئێكه‌تیا نیشتمانیا كوردستانێ ژوان ئه‌حمه‌د سه‌عید بو ئه‌ڤرۆ نیوز راگه‌هاند چونا شاندێ كوردی و رێكه‌فتن ل گه‌ل به‌غدا بتنێ بابه‌ت و دوسه‌یه‌كا ئه‌بستراكت نینه كو په‌یوه‌ندی ب ته‌ڤایا پرسگریكێن دیڤه نه‌بیت ئانكو ئه‌ڤ بابه‌ته په‌یوه‌ندیداره ب سیاسه‌تا نه‌فتا هه‌رێمێ و په‌یوه‌ندیێن توركیا و هه‌رێمێ و توركیا و به‌غدا و پاشی ئه‌مریكا ره‌وشا ئه‌منی یا ده‌ڤه‌رێ ڤه هه‌یه.
ژوان ئه‌حمه‌د دیاركر كو ئه‌و رێكه‌فتنه چه‌ند سه‌ركه‌فتن بیت هند ژی شكه‌ستن تێدایه به‌روڤاژی بهایێ راستیا شكه‌ستنا مه‌نه و مه ده‌ستكه‌فت هه‌بوون چونكو چونا نه‌فتێ ژ ره‌تكرنه‌كا رها كره بابه‌ته‌كێ یاسایی و دیفاكتوییی جیگیر بو كوردان ل عیراقێ ل هه‌مان ده‌م دا ئه‌و نه‌فتا مه دهنارت بێخینه به‌رده‌ستێ عیراقێ نه‌چاربوین سه‌ودایه‌كێ ل سه‌ر بكه‌ین و پشكه‌كێ ب رێكا عیراقێ بهنێرین.
كادرێ ئێكه‌تیا نیشمانی درێژی ب گوتنێن خوه دا و گوت: “ئه‌ڤه ژی ره‌خه‌كا بابه‌تی یه ئه‌رێ حكومه‌تا هه‌رێمێ دێ رۆن كه‌ت بو خه‌لكی كو نها 375 هه‌زار به‌رمیلێن نه‌فتێ د رۆژه‌كێ دا ره‌وانه دكه‌ت، ئه‌رێ 175 هه‌زارێن دی دێ چ ب سه‌ر ئێت و ئه‌رێ داهاتێ وێ چیته كیڤه و چه‌وا ئێته خه‌رجكرن ئانكو لایه‌نه‌كێ مه‌زنێ سیاسه‌تا نه‌فتێ ل كوردستانێ نه زه‌لاله و پێدڤیه بهێته رۆنكرن “.
ناڤبری ئاماژه ب ئه‌وان باندورێن هه‌ی دازانین كو دڤێ پرسگرێكێ دا ئیران و ئه‌مریكا كاریگه‌ریه‌كا مه‌زن هه‌بوو ل سه‌ر ئه‌وێ چه‌ندێ هه‌ر دولا كومبن بو دانوستاندنێ و لێك تێگه‌هشتنێ و ره‌وش ژی ب خوه هاریكاره‌كێ باش بوو چونكو دوژمنه‌كێ هه‌ڤبه‌ش ل به‌رسنگێ وانه ئه‌و ژی داعشه له‌ورا هه‌مو لایه‌ن گه‌هشتنه ئه‌وێ رایێ كو ب تنێ ب پێكڤه و لێكتێگه‌هشتن دشێن ئاریشه‌یێن ناڤبه‌را خوه چاره بكه‌ن.
ژ وان ئه‌حمه‌د ئه‌وێ چه‌ندێ ژی دیار دكه‌ت كو ئه‌ڤا جهێ هزركرنێ یه دڤێ رێكه‌تنێ دا ب تنێ دوسه‌یا نه‌فتێ بوویه ل ده‌مه‌كی دا زور ئاریشه ل گه‌ل به‌غدا هه‌نه ژ ئاریشه‌یا خاك و سامان و به‌شداریا سیاسی و دڤێ جارێ دا به‌غدا ل پێگه‌هه‌كێ بهێزتر بو پوسته‌كێ لاواز دایه كوردان كو به‌حسێ ماده‌یێ 140 نه‌ئێته‌كرن و ب رایا من ئه‌ڤه ئه‌و بۆچوون توخ دبیت كو سه‌ركردایه‌تیا سیاسی یا كوردی د پێخه‌مه‌تا سامانی دا خاك ژ ده‌ست دا و بێ باكه ژ خاكا كوردستانێ و هیڤی یا من ئه‌وه ب وی شێوه‌ی نه‌كه‌ڤیت.
هه‌روه‌سا ژوان دبیت رێكه‌تنه ده‌ستپێكه‌ك بیت و دبێژیت: “بۆ لێكتێگه‌هشتنێن دی ژی ل سه‌ر ماده‌یا 140 و بودجه‌ی و چه‌كداركرنا هێزا پێشمه‌رگه‌ی و ته‌ڤایا دوسه‌یێن هه‌لاویستی چونكو نابیت ب ئێك تریلیون دینار ته‌ڤایا ئاریشه‌یێن پێشمه‌رگه‌ی ل گه‌ل به‌غدا چاره بن كو ئاریشه‌یه‌كا مه‌زنه ژ وان پرچه‌كرنا پێشمه‌رگه‌ی و مه‌رجعیه‌تا پێشمه‌رگه‌ی و توخیبێ چالاكیێن پێشمه‌رگه‌ی هه‌ماهه‌نگیا هێزا پێشمه‌رگه‌ی و سوپایێ عیراقێ”.
ڤيديۆ: جوره‌كێ نوو یێ ترۆمبێله‌كا شه‌ركر ل رۆسیا
ناجی به‌ده‌ل
ب گوره‌يی نووچه‌يه‌كێ مالپه‌رێ رۆسیا توده‌يى، رۆسیا ترۆمبێله‌كا شه‌ركه‌ر یا نوو درۆست كریه دشێت چه‌ندین چه‌كێن گران ل سه‌ر بهێنه گرێدان و گرێدایی هه‌يڤا ده‌ستكردا ئاسمانی يه و گریدانا وێ ب سه‌ركردایه‌تیا له‌شكری ڤه ب شیوه‌كێ ئیكسه‌ره.
ئه‌ڤـ جورێ نوو یی ترۆمبێله‌كا شه‌ری ل رۆسیا هاتیه چێكرن ل شوونا زریپوشان و ب هه‌موو شێوه‌یه‌كێ پێِشكه‌فتی و شه‌ره‌كێ بهێزدشیت بكه‌ت و ترۆمبێلا شه‌ری د شیان دایه جورێن نوو یێن چه‌كێ گران ل سه‌ر بهێنه دانان و شه‌رێ زریپوشان و ره‌شاشه‌یان بكه‌ت و د هه‌مان ده‌م دا دشیت شه‌ری ئاسمانی ژی بكه‌ت .
ترۆمبێلا شه‌ركه‌ر هاریكاره بۆ هه‌ر گوهورینه‌كێ بۆ هه‌ڤدژیا دوژمنی دهێته بكارئینان كو ترۆمبێله‌كا زێرڤانیێ یه بۆ هێزا په‌ژایی و تیمێن گه‌رۆكێن ده‌ڤه‌رێن تایبه‌ت.
ئه‌ڤ جورێ نوو یێ ترۆمبێلا شه‌ری سه‌ركه‌فتنا مه‌زن ب ده‌ست خوه ڤه دئینیت ل ده‌مێ شه‌ری و چونكو ئالاڤه‌كێ بهێزه بۆ خوه پاراستن ژ تیرۆرێ و كردارێن به‌رهه‌نگاربونێ دێ هێته ب كار ئينان.
ئیكگرتوو داخوازا پوستێن ئیداری ل پارێزگه‌ها دهۆك دكه‌ت
لیستا ئێكگرتوویا ئیسلامی كوردستان ل جڤاتا پارێزگه‌ها دهۆكێ داخوازا پوستێن ئیداری دكه‌ت ل گوره‌يی ئه‌وێ رێژه‌یا كورسیێن ب ده‌ست ڤه ئینايی ل پارێزگه‌هێ.
سه‌باح عه‌لی شه‌ریف ئه‌ندامێ جڤاتا پارێزگه‌ها دهۆكێ و سه‌رۆكێ لیستا ئێكگرتوو بۆ ئه‌ڤرۆ نیوز گۆت: “ل ده‌مێ كۆمبوونا جڤاتا پارێزگه‌ها دهۆكێ هاتیه كرن، ئه‌م وه‌كو ئێكگرتوویا ئیسلامی به‌رهه‌ڤی كۆمبوونێ نه دبووین، كا دڤێت چاوان حوكمه‌ت ل سه‌ر بنياتێ بنكه‌فراوان بيت، وه‌سان پارێزگه‌هـ ژى بهێته به‌لاڤكرن، مه بۆ ڤێ چه‌ندێ سوزه‌ك ژ پارێزگارێ به‌رى نوكه و يێ نوكه ژى وه‌رگرتبوو”.
زێده‌تر گۆت: “ل سه‌ر وی بنگه‌هی مه پشكدارى كر و ده‌نگ ل سه‌ر بۆ پارێزگار و سه‌رۆكێ جڤاتا پارێزگه‌هێ دا، به‌لێ هه‌تا نها د ناڤبه‌را جڤاتا پارێزگه‌ها دهۆكێ ب شیوه‌یه‌كێ فه‌رمی دا، دانوستاندن ل سه‌ر نه هاتینه‌كرن، ب تنێ هنده‌ك ئاماژه هه‌نه كو سه‌رۆكێ حوكمه‌تا هه‌رێما كوردستانێ و پارێزگاری دهۆكێ ل رۆژێن بهێت دێ دانوستاندنێ ل سه‌ر كه‌ن”.
سه‌باح عه‌لی ئاماژه ب وێ چه‌ندێ ژى كر كو دڤێت ل گوری پیڤه‌رێ ده‌نگ ب ده‌ست ڤه ئینانا كورسیێن جڤاتێ بیت كو ئێكگرتوو ژی لیستا دويێ یه، مافێ وێ يه ئێك پۆستێن ئیداری وه‌رگریت .
سه‌رۆكێ ليستا ئێكگرتوو ل جڤاتا پارێزگه‌ها دهۆكێ ئاشكه‌را كر كو ئه‌و وه‌كو ئێكگرتوو پێشنیازا وێ چه‌ندێ دكه‌ن كو جێگره‌كێ پارێزگارى ل گه‌ل چه‌ند پۆستێن ئيدارى و رێڤه‌به‌رێن ناحيا و قايمقامان هه‌بن.
ناڤێن په‌یمانگه‌ها گه‌شه‌پیدانێ هاتنه راگه‌هاندن
ئه‌ڤرۆ نيوز، ناجی به‌ده‌ل:
كاوه عومه‌ر هاریكارێ گشتی یێ پلاندانانێ ل وه‌زراه‌تا په‌روه‌ردا حكومه‌تا هه‌ریما كوردستانێ راگه‌هاند: ل پارێزگه‌ها دهۆكێ ئیك په‌یمانگه‌هـ هه‌یه ئه‌و ژی په‌یمانگه‌ها دهۆكێ و ماموستایێن هاتینه وه‌رگرتن وه‌ك قوتابیێن ئه‌وێ په‌یمانگه‌هێ ته‌ڤایا وان 467 كه‌سن لگوری پسپوریێن جودا جودا هاتینه وه‌رگرتن ژبوی شیانێن وان بهێنه بلندكرن.
ناڤبری دیاركر خواندن تێدا دو سالن ب ره‌نگه‌كێ خولی یه ب دووماهی هاتنا خواندنی یان ده‌رچوونا وان د ئیمتیازاتێن ئیداری وه‌كو یێن باوه‌رنامه‌یین به‌كالوریوس هه‌ین مینا ده‌رماله‌یان و مافێ رێڤه‌به‌ریێ و پێشكێشكرنا سه‌رپه‌رشتیاریێ هه‌یه كو چه‌وا به‌كالیورسی هه‌ی.
كاوه عومه‌ر دیاركر ژی رێژه‌یا 90% یا ئه‌و ماموستایێن ل دهۆكی پێشكێش كرین هاتینه وه‌گرتن ل سه‌ر چه‌ند به‌شان كو به‌شا كوردی 60 كه‌س و به‌شا عه‌ره‌بی 49 و ئیگلیزی 61 و بێكاری 52 و زانست 26 و كومپیوته‌ر 45 و جڤاكى 54 و هونه‌ر 60 و وه‌رزش 60.
ئه‌ڤه ژی ناڤێن ئه‌و ماموستایێن هاتینه وه‌رگرتن:
هشیاری پالده‌رێ زوربونا توندكاریێ بویه
ئه‌ڤرۆ نیۆز، ناجی به‌ده‌ل:
ل گه‌ل گوهورینێن جڤاكی و پێشداچونێن مرۆڤایه‌تی توندكاری هه‌بویه و ل گه‌ل خو ئینایه هه‌تا ئه‌ڤێ قوناغێ ب تایبه‌تی ل سه‌ر ژنێ تا ئاسته‌كی هه‌ر مایه .
شه‌پال حه‌سه‌ن به‌رپرسا جڤاتا پارێزگه‌ها دهۆكێ یا ئیكه‌تیا ئافره‌تین كوردستانێ بو ئه‌ڤرۆ نیو راگه‌هاند:كاودانێن ئه‌ڤان سالان وه‌كر رێژه‌یا توندكاریێ ل چاڤ سالین رابۆری زێده ب بیت زێده‌باری رول و كاریگه‌ریا رێكخراوین ئافره‌تان هه‌ر هه‌بویه چاڤه‌كی ل رابردویی بخشینین رێكخراوێن ژنان ده‌ورێ خو دیتی یه رێژه كێم كربو ل بن فشارێن رێكخراوێن ئافره‌تان تژی یاسایا هاتینه گوهارتن و فره‌ژنی نه‌مایه و هاته راگرتن ئه‌ڤه راماناوێ یه ده‌ورێ خو دیتی یه لێ كاودانێن ئه‌ڤان سالێن داویێ توندكاریێ زور كریه .
شه‌پال حه‌سه‌ن ئه‌و چه‌نده ژی دیاركر ره‌وشا سیاسی و ئه‌منی هاتینه گوهارتنن توندو تیژی بویه حاله‌ته‌كی نه‌سرۆشتی و توندو تیژیا مرۆڤایه‌تیا هه‌یه نه‌ك یا ئافره‌تێ بتنێ نها رێكخراوێن ئافره‌تان ده‌نگ لێ بلند كریه و ئه‌گه‌ر خالان رێز به‌ند بكه‌ین دێ ده‌ركه‌فیت چ كریه و حاله‌تین توندوتیژیێ دێ هه‌بن و ل هه‌ر وه‌لاته‌كی و لگوری پیڤه‌رێ رێژه‌یی هه‌یه و لگوری ئه‌وان شیانێن مه رێكخراوا هه‌ین مه‌كریه بو كێم بونێ.
به‌رپرسا جڤاتا پاریزگه‌ها دهۆكێ یا ئیكه‌تیا ئافره‌تین كوردستانێ گوت ژی به‌ریا نها توندوتیژی هه‌ر هه‌بویه نه‌بونا داتایا و رێڤه‌به‌ریه‌تیه‌كێ ل دیڤ چونا وێ بكه‌ت به‌رزه دبون و وێره‌كی بو ئافره‌تێ نه‌بو ،لێ نها هه‌یه و ری لێ دكه‌ت ده‌ما ریكرنێ داتا ده‌ر دكه‌ڤیت و به‌ریا نها نه یا دیتی بو ژ شه‌رما جڤاكی و ده‌یباب و رۆخ و دورێن خو نها كێم بویه به‌س ئه‌و كێمی دهینه داتاكرن و هژماركرن كو جارا ئیكێ دبیت بهێنه هژماركرن ئه‌ڤه هوسا دیاردبیت زێده‌بویه پشتی وێره‌كیا ئافره‌تێ و ده‌رئێخستنا خو ژ بن توندكاریێ و ری ل جهین ل دیڤ ئازادیا وی دگه‌رن دچن حه‌زا چاره‌كرنێ وه‌كر حاله‌ت زور بن به‌س زێده‌تر نینه ژ به‌رێ.
شه‌پال خانێ ئه‌و چه‌نده ژی دیاركر هشیاركرنا ره‌وشه‌نبیرێ و پێشكه‌فتنا جڤاكی ژ هه‌مو رویانڤه وه‌كر كه‌س ل سه‌ر خو قه‌بیل ناكه‌ت توندكاری ل سه‌ر بهیته‌كرن.
سه‌میرا حسێن به‌رپرسا ئێكه‌تیا ژنان ل دهۆكێ بو ئه‌ڤرۆ نیوز راگه‌هاند:هه‌مو رێكخراو ئه‌گه‌رن بو دیاركرن و دانه خویاكرنا توندكاریێ ئه‌وا ل هه‌مبه‌ری ئه‌وان دهێته كرن بریارا د ده‌ستێ حكومه‌تێ دایه بو نه‌هێلانا توندكاریێ و جڤاك نه یا هاریكاره ژن ب ئازادانه بچیت گازه‌ندایا خو یان توندكاریا ل هه‌مبه‌ری وێ دهێته‌كرن بكه‌ت چ دادگه‌هـ بیت یان رێڤه‌به‌رایه‌تێن توندوتیژیێ بن یان هه‌ر ریكخراوه‌ك بیت .
سه‌میرایێ ئه‌و چه‌نده ژی دیاركر ئه‌گه‌رێ سه‌ره‌كی جڤاكه پالده‌رێ توندكاریێ و نه‌هێلانا ئازادیێ بو ژنێ و كاریگه‌ریا خو هه‌یه ل سه‌ر ژنێ ل رۆكه‌شی هه‌مو كه‌س به‌حسی ئازادیا ژنێ دكه‌ن ده‌ما دچیته ناڤا خێزانا ئیكی دا كارڤه‌ندان روو دده‌ن به‌رۆڤاژی ئه‌ڤه بخوژی ئه‌گه‌ره‌كه بو نه ریدانا گوهورینی و ئازاددیێ ئه‌وێ ب ئاخفتن وه‌ردگریت به‌لێ ب كریار رازی نابیت بجهـ بێت.
داخۆيانيێن جۆ بايدن بزاڤێن عه‌ره‌بان بۆ ژناڤبرنا داعش سست كرن
ئه‌ڤرۆ نيوز، ناجی به‌ده‌ل:
مامۆستايه‌كێ زانكۆيا دهۆك دياركر كو داخۆيانێن جۆ بايدن بووينه ئه‌گه‌رێ لاوازيا هه‌لويستێ عه‌ره‌بان ل دژى داعش و پشته‌ڤانيكرنا كۆبانێ ژى ژ لايێ كوردان ڤه كو نه وه‌لات نينه و شيانێن وێ گه‌له‌ك ل دژى داعش ب هزێن عه‌ره‌ب نه‌ره‌حه‌ت كرينه.
د. فه‌رسه‌ت مه‌رعی مامۆستایێ زانكۆیا دهۆك بۆ ئه‌ڤرۆ نیوز گۆت: “ده‌وله‌تێن عه‌ره‌بى د ناڤا هه‌ڤپه‌يمانيان نێڤده‌وله‌تى دا وه‌كو سعوديه و ئيمارت هه‌ر ژ ده‌سپێكێ وه‌ره ب فرۆكێن جه‌نگى شه‌ر ل دژى داعش كريه، به‌لێ پشتى داخۆيانيا جۆ بايدن ئه‌وا گۆتى كو وه‌لاتێن عه‌ره‌بى ل گه‌ل توركيا هه‌ڤكاريا داعش دكه‌ن سستيه‌ك خستيه كارێ وان”.
مامۆستايێ زانكۆيا دهۆك زێده‌تر گۆت: “ئه‌ڤ داعش يا نوكه دروست بوويى، ژ ناڤ عه‌ره‌بان رابوويه و ل گه‌ل وه‌لاتێن عه‌ره‌بى ژى سه‌رهلدايه و نوكه هه‌ر ئێك مژوولى خوه‌يه، ئه‌ڤێن ئاماده هاريكاريێ ژى بكه‌ن، ژ ئه‌گه‌رێ مژووليا وان ب ئاواران ڤه نه‌شياينه وه‌كو پێدڤى هاريكاريا سه‌ريازى پێش كێش بكه‌ن”.
نه‌ڤه‌شارت ژى كو ئێكنه‌بوونا عه‌ره‌بان ب خوه دبيته ئه‌گه‌ره‌كێ دى يێ كو نه‌شێن هاريكاريێن باش د هه‌ڤپه‌يمانيا نێڤده‌وله‌تى دا ل دژى داعش بكه‌ن.
ل دووماهيێ ژى دا زانين كو پشكدارينه‌كرنا عه‌ره‌بان بوويه ئه‌گه‌ر رێ ب فرۆكێن عه‌ره‌بى نه‌هێته دان ل داعش بده‌ن و گۆت: “چوونا پێشمه‌رگه‌ى بۆ كۆبانێ ژى هه‌تا راده‌كى ئه‌و نه‌رحه‌ت كرينه كو هێزه‌كا كاريگه‌ر پتر ژ ده‌وله‌ته‌كێ بشێت به‌رهنگاريا تيرۆرێ بگريت، ئه‌ڤه ژى بۆ ده‌وله‌تێن عه‌ره‌بى يا نه‌خۆشه”.
بێ باوه‌ری ئه‌گه‌رێ نه‌یاسایكرنا چاره‌سه‌ریێ یه
ناجی به‌ده‌ل
دوباره بونا ئاریشه و نه ڤه‌دیتنا رێكارین یاسایی و دوماهیك هاتنا وان ب رێكا په‌رله‌مانێ یاسایه‌ك بو بهێته رێكخستن .
په‌ریزاد شه‌عبان ئه‌ندام په‌رله‌مانتارا خولا چویی بو ئه‌ڤرۆ نیوز راگه‌هاند:هه‌ر ئاریشه‌یه‌ك ب رێكێن درۆستێن یاسای دا نه‌هاتینه ده‌رباز كرن ل ئه‌ڤێ عیراقا ئه‌ڤ تیدا ئه‌م دژین به‌لكو رۆژ ب رۆژێ ئاریه‌شه مه‌زنتر لی هاتینه و ده‌م كوشتن بو چاره‌سه‌ری و نه چ دی ل ده‌می بوری دا و پێدڤی بو ده‌م و پێگربونا ده‌می بهاتبایه‌كرن نه د گه‌هشته ئه‌ڤی ئاستی ئاریشه.
ئه‌ندام په‌رله‌مانا خولا رابوری دیاركر هاتنا حه‌یده‌ر عه‌بادی گوهورینه‌ك ئێخسته د سه‌قایێ راوه‌ستاندنا ئاریشه‌یان و به‌س نه ب وی شێوه‌یێ مه بڤێت چونكو هه‌ر ژ ئه‌وێ قوتابخانه‌یا مالكی و كومه‌كا كه‌سان ل گه‌لن و هزر و بیرێن هوسا به‌رته‌نگ هه‌نه ده‌ربارێ كوردان جودا نین ژ مالكی ئه‌ڤ فشارا عه‌بادی بكار دئینیت ل پاشه‌رۆژێ ب شكه‌ستنێ دوماهیك ئێت و ئه‌و بخو هه‌تا راده‌یه‌كێ به‌شداربویه د گڤاشتنێن چوی دا ده‌مێ سه‌رۆكێ لیژنه‌یا مالی بو چوار سالا من ل گه‌ل كاركریه رۆمه‌تێ خو ب پاقژی ده‌ته خویاكرن ژبه‌ر سیاسه‌تا ده‌رڤه نها.
په‌ریزاد خانێ گوت ژی دێ چاره‌نه‌كرنا ئاریشه‌یان ژێك جودابونه و بزاڤێ بكه‌ین ئه‌گه‌ر ل گه‌ل ئێك نه‌بین ژی ئێك نه راوه‌ستین ژی چونكو دێ بینه هه‌ڤسیێن ئێك ب ئاوایه‌كێ دیموكراسی په‌یوه‌ندێن باش دبیاڤی دپلوماسی و سیاسی و ئابۆری مه هه‌بن ل گه‌ل عیراقێ ل ده‌مێ جودابونێ هزرێنتوندێن هوڤانه نه بین.
ئه‌و ئیكه ژی گوت سیاسه‌ت دهاته گوهورین و سیاسه‌تا مالكی یا توند بو و 60 په‌رله‌مانتارێن كورد نه‌شیاینه ب هه‌لبژارتنان رێكێن چاره‌سه‌ریێ بكه‌ینه یاسا و هه‌تا نها ته‌وافوق نه هاتیه‌كرن ل سه‌ر ئه‌وی بابه‌تی مه چه‌ندین جارا بزاڤكرینه لێ په‌شێمان بوینه و نه هاتیه دیڤ ئه‌وێ داخوازیێ و هه‌تا لایه‌نێ یاسایی داخوازكر لێ ژ به‌ر چه‌ند به‌رژه‌وه‌ندێنن مالكی ئه‌و هه‌مو خه‌ونێن په‌رله‌مانتاران بن ئاخ دكرن و نه هێلا ب لێك تێگه‌هشتن ب رێكێن یاسایی ئاریشه بهێنه چاره‌كرن
په‌ریزادێ ئه‌و چه‌نده ژی دیاركر چاره‌سه‌ریا نها ده‌م كوشتنه و نه لگوری پێدڤی یه ب ده‌رئێخستنا یاسایا نه‌فت و غازێ دبیت ئه‌و ئاریشه‌یا نه‌فتێ بهێته ئیكلایكرن و ده‌سه‌لاتا عیراقێ بخو ریگره بو نه خواندنا ئه‌وێ یاساییێ ل په‌رله‌مانی ئه‌ز نه گه‌شبینم ب ئه‌ڤی شێوه‌یی چاره‌سه‌ر بیت و هزرا پرانیا په‌رله‌مانتارێن عیراقێ نه دوێ هزریدانه كورد به‌شه‌ك نینه ژ عیراقێ و حسابا وێ بو نه‌هاتیه‌كرن هه‌ر ده‌مێ دكه‌ڤنه لاوازیێ دا دیڤ داخازیا كوردی دهێن به‌سنه رێێن یاسایی داكو ب شێن ل ده‌مێ پێدڤی ب وان په‌شێمان بن ژێ باشترین چاره جودابونه و ئێدی ده‌می ب فرۆ نه‌ده‌ین.
زانكۆیا ئارتۆكلۆ تۆمه‌تان ره‌ت دكه‌ت
ئه‌ڤرۆ نيوز، ناجی به‌ده‌ل:
قوتابيه‌كێ پشكا كوردولۆژى ل زانكۆيا ئارتۆكلۆ يا ماردينى دياركر كو ئه‌و تۆمه‌تێن سه‌رۆكێ زانكۆيێ و مامۆستايێن وێ پشكێ پێ هاتينه گرتن د سياسى بوون و چو په‌يوه‌ندى ب گه‌نده‌ليێ ڤه نه‌بوو.
سه‌عيد ئوسمان، قوتابيێ پشكا كوردولۆژى ل زانكۆيا ئارتۆكلۆ يا ماردينى د داخۆيانيه‌كێ دا بۆ ئه‌ڤرۆ نيوز گۆت: “حزكمه‌تا توركيا قه‌درى يه‌لدم، جێگرێ سه‌رۆكێ زانكۆيا ئارتۆكلۆ يا ماردينى و سه‌رۆكێ پشكا كوردولۆجى ل گه‌ل 50 مامۆستايێن دى ب تۆمه‌تا گه‌نده‌ليێ ده‌سته‌سه‌ركرن، پاشان پشتى پێنج رۆژان هاتنه ئازادكرن”.
ئه‌ڤى قوتابيێ ماسته‌رێ زێده‌تر گۆت: “بابه‌تێ ئه‌ڤ مامۆستايه پێ هاتينه گرتن چو په‌يوه‌ندى ب گه‌نده‌ليێ ڤه نه‌بوو، بابه‌ته‌كێ سياسى بوو، به‌لێ ل ژێر په‌ردێ گه‌نده‌لێ هاتبوونه ده‌سته‌سه‌كرن، ب مه‌ره‌ما ژناڤبرنا ڤێ پشكێ”.
ئاشكه‌را كر كو ژ به‌ر سه‌ركه‌فتنا ڤێ پشكێ د نێزيككرنا كوڕێن كوردان ژ هه‌ر چار پارچێن كوردستانێ و گه‌له‌ك وه‌لاتێن دى يێن جيهانى، حوكمه‌تا توركيا بزاڤ كرن كێشان ل هه‌مبه‌ر دروست بكه‌ن دا كو بهێته داخستن.
سه‌عيد ئوسمان دا زانين ژى كو سوبه‌هى ئێڤارى بڕياره د كۆنگره‌كێ رۆژنامه‌ڤانى دا، ل به‌ر ده‌رێ زانكۆيا ئارتۆكلۆ يا ماردينى، د پرێس كۆنفرانسه‌كى دا، قه‌درى يه‌لدم به‌ياننامه‌كێ ب خوينيت و تێدا ئه‌و تۆمه‌تێن ئاراسته‌يى وى هاتينه كرن ب گۆره‌ى به‌لگه‌يێن پێدڤى ره‌تكه‌ت.
ئه‌ڤى قوتابى ته‌كست ل سه‌ر وێ چه‌ندێ كر كو ئه‌ڤه زێده‌ترى بابه‌ته‌كێ سياسى چو تشتێ دا نينه، دێ به‌رده‌وامى ژى ب كارێ پشكێ هێته دان و خواندن ل وێرێ دێ يا به‌رده‌وام بيت
شنگال دێ به‌رى مووسل هێته ئازادكرن
ئه‌ڤرۆ نيوز، ناجی به‌ده‌ل:
جوبایدن جێگرێ سه‌رۆكێ ئه‌مریكا دیاركر دێ پشته‌ڤانیا هێزێن هوزێن باژیرێ مووسلێ هێته‌كرن و ئانكو چه‌كدارككرن و مه‌شق و راهێنانێ پێ كه‌ن.
سه‌رۆكێ جڤاتا پاریزگه‌ها مووسل بشار كیكی د داخویانیه‌كی دا بۆ ئه‌ڤرۆ نیوز راگه‌هاند كو عه‌ره‌ب نه رێكخستینه نه سۆپایه، دڤێت سه‌ر و شنیكا بهێته پێك ئینان و دڤێت ل دژی داعش رابن.
سه‌رۆكێ جڤاتا پارێزگه‌ها مووسل ئه‌و چه‌نده ژی دیاركر ده‌ما هوزێن عه‌ره‌ب دهێنه چه‌كدارن دڤێت یاسایه‌ك بۆ كار و رێكخستنا ئه‌وان بهێته ده‌رخستن ب ناڤێ زێره‌ڤانێن نشتمانی و بۆ هه‌ر پارێزگه‌هه‌كێ ل بن سیبه‌را ئه‌وێ یاسایی درێژیێ بكارێن خوه بده‌ن و هه‌موو پیكهاته‌یان به‌هرا خوه دێ تێدا هه‌بیت.
بشار كیكی ئه‌و چه‌نده ژی دیاركر دبیت شه‌نگال به‌ریا باژیرێ مووسل بهێته رزگراكرن لی هێشتا دیار نینه ئاوایی وێ چاوانه چونكو ئه‌ڤه ل گوری پێدڤیین كارێن له‌شكری دبیت و یا گرنگ نه‌مانا داعش و ئارامی بو ئه‌وان ده‌ڤه‌ران ڤه‌گه‌ریت.
نيشاندان
WP Facebook Auto Publish Powered By : XYZScripts.com