سەرۆكێ‌ لژنەیا ئۆلمپیا ئیراقێ‌ سۆزدا هەر یاریزانەكێ‌ پشكداری ئۆلمپیادا فرەنسا 2024ێ‌ بیت و میدالییا زێری ب دەستڤە بینت دێ‌ ب خەلاتێ‌ ئێك ملیۆن دۆلاران دگەل ترۆمبێلەكا زیرۆ كیلۆمەتر بۆ هێتە دابینكرن.
د داخویانییا خوە دا عەقیل موفتن بۆ دەزگەهێن راگەهاندنێ‌ گۆت: ئەڤە نە بتنێ‌ سۆزە و گۆتنە بەلكۆ د راستی دا دبێژم هەر یاریزانەكێ‌ نوونەراتییا ئۆلمپییا ئیراقێ‌ د هەر یارییەكێ‌ دا بكەت ل ئۆلمپیادا فرەنسا 2024ێ‌ و بشێت میدالییا زێری یا یارییا خوە ب دەستڤە بینت دێ‌ خەلاتەكێ‌ ب بوهایێ‌ ئێك ملیۆن دۆلاران وەرگریت دگەل ترۆمێلەكا زیرۆ كیلۆمەتر 2024ێ‌ و هەروەسان وەكو رێزگرتن دێ‌ پەیكەرەكێ‌ بیرهاتن بەرانبەر بنگەهێ‌ لژنەیا ئۆلمپیا ئیراقێ‌ بۆ هێتە دانان.
ئەڤ گۆتنە هاتن پشتی عەقیل موفتن پێشۆازییا دو یاریزانێن بلندكرنا پارسەنگی كر ئەوێن دەربازبووینە ئۆلمپیادا فرەنسا و سۆزدا هەر پێنگاڤەكا پشتەڤانیێ‌ هەبیت یا لۆجستی و دارایی بەرهەڤە بكەت، بۆ زانین ئیراقێ‌ بتنێ‌ ئێك میدالییا ئۆلمپیادا هەیە ئەوژی یا 1960 بۆ یاریێن هێزێ‌ بوویە.

تیما تەپا پێی یا یانەیا سێمێلێ‌ بەردەوام ل سەرگەشكرنا هیڤیێن خوە یێن دەربازبوون بۆ پلا نایابا كوردستانێ‌ پشتی شیایی د یارییا خوە یا ئەینییا بۆری دا ب دو گۆلان دگەل خودانێن ئەردی یانەیا قەلادز وەكهەڤی بیت، ژلایێ‌ خوەڤە ژی تیما تەناهی ژی ب وەكهەڤی ژ رەواندۆزێ‌ ڤەگەریا د یاریێن واندا ئەوا ل ئەینییا بۆری ژ چارچووڤەیێ‌ گەڕا 12ێ‌ یا خولا پلا ئێكا كوردستانێ‌ هاتیە كرن.
پەروەر حسێن سەرپەرشتێ‌ تیما سێمێل بۆ رۆژنامەیا ئەڤرۆ گۆت: سەرباری وەكهەڤیێ‌ لێ‌ ئەم رژدین ل سەر هەڤڕكیێ‌ بۆ ئێك ژ پلێتێن دەربازبوونێ‌، هەرچەندە دو یانە دێ‌ ئێكسەر دەربازبن و یا تیما رێزا سێیێ‌ دێ‌ پاشكۆیێ‌ دا دەربازبیت ئەوژی دگەل تیما خودانا رێزا 14ێ‌ یا پلا نایاب كەن ژبۆ ئێكلاكرنا پلێتا سێیێ‌، هێش هیڤیێن مە ماینە و دێ‌ شەڕی بۆ كەین هەتا دووماهی چركە.
بڤان ئەنجامان هەلوەستێ‌ گشتی بڤی رەنگی ییە، رزگاری 31خال سەرێ‌ لیستێ‌ دهێت، پیشەسازی 30 خال، كۆیە 26 خال و سێمێل 23 خال رێزێن دویێ‌ هەتا چارێ‌ دهێن، قەلادزێ‌ 22 خال، سلێمانی 20 خال، شۆرجە 17خال، هەلۆ 15 خال، خاك 13 خال، بابان 12 خال ل رێزا پینجێ‌ هەتا 10ێ‌ دهێن، هەروەسان تەناهی ب11 خالان رێزا 11ێ‌ دهێت، رەواندۆز 11 خال، بازیان نەهـ خال، چەمچەمال نەهـ خال، هەلەبجەیی شەهید شەش خال و خانەقین ب هەمان خالان رێزێن 12ێ‌ هەتا 16ێ‌ ل دووڤ ئێك دهێن.
بۆ زانین سێ‌ گەڕ ماینە دێ‌ هەلوەستێ‌ گشتی یێ یانەیێن دەربازبوون بۆ پلا نایابا كوردستانێ‌ هێتە دیاركرن، تیما یانەیا سێمێل بەردەوامە ل سەر هەڤڕكیێ‌ و دەستڤە ئینانا ئێك ژ دو پلێتێن دەربازبوونێ‌ یان ژی پلێتا سێیێ‌ یا پاشكۆ، ژلایێ‌ خوەڤە تەناهی ژی بزاڤێ دكەت مانا خوە د حولێ‌ دا پارێزیت.

یاریزانێ‌ هێلا ناڤین یێ‌ یانەیا ریال مەدرید یا ئسپانی لۆكا مۆدرێچ دیاركر گرێبەستا وی دگەل یانەیا ئسپانی دێ‌ ب دووماهی هێت لێ‌ هەكە نوو نەكر دێ‌ دووماهی وێستگەها وی بیت ل ئۆرۆپا.
ل دووڤ رۆژنامەیا رێلێڤۆ یا ئسپانی مۆدرێچی دیاركر وەرزێ‌ ئەڤ سالە دێ‌ گرێبەستا وی دگەل یانەیا ریال مەدرید ب دووماهی هێت ل ئادارا بهێت دێ‌ كۆمبوونەك دگەل بەرپرسێن یانەیا شاهان هێتە كرن ژبۆ ئێكلاكرنا مانا خوە و گۆت: ئەڤە 12 سالە دگەل ریال مەدرید شیاینە پێنج ناسناڤێن چامپیۆنز سێ‌ ناسناڤێن خولا ئسپانیا و دو جاران كۆپا شاهێ‌ ئسپانیا ب دەستڤە ئینایە، جهێ‌ شانازیێ‌ یە، لەوما هەكە نە گەهشتینە چو رێكەفتنان دێ‌ ریال مەدرید بیتە دووماهی وێستگەها من یا كێشوەرێ‌ ئۆرۆپا و دبیت

ئەڤرۆ:
راهێنەرێ‌ ئسپانی و یانەیا مانچستەر ستی یا ئنگلتەرایی دیار كر یارییا بۆری دگەل چێلسی ئەو پلانا بۆ یاریزانان هاتیە دانان ئەو یان گڤاشتنا مە ب راوەستینن و دنیڤا ئێكێ‌ دا ئەو ئاستێ‌ ژێ‌ دهاتە داخوازكرن پێشكێش نەكر، ئەوا شەڤا دەربازبوویی یاری ب گۆلەكێ‌ ب دووماهی هاتی ژ چارچووڤەیێ‌ گەڕا 25ێ‌ یا خولا پرێمەرلیگ.
پیب گۆاردیۆلایی بۆ كەنالێ‌ bbc یا بریتانی گۆت: یارییەكا ب هێز دهاتە كرن نیڤا دویێ‌ دا ئەم باشتر بووین و گەلەك دەلیڤە مە ژ دەستدان دڤیابا مە سەركەفتن ئینابا لێ‌ ئەڤە تەپاپێی، هەردەم یێ‌ گەشبینم و ژ تیما خوە نا ترسم، خویایە چو یانە نەشێن هەمی یارییان دا ئێك ئاست نیشان بدەن و ئەڤە سرۆشتیە.
هەروەسان ناڤهاتی ل دۆر ئەوێ‌ دەلیڤەیا زێرین یا گۆلێ‌ ژ ستێرێ‌ تیمێ‌ ئیرلینگ هالاند ژ دەستدایی گۆت: من 11 سالان یاری كرییە ب تنێ‌ 11 گۆل من تۆماركرینە لەوما كاروانێ‌ من یێ‌ وەرزشی رێكێ‌ نا دەت شیرەتان ل هالاندی بكەم، لێ‌ پشتراستم بۆ یارییا بهێت دێ‌ گۆلان تۆماركەت.