دلشاد عەبدوللا:

ئەڤێ کچێ گۆت: (روژەکێ بابێ من کچەکا ١٨ سالی بۆ رۆژناما ئەڤرۆ دیار کر کو پشتی بابێ وێ هەڤالێ خۆ یێ کاری مێڤان کریە مال، دایکا وێ پەیوەندیێ ل گەل وی دروست دکەت و گۆت: من چ جارا باوەر نەدکر کو دێ دایکا من خیانەتێ ل بابێ من کەت.
پەیوەندی ب دایکا من کر و گۆتێ فراڤینێ چێکە هەڤالەکێ من یێ کاری مێڤانێ مەیە، ئەو کەسە هاتە مالا مە و پشتی خوارنێ مە وەختێ خو ب سوحبەتاڤە بوراند، ب بورینا دەمی ئەم پتر تێکەلی ئێک بووین، گەلەک جارا ب شەڤ دهاتە مالا مە حەتا درەنگ دما).
ڤێ کچێ گۆتژی: (روژەکێ من دڤیا تێلەفونا بابێ خو بکەم من داخواز ژدایکا خو کر موبایلا خو بدەتە فمن، پشتی من تێلەفون دانای ئێکسەر نامەک بو دایکا من هات و من ئەو نامە دیت، دەرکەفت ئەو هەڤالێ بابێ منە ئەوێ دهێتە مالا مە وێنێ خۆ بو دایکا من یێ هنارتی ل گەل هندەک ئاخفتنێن بێ سەروبەر، ژ نوی من زانی کو ل پشت باب منڕا وی و دایکا من پەیوەندیا ل گەل ئێکدو هەی).
ئەڤێ کچێ د بەردەوامیا ئاخفتنێن خۆدا گۆت: (ئەس گەلەک تێکچوم و من باوەر نەدکر کو دێ دایکا من خیانەتێ ل بابێ من کەت، دایکا من هەست پێکر کو من زانی زانی و ئەو ئاشکرا بو من ژی گوتە دایکا خو ئەڤە چ شەرمزاریە دادێ بابێ من سپێدێ حەتا ئێڤاری بو مە کار دکەت، داکو مە ب سەرفرازی خودان بکەت و تو خیانەتێ لێ دکەی، دایکا من گوت ئەس دێ هێلم و ژبیر کەم و هەکە تو بێژیە بابێ خۆ دێ خو کوژم، ئێدی من نەزانی چ بکەم و ئەس ژلایێ دەروونیڤە زور تێکچوم، من هەردەم دگوت خوزی ئەز مری بام من ئەڤ تشتە ب چاڤێن خو نەدیتبا، ژبەرکو دایکا من هەموو دەما ئاموژگاری لمن دکرن کو خۆ پارێزم و ئەو نەشیا خۆ پارێزیت).

چارەسەری
خوشکا هێژا: مخابن ژنێن وەکی دایکا تە هەنە کو حەلالی دهێلن و دچنە حەرامی و خیانەتێ ل زەلامێ خو دکەن، ئەڤە ژی دیاردەکا ب مەترسیە و کارەکێ نە دروستە و ژلایێ شەرعی و یاسایی و جڤاکی ڤە ئەڤ کارێ نەشرین هاتیە رەد کرن و ناهێتە قەبیل کرن، ئەڤجا دڤێت تو رولێ خو بینی و ڤی بابەتی ب دووماهیک بینی ل گەل دایکا خو، نەهێلە ئەو کەس ب چ رێکا بهێتە مالا هەوە.
بو دایکا خو دیار بکە ڤان جورە کارا ئاریشێن مەزن ژێ چێدبن، ئەڤ کارە کەفتە سەرملێن تە دیارە تو کەسەکا ژێر و تێگەهشتی و دێ شێی هاریکاریا دایکا خو کەی و ژ ڤی کارێ نەشرین دوور ئێخی و بنە خێزانەکا ئاڤەکەر.
ئەگەر نوکە چارەسەر نەکەی دبیت پشتی هینگێ ب زەحمەتتر بکەڤیت و بیتە ئەگەرێ هەرفینا خێزانێ، دڤێت تو گەلەکا هشیاربی، ژبەرکو ژلایێ یاسایی ڤە هەبونا پەیوندێین موبایلێ ژلایێ ئێک ژ هەڤژینانڤە ئەگەرەکێ تەمامە بو ژێکڤەبونا خێزانێ.
خەلەتیا بابێ تەیە ژی، ژبەرکو د ڤی سەردەمی دا نابیت ب چ رەنگا مروڤ هەڤالێن کاری ببەتە مالا خۆ، باوەریا خو پێ بینت.

سەباح زوهێر:

بەرپرسێ راگەهاندنا رێڤەبەریا پولیسێن ئاكرێ‌ بۆ روژناما ئەڤرۆ دیار كر كو تورێن جڤاكی بووینە مەترسی ل سەر ژیانا هەر مە هەموویان، چونكی هەموو چینێن مرۆڤا بكار دئینین و گۆت: سوشیال میدیا ب گشتی بوویە ئەگەرێ‌ زوربوونا ئاریشان د جڤاكی دا، لەوا پێدڤیە ل دەمێ بكارئینانێ‌ د هشیار بین.
مقەدم عیماد حسێن بەرپرسێ راگەهاندنا رێڤەبەریا پولیسێن ئاكرێ‌ دیار كر كو پێدڤیە بەردەوام د ئاگەهدار بین ل دەمێ‌ بكارئینانا تورێن جڤاكی داكو نەبینە نێچیرەكا ب ساناهی بۆ تومەتباران، ژبەركو تومەتبارا داخوازی هەنە و ل دووڤ نێچیرەكا ب ساناهی دگەریێن و گۆت: (لەوا پێدڤیە ل دەمێ‌ چێكرنا هەر تورەكا جڤاكی مرۆڤ پاسوردەكا بهێز و ئالوز دانیت و زور ب هشیاری سەرەدەریێ ل گەل بكارئینانا وان ئەكاونتان بكەت).
مقەدمی گۆتژی: (نوكە هاك كرن و دزینا ئەكاونتا یا ب ساناهیە، ئەڤجا داكو تورێن خوە یێن جڤاكی بپارێزین پێدڤیە داتا و وێنەیێن د موبایلا خۆدا هەردەم ژێ‌ ببەین، ژلایەكێ‌ پێدڤیە ل دەمێ‌ فروتنا ئامیرێن خو ژی هشیار بین ژبەركو ب رێكا فورمات كرنێ‌ ژی وێنە ب دروستی ژێ‌ ناچن).
مقەدم عیماد دا زانین ژی كو بەشەك ژ وان كەسێن تورێن جڤاكی بكاردئینن كەسێن راستگۆ نینن، لەوما ل دەمێ‌ پەیوەندیێ‌ ب رێكا هەر تورەكا جڤاكی پێدڤیە هشیاری ڤەكرنا كامیرێ‌ و وێنەیێن خوە بی ب تایبەت بو كەسێن نەنیاس، چونكی ئەو كەسێن ڤان كاران دكەن شارەزایەكا باش هەیە و دزانن دێ‌ چاوا كەسێ‌ بەرامبەر سەردا بەن و ئێخنە داڤێن خۆ).
بەرپرسێ راگەهاندنا رێڤەبەریا پولیسێن ئاكرێ‌ دیار كر ژی كو نابیت مرۆڤ ب چ رەنگان ئاخفتنێن نەشرین و جڤینا و گەفان بكار بینیت د تورێن جڤاكی دا و هەكە كەسەك داخوازیەكێ‌ یان گەفەكێ‌ بكەت پێدڤیە مروڤ وێ‌ نامێ‌ بپارێزیت و وەكو بەلگە بكار بینیت.
مقەدمی دا زانین ژی، هەر گاڤا كەسەكی ب رێكا تورێن جڤاكی گەف ل تە كرن، پێدڤیە لایەنێن پەیوەندیدار ئاگەهدار كەی بۆ دەستەسەر كرنا تاوانباران ب رێكا هێلا گەرم یا پولیسا (104) ئەڤ هێلە ل هەموو جهان یا بەردەستە و گۆت: (چونكی ئارمانجا هێزێن پولیسان پاراستن و سەلامەتیا هەموو هاولاتیانە، لەوما ل دەمێ‌ هەر ئاریشەك بو هەوە پەیدا دبیت ب زویترین دەم پولیسان ئاگەهدار بكەن بەری ئەو ئاریشە مەزن و بەلاڤ بیت).