رەمەزان زەكەریا

د داخویانیەكێ دا جێگرێ سەرۆكێ یانەیا دینارتە یا وەرزشی ئاشكراكر ژبەر گیرۆبوونا دروستكرنا یاریگەها مە گەلەك ئاستەنگ دروستبوون، ژبەركو چو جهـ نەبوون راهێنانا لێ ئەنجامدەن سەرەرای ڤێ چەندێ بەرهەڤی بەردەوامبوون بۆ خولا پلە دویا كوردستانێ.
زێدەتر خەلیل حسێن بۆ رۆژناما ئەڤرۆ گۆت: پشتی كۆمبوونەكا كارگێری بریاڕهاتە دان كادرێ‌ راهێنەران دەستنیشانبكەین بۆ وەرزێ نوو، ژبەر رەوشا دارایی یا خراب ستافەكێ نافخۆ دروستبكەین بۆ پتر گرنگیدان ب شیانێن وەرزشڤان و راهێنەرێن نافخۆ بۆ ڤێ قۆناغێ، رزگار جەرجیس راهێنەر، جابر حسۆ هاریكارێ راهینەری، كاروان محەمەد قادۆ راهێنەرێ گولپارێزان، چاڤەڕێنە پێنج یاریزانێن پێشەكار بۆ ناڤ رێزن تیمێ زێدەكەین پێخەمەت ب گەهیتە ئارمانجا سەرەكی كو پلە ئێكا كوردستانێ یە .
ناڤبری گۆتژی: ل دووڤ شیانێن بەردەست دێ‌ هەمی بزاڤان كەین هەر تشتەكێ‌ پێدڤی بۆ تیمێ‌ بەرهەڤبكەین پێخەمەت بگەهینە ئارمانجا خوە و تیمەكا بهێز هەرچەندە ئاستەنگ هەمبەری یانەیا دینارتە گەلەكن تایبەت رەوشا ئابووریا یا خرابە ئەڤە بۆ سالەك هیچ بۆدجەیەك بۆ یانەیێ نەهاتیە و هەروەسا گیرۆبوونا دروستكرنا یاریگەهێ دەمێ خوەدا.
جێگرێ سەرۆكێ یانەیا دینارتە گۆت: هەتا نوكە ب فەرمی چو كەسەك نەهاتیە پێش بۆ وێ چەندێ ببیتە سپۆنسەرێ تیما مە لێ ب هیڤینە كو كەسایەتیێ دەڤەرێ دلێر فەرزندە خوە ل تیما مە بكەت خودان وەك سالێن بوری.

قەیس وەیس:

خوە بەرهەڤكرن بۆ ڤاڤارتنێن كۆپا ئاسیا و مۆندیالا جیهانی هه‌لبژارتیێ ئیراقێ یێ باسكێت بۆلێ كه‌مپێ خوه‌ ل پارێزگه‌ها دهۆكێ دانایه‌ و سێ یاریزانێن پارێزگه‌هێ دناڤ كه‌مپی دانه‌ ئه‌وا دێ هه‌تا نه‌هی شۆباتا بهێت یا به‌رده‌وامبیت.
د كه‌مپێ ئیراقێ دا ئه‌وا ب سەرپەرشتیا راهێنەرێ‌ كرواتی و یانەیا زاخۆ میلان نیسێج چار یاریزانێن هه‌رێمێ دناڤ دانه‌ ژوانا سێ یاریزانێن پارێزگه‌هێ نه،‌ موراد عەلی و محەمەد محسن ژ یانەیا زاخۆ، فەرید رەعدی خەلكێ‌ دهۆكێ‌ و یانەیا دیفاع ئەلمەدەنی و محەمەد عەبدولخالق خەلكێ‌ هەولێرێ‌ و یانەیا دیفاع ئەلمەدەنی هه‌ردیسان راهێنه‌رێ زاخۆ یێ گه‌نج جوتیار عه‌لی وه‌كوهاریكارێ دویێ یێ راهێنه‌رێ هه‌لبژارتیێ ئیراقێ دگه‌ل دایه‌ و رۆژانه‌ راهێنانێن خوه‌ ل هۆلا گرتییا یانه‌یا سه‌نحاریب دكه‌ن
د داخویانیه‌كێ دا د. خالد نه‌جم جێگرێ دویێ یێ سه‌رۆكێ فیدراسیۆنا باسكێت بۆلا ئیراقێ گۆت: ئه‌ڤ كه‌مپه‌ هه‌تا نه‌هێ شۆباتا بهێت ل پارێزگه‌ها دهۆكێ دێ به‌رده‌وام بیت، دووڤدا دێ‌ بەر ب وەلاتێ‌ بەحرەین ب رێكه‌ڤن ژبۆ دانانا كەمپێ‌ ده‌رڤه‌‌ و ئەنجامدانا دو یاریێن هەڤالینی دگەل هەلبژارتیێ‌ بەحرەین ل18 و 19ێ‌ شوباتا بهێت بەری بكەڤینە د ڤاڤارتنێن هەڤپشك یێن كۆپا ئاسیا و مۆندیالا جیهانی ئەوا دێ‌ ئێكەم یارییا خوە یا كۆما سێیێ‌ ل 23ێ‌ شۆباتا بهێت بەرانبەر سعۆدیێ‌ ل بەغدا كەت، یاریی دویێ‌ ل 26ێ‌ هەمان مەهـ بەرانبەر فلەستینێ‌ ل وەلاتێ‌ ئوردنێ‌ كەت.

یاریزانێ‌ هەلبژارتیێ‌ پارێزگەها دهۆكێ‌ هەروان سەلام رێزا دویێ‌ ل سەر ئاستێ‌ قارەمانییا كوردستانێ‌ یاڤەكری بۆ سنۆكەرێ‌ ب دەستڤە ئینا، د هەڤڕكیێن واندا ئەوا ل هەولێرا پایتەخت ب پشكدارییا 64 ژ باشترین یاریزانێن پارێزگەهێن، دهۆك، هەولێر كەركووك و سلێمانیە هاتیە كرن.
ل دۆر ڤێ‌ یەكێ‌ ئەحمەد سەلاح جێگرێ‌ سەرۆكێ‌ فیدراسیۆنا بلیاردا پارێزگەها دهۆكێ‌ بۆ رۆژنامەیا ئەڤرۆ گۆت: ئەڤ قارەمانییە یا ڤەكری بوو ل دووڤ نەخشێ‌ سالانە یێ‌ فیدراسیۆنا بلیاردا كوردستانێ‌ یە كو بتنێ‌ ل سەر ئاستێ‌ باشترین یاریزانان بوو، ژ پارێزگەها دهۆكێ‌ 10 یاریزان پشكداربوون و پشتی هەڤڕكییەكا ب هێز د ناڤبەرا یاریزانان دا بۆ ماوەیێ‌ سێ‌ رۆژان بەردەوام بوویی یاریزانێ‌ مە هەروان سەلام شیا رێزا دویێ‌ بینت، بۆ زانین یاریزانێ‌ ناسناڤ ب دەستڤە ئینایی قارەمانێ‌ ئیراقێ‌ یە.
هەروەسا ناڤهاتی كو هەڤدەم دا سەرۆكێ‌ لژنەیا داڤانان ل فیدراسیۆنا بلیاردا كوردستانێ‌ یە دیار كر ل پارێزگەها دهۆكێ‌ یاریزانێن خودان شیان و نموونە هەنە و هەتا نوكە نێزیكی حەفت یانە پشكداریێن ڤێ‌ یاریێ‌ كرینە لێ‌ مخابن ژبەر نەبوونا پشتەڤانییا دارایی ل یانەیان ئەڤچەندە بوویە ئەگەر یاریزانێن مە بێزاربن و ئەو شیانێن دارایی نەبن كو بشێن پشكداریێ‌ د قارەمانیێن ئیراقێ‌ دا بكەن و نێزكترین قارەمانی بڕیارە ل ناڤەراستا شۆباتا بهێت پایتەختێ‌ ئیراقێ‌ بەغدا مێڤاندارییا وێ‌ بكەت.

عەلی حاجی:

د داخویانیەکێ دا ڕاهێنەرێ تیما تایکواندۆیا زاخۆ بۆ رۆژناما ئەڤرۆ دیار کر ل سەر ئاستێ لاوان و پێشکەڤتیان پشکداری د قارەمانیەکا وەلاتێن عەرەبی دا کرینە و چاڤێ وان ژی ب مێدالیێن زێری یە.
زێدەتر عەباس زاخۆیی گۆت: ب چار یاریزانان دو ل سەر ئاستێ لاوان و دو ل سەر ئاستێ پێشکەڤتیان پشکداری قارەمانییا عەرەبی بووینه‌ ئەوا نوكه‌ یاریێن وێ ل ئیماراتێ دهێنە ئەنجامدان، یێن لاوان سیراچ بۆ کێشا ٤٥کگم، یوسڤ ردوان بۆ کێشا ٥٥کگم دێ پشکدار بن، ل سەر ئاستێ تازه‌پێشکەڤتیان سالح سەلاح و فەتحی عادل دێ ل سەر کێشا ٦٨کگم پشکدار بن، بەرهەڤیێن باش بۆ ڤێ قارەمانیێ هاتینه‌ ئه‌نجامدان و مە باوەری ب یاریزانێن خوە هەنە دێ شێن ئەنجامێن ژهه‌ژی ب دەستخوەڤە ئینن، پێشتر د قارەمانییا وەلاتێ قەتەر دا مە پشکداری تێدا کر بوو و دو یاریزانێن مە رێزێن دویێ و سێیێ ب دەستخوەڤە ئینابوون، ئەڤە دبیتە دووەم قارەمانیا ژ دەرڤەیی ئیراقێ پشکداریێ تێدا بکەین، ئه‌ڤرۆ ده‌ستپێكرییه‌ و هه‌تا سێیێ شۆپاتا بهێت به‌رده‌وامبیت.
ناڤبری گۆت ژی: پشتی ب دووماهی هاتنا ڤێ قارەمانیێ دێ قارەمانیه‌كا دیتر ل وەلاتێ ئیماراتێ دەستپێکەت و هەکە هاریکاری دگەل مە دا بهێتە کرن دێ پشکدار بین، یانه‌یا زاخۆ هەتا ڕادەیەکێ هاریکاریا مە کریە و یا مایی ژی ل سەر کیستێ خوە مە تەمامکریە و دێ بناڤێ زاخۆ پشکدار بین و قارەمانی یا ب هێزە.

عەلی حاجی :

د داخویانیەکێ دا ئەندامێ کارگێریا یانه‌یا زاخۆ یا وەرزشی بۆ رۆژناما ئەڤرۆ دیار کر چاڤێ وان ل سەرکەفتنێ یە بەرانبەر عەفک و د یاریا بوری دا ئەو ژ ئاستێ یاریزانێن خوە نە رازی بوون ئه‌وا بریاره‌ یارییا خوه‌ ل شه‌مبییا بهێت ل باژێرێ دیوانیه‌ بكه‌ت.
زێدەتر دلژار عەدنان گۆت: یارییا مە بەرانبەر عەفک ژ چارچووڤێ قۆناغا ٣٢ یا كۆپا ئیراقی یا تەپاپێی ب ساناهی نینە، ئامارێن تیما وان دخولا نایابا ئیراقێ دا ژ سەرجەمێ شەش یاریان دو سه‌ركه‌ڤتن و چار خوساره‌تی هه‌نه‌، هەرچەندە ئامارێن وێ د خرابن لێ ئەم ڤێ تیمێ ب ساناهی نابینن ژبه‌ركو یارییا مه‌ د یاریگەها واندایە بیت، لێ ئەرکێ مە بەرانبەر یانەیێن دیتر یێ ب ساناهیترە، نابیت ئەڤ دەلیڤەیێن بۆ مە هاتینە پێش ژ دەستبدەین گه‌شبینین گەلەک قۆناغان د كۆپا ئیراقێ دا ده‌ربازبكه‌ین.
ناڤبری گۆت ژی: ئەو ژ ئاستێ تیمێ یێ رازی نەبوون د یاریا بوری دا بەرانبەر بەحری ژ چارچووڤێ قۆناغا ئێکێ ژ كۆپا ئیراقێ و مە یاریزان و ڕاهێنەر ژی ژی سەر وێ چەندێ ئاگەهدار کرینە و پێدڤیە ئاستێ خوە باشتر لێ بکەن و یارییا بهێت سه‌ركه‌فتنه‌كا ژ هه‌ژی بینن.

دهێتە چاڤەڕێ‌ كرن ئەڤرۆ ل دەمژمێر 2:15 پشتی نیڤرۆ تیما تەپا پێی یا یانەیا دهۆك یارییا خوە یا گەڕا 17ێ‌ ژ هەڤڕكیێن خولا پلا نایابا كوردستانێ‌ ژ دەرڤەیی یاریگەها خوە ببیتە مێڤانا انەیا رانیە بكەت ب هیڤیێن سەركەفتنێ‌ و خوە قۆرتالكرن ژ رێزێن دووماهیێ‌.
ئەلهۆیێن چیا د نوكە دا ب 17 خالان ژ چار سەركەفتن، پێنج وەكهەڤی و حەفت خوسارەتییان ل رێزا 14ێ‌ دهێت، ئەڤ رێزبەندییە یا ژ هەژی یانەكا مەزن و خودان جەماوەرە و دیرۆكەكا پری دەستكەفت و پشكداریێن نێڤدەولەتی، لەوما دێ‌ هەمی بزاڤان كەن خوە ژ ڤێ‌ رێزبەندیێ‌ دووربێخن و پێشڤە بهێنە رێزێن باشتر، د بەرانبەردا تیما رانیە ئێك ژ هەڤڕكێن دناڤەراستا رێزبەندیێ‌ دایە و خودانا 20 خالانە ل رێزا نەهێ‌ دهێت، ئەركی راهێنەر و لەشكەرێ‌ تیما دهۆكێ‌ دناڤ یاریگەهێ‌ دا ب سانەهی نابیت لێ‌ رژدییا وان ژی بۆ بدەستڤە ئینانا سێ خالان ژی دێ‌ ئارمانجا وان بیت.
ل دۆر دووماهی بەرهەڤیێن وان رابین هاشم راهێنەرێ‌ تیما دهۆكێ‌ بۆ رۆژنامەیا ئەڤرۆ گۆت: پشتی وەرگرتنا تیمێ‌ مە كار ل سەر گەلاك خالان كرییە ژ وانا ڤەگەڕاندنا مۆالا یاریزانان و بلندكرنا زاخ و دەرۆنێ‌ یاریزانی، یا گرنگ بوومە د یاریێن بهێت دا بزاڤێ‌ بكەین چو خالان ژ دەست نەدەین ژبۆ پێشڤەبرنا تیمێ‌ بۆ رێزێن باشتر، بۆ یارییا ئەڤرۆ سەرباری ژبەر هنگاڤتنێ‌ دو یاریزانێن مە پشكدار نابن لێ‌ گەشبینم دێ‌ ل دووڤ ئارمانجا خوە سەركەفتنێ‌ ئینن سەرباری ئەركێ‌ مە بەرانبەر خودانێن ئەردی ب سانەهی نابیت، لێ‌ ئەم دەستان ژ هیڤیێن خوە بەرنادەین.
ژ یاریێن دی یێن ئەڤرۆ، شێروانە- برایەتی، هندرین- سۆران، سەیدسادق- پێشمەرگەیا هەولێرێ‌.